Nahum 1:8 - BAIBLO ALOO NGMAMI KLƆUKLƆU Ɔ

⁸ E kpataa e he nyɛli ɔmɛ a hɛ mi pɛsɛpɛsɛ kaa bɔ nɛ pa nguaa nɛ ngɛ bee kɛ fo kpataa níhi a hɛ mi ɔ; e gbeɔ nihi nɛ tee si woɔ lɛ ɔ.

Nahum 1:8 ပူးပေါင်းရင်းမြစ်များ

Hiob 30:15

Sawale nu mi; ye hɛ mi nyami laa mi kaa kɔɔhiɔ muɔɔ ní kɛ yaa. Ye ní nami ɔ se po kaa bɔku.

Hiob 40:11

Hyɛ he woli! O mi mi nɛ fu mɛ nɛ o ba mɛ si.

Abɛ Womi 4:19

Yayami peeli lɛɛ a blɔ nɔ woɔ diblii kpii kaa nyɔ mi. A tɛɔ nɔ́ nɛ a nɔɔ si, se a li nɔ́ nɛ ji.

Yesaya 13:10

Dodoe tsuaa dodoe, kɛ dodoe kuu ɔmɛ nɛ a ngɛ hiɔwe ɔ be kpɛe hu. Ke pu je po, diblii maa wo, nɛ nyɔhiɔ hu be kpɛe.

Yesaya 13:9

Yawɛ ligbi ɔ nɛ ngɛ gbeye ɔ ma; a maa na e mi mi fumi nɛ nya wa a, kɛ e hɛdɔ ɔ. Je ɔ tsuo hɛ mi ma kpata; a ma kpata yayami peelɔ tsuaa yayami peelɔ hɛ mi.

Yesaya 28:17

Ma ngɔ dami sane yemi kɛ pee susumi kpa.” Ahumi kɛ gbiɛ ngo ngu maa bɛɛ lakpa amɛ tsuo kɛ ho, nɛ pahi maa je a hi he ɔmɛ.

Yesaya 28:18

Ke e ba mi ja a, somi ɔ nɛ nyɛɛ kɛ gbenɔ so ɔ, a maa po mi; nɛ a maa gbɛ kake peemi nɛ ngɛ nyɛɛ kɛ gbeje nyɛ kpɛti ɔ. Haomi nɛ maa ba a, nyɛ be nya nyɛe maa da.

Yesaya 28:2

Nyɔmtsɛ ɔ ngɛ he walɔ katsɛ ko nɛ ma ba tua mɛ. E maa ba kaa gbiɛ ngo ngu; e maa fo dɔ kaa hiɔmi nyu nɛ bee lalaala, nɛ haa pa hyiɔ kɛ ywiaa nga kɛ haa zugba a nɔ.

Yesaya 8:22

aloo a ma kɔkɔ a yi si kɛ hyɛ zugba mi gaa, se a be nɔ́ ko nɔ́ ko nae kaa ja haomi kɛ diblii kpii nɛ woɔ nɔ he gbeye nɛ a ngɛ mɛ fiee kɛ ngɛ mi woe.

Yeremia 13:16

Nyɛɛ wo Yawɛ, nyɛ Mawu ɔ hɛ mi nyami be mi nɛ e ha we nɛ diblii nɛ wo nyɛ nɛ nyɛ ba tɛ si ngɛ yoku ɔmɛ a nɔ, be mi nɛ e ha we nɛ la nɛ nyɛ ngɛ blɔ hyɛe ɔ nɛ plɛ pee diblii kpii.

Yeremia 51:64

nɛ o de ke, ‘Bɔ nɛ Babilonia ma mu kɛ ya nyu sisi ji nɛ ɔ nɛ. Babilonia ma mu, nɛ e be hiae hu, ejakaa Yawɛ ma kpata zugba a hɛ mi pɛsɛpɛsɛ.’ ” Yeremia sɛ gbi ɔ nya ta ngɛ hiɛ ɔ.

Ezekiel 13:13

Lɔ ɔ he ɔ, bɔ nɛ Nyɔmtsɛ Yawɛ ngɛ dee ji nɛ ɔ nɛ: “Ye mi mi ma fu wawɛɛ. Ma ha ahumi maa fia, nɛ hiɔmi maa nɛ; gbiɛ ngo ngu agbohi ma pue si, nɛ gbogbo ɔ maa hule.

Daniel 11:10

“Siria matsɛ ɔ bimɛ ma dla kɛ ha ta, nɛ a ma bua tabohi babauu a nya. A maa hia kɛ ya tua a he nyɛli ɔmɛ a mɔ ɔ kaa pa nɛ hia kɛ bee.

Daniel 11:22

Nihi nɛ maa te si ngɔ wo lɛ ɔ, e ma kpata a hɛ mi, kɛ Mawu nitsɛ ganɔ nɔkɔtɔma pe kulaa a tsuo.

Daniel 11:40

“Ke be nɛ Siria matsɛ ɔ nyagbe be ɔ su ta a, Egipt matsɛ ɔ ma ba tua lɛ. Se Siria matsɛ ɔ maa ngɔ ta zugba lɛhi, okpɔngɔhi, kɛ lɛhi babauu kɛ ba, nɛ e kɛ Egipt matsɛ ɔ ma ba hwu ta wawɛɛ nitsɛ. Kaa bɔ nɛ pa bee ɔ, ja nɛ e maa ngɔ zugba amɛ kakaaka.

Daniel 9:26

Jeha lafa kɛ nyingmi etɛ kɛ eywiɛ se ɔ, a maa gbe hɛ mi nyɛɛlɔ ɔ nɛ Mawu hla a yaka gu. Lɔ ɔ se ɔ, ganɔ ngua ko ma ba tua Yerusalem, nɛ e tabo ɔ ma kpata ma a, kɛ Yawɛ we ɔ a hɛ mi. Nyagbe ɔ maa ba kaa nyu kpekpemi, nɛ ta kɛ hɛ mi kpatami nɛ Mawu de to ɔ maa nyɛɛ se.

Amos 8:8

A ní yayami ɔmɛ a he je ɔ, ma ha nɛ zugba ma mimiɛ, nɛ nɔ tsuaa nɔ nɛ ngɛ zugba a nɔ ɔ maa hao. Zugba a tsuo ma mimiɛ; e maa ya hiɔwe, nɛ e maa ba si kaa bɔ nɛ Nilo pa a nɛ ngɛ Egipt ɔ, hyiɔ nɛ e faa daa jeha a.

Nahum 1:1

Sɛ gbi nɛ kɔɔ Nineve ma a he ji nɛ ɔ nɛ. Nina nɛ Nahum nɛ je Elkosh ɔ na ngɛ Nineve he ji nɛ ɔ nɛ.

Nahum 2:8

Nineve ma mi bi ɔmɛ bu kɛ je kpo kɛ je ma a mi kɛ fo kaa bɔ nɛ nyu bee yayaaya kɛ jee taku nɛ gba dɔ tlukaa mi ɔ. A nu ngmlaa ke, “Nyɛɛ da si! Nyɛɛ da si!” Se nɔ ko nɔ ko plɛ we nɛ e hyɛ e se.

Zefania 2:13

Yawɛ maa gbla omleyi je ma amɛ a tue. E ma kpata Asiria hɛ mi, nɛ Asiria ma nguaa a nɛ a tsɛɛ Nineve ɔ maa pee ma doku kaa nga kplanaa nɔ.

Mateo 7:27

Hiɔmi ba nɛ, nɛ pahi hia, nɛ kɔɔhiɔ fia wawɛɛ kɛ si tsu ɔ. Nɛ e hule kɛ pue si butuu nɛ nɔ́ ko piɛ.”

Mateo 8:12

Se ni nɛmɛ mohu nɛ sa matsɛ yemi ɔ mi himi ɔ, a ma sake mɛ kɛ fɔ tsu ɔ se ngɛ diblii kpii ɔ mi; nɛ a maa wo ya, nɛ a ma kpe lungu nya ngɛ lejɛ ɔ.”

Samuel I, 2:9

“E baa ni nɛmɛ nɛ yeɔ lɛ anɔkuale ɔ a yi. Se yayami peeli lɛɛ a hɛ mi kpataa ngɛ diblii mi; tsa pi adesa nitsɛ he wami nya nɛ e yeɔ manye.