Nahum 1:9 - BAIBLO ALOO NGMAMI KLƆUKLƆU Ɔ

⁹ Mɛni yi mi yayami nyɛ ngɛ toe ngɛ Yawɛ he ɔ? E ma kpata nyɛ hɛ mi pɛsɛpɛsɛ. Ke nɔ ko kɛ lɛ kpe si kake pɛ nɔ ɔ nyagbe ji lɔ ɔ nɛ.

Nahum 1:9 ပူးပေါင်းရင်းမြစ်များ

Samuel II, 20:10

Nɛ pee ja a, Amasa nɛ́ klaate ɔ nɛ Yoab hɛɛ ngɛ e muɔ nine mi ɔ; kɛkɛ nɛ Yoab kɛ klaate ɔ gbɔ e muklii mi, nɛ e pã e mi ní kɛ pue zugba. E gbo amlɔ nɔuu nɛ e he hia we kaa Yoab nɛ fia lɛ nɔ́ si enyɔne hu. Lɔ ɔ se ɔ, Yoab kɛ e nyɛmi Abishai pue nɔ kɛ nyɛɛ Bikri bi Sheba a se.

La 21:11

Ke a so e yi nɔ, aloo a to yi mi yaya ngɔ wo e he po, a nine be e nɔ sue.

La 33:10

Ke je ma amɛ so kikɛ nɛ ɔ, Yawɛ tsakeɔ a yi mi tomi ɔmɛ, nɛ a nyɛ we nɛ a kɛ tsuɔ ní.

Abɛ Womi 21:30

Adesa nile, loo nɔ́ sisi numi, loo ga be nyɛe maa da Yawɛ hɛ mi.

Yesaya 28:22

Lɔ ɔ he ɔ, nɔ́ nɛ i ngɛ nyɛ dee ɔ, e ko pee nyɛ muɔ hu! Ke nyɛ kɛ pee fiɛmi ɔ, nyɛ be nɔ́ nɛ ma a nya fo nyɛe maa tu. I nu kaa Nyɔmtsɛ Yawɛ Tabohiatsɛ ɔ ke e ma kpata zugba a tsuo hɛ mi.

Yeremia 51:64

nɛ o de ke, ‘Bɔ nɛ Babilonia ma mu kɛ ya nyu sisi ji nɛ ɔ nɛ. Babilonia ma mu, nɛ e be hiae hu, ejakaa Yawɛ ma kpata zugba a hɛ mi pɛsɛpɛsɛ.’ ” Yeremia sɛ gbi ɔ nya ta ngɛ hiɛ ɔ.

Ezekiel 21:5

Nɔ tsuaa nɔ maa le kaa imi Yawɛ nitsɛ lɛ i hia klaate kɛ je e kpo ɔ mi, nɛ i be lɛ se kpalee kɛ wo e kpo ɔ mi hu.

Ezekiel 7:5

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Amanehlu nyɛɛ amanehlu se kɛ ma!

Hosea 7:15

Imi nitsɛ nɛ i tsɔse mɛ, nɛ i ha nɛ a he wa, se a soɔ kɛ woɔ ye he.

Nahum 1:11

Mo Nineve, o mi nɛ nɔ ko je, nɛ e to yi mi yayami kɛ si Yawɛ ɔ nɛ.

2 Korintobi 10:5

nɛ wa teɔ si woɔ ní yayamihi nɛ he nɔ woli deɔ kɛ siɔ bɔ nɛ Mawu ngɛ anɔkuale mi ɔ. Wa tsakeɔ adesa juɛmi, konɛ e susumi nɛ pee kaa bɔ nɛ Kristo ngɛ hlae ɔ.

Samuel I, 26:8

Kɛkɛ nɛ Abishai de David ke, “Mawu je o he nyɛlɔ ɔ kɛ wo o dɛ mi mwɔnɛ ɔ; lɔ ɔ he ɔ, ha nɛ ma hɛ lɛ akplɔ ɔ si kake pɛ kɛ ya pi zugba, nɛ e be hiae kaa a hɛ lɛ enyɔne.”

Samuel I, 3:12

Jamɛ a ligbi ɔ, ma ha nɔ́ tsuaa nɔ́ nɛ i de kɛ si Eli we ɔ maa ba mi kɛ maa je sisije kɛ yaa si nyagbe.