Nahum 1:5 - BAIBLO ALOO NGMAMI KLƆUKLƆU Ɔ

⁵ Yoku mimiɛɔ ngɛ Yawɛ hɛ mi; nɛ yokuhi sileɔ ngɛ e hɛ mi. Ke Yawɛ je e he kpo ɔ, zugba a mimiɛɔ; nɛ je ɔ, kɛ e mi nimli ɔmɛ tsuo a he doɔ blibliibli.

Nahum 1:5 ပူးပေါင်းရင်းမြစ်များ

Samuel II, 22:8

Kɛkɛ nɛ zugba a mimiɛ nɛ e hoso; hiɔwe sisi tomi ɔmɛ hɛ a he, nɛ a mimiɛ; ejakaa Mawu mi mi fu!

Hiob 26:11

Ke e kuɛ́ ɔ, titimahi nɛ hɛɛ hiɔwe ɔ hosoɔ, nɛ a he wami taa.

Hiob 9:5

E hiaa yohi tlukaa nɛ e wui nɔ ko si; nɛ ke e mi mi fu ɔ, e kpataa a hɛ mi.

La 104:32

Ke Yawɛ hyɛ je ɔ, kɛkɛ je ɔ mimiɛ. Ke e ta yo ɔmɛ a he kɛkɛ a je la su ku.

La 114:4

Yo ɔmɛ tuu kaa agbosuhi, yoku ɔmɛ tuu kaa jijɔhi.

La 114:6

Nyɛ yohi, mɛni ba nɛ nyɛ ngɛ tuue kaa agbosuhi ɔ? Nyɛ yokuhi, mɛni ha nɛ nyɛ ngɛ tuue kaa jijɔhi ɔ?

La 18:7

Kɛkɛ nɛ zugba mimiɛ, nɛ yo ɔmɛ a sisi tomi ɔmɛ hɛ mɛ kɛ je a blɔ hehi, nɛ a mimiɛ, ejakaa Yawɛ mi mi fu.

La 18:8

La su ku hia kɛ je e gugwɔ puɔhi a mi; la nɛ ngɛ tsoe je e nya mi, nɛ hã nɛ tsɛ̃ je e mi.

La 46:6

Je ma amɛ a mi mi fuɔ, nɛ a peeɔ hoo; se ke Mawu wo gbi ɔ, zugba a he jɔɔ.

La 68:8

mo Yawɛ Israel Mawu ɔ, o ha zugba mimiɛ, nɛ hiɔmi nɛ ngɛ mo Mawu ɔ o hɛ mi. Sinai yo ɔ tete mimiɛ ngɛ mo Mawu, Israel Mawu ɔ, o hɛ mi.

La 98:7

Wo, kɛ o mi níhi tsuo, nyɛɛ wo gbi! Je ɔ, kɛ níhi tsuo nɛ ngɛ mi, nyɛ la!

Mose II, 19:18

Sinai yo ɔ tsuo hyi kɛ la su ku; ejakaa Yawɛ kple si kɛ ba yo ɔ nɔ ngɛ la mi. La su ku ɔ ngɛ si tee kɛ ngɛ hiɔwe yae kaa buɛsa he la su ku, nɛ yo ɔ tsuo mimiɛ wawɛɛ nitsɛ.

Yesaya 24:1

Yawɛ ma kpata zugba a hɛ mi, nɛ zugba a maa fɔ si gu. E ma plɛ zugba a hɛ mi bu si, nɛ nihi nɛ ngɛ nɔ ɔ, e maa gbɛ mɛ ngɔ fĩa.

Yesaya 24:20

E maa hi kpae kɛ hi yae kɛ hi bae kaa dã tɔlɔ, aloo ngmɔ si tsu nɛ kɔɔhiɔ sɛ mi. Yayamihi nɛ je ɔ tloo ɔ ngɛ lɛ gbee; ke e hule pue si ɔ, e be si tee gblegbleegble hu.

Yesaya 5:25

Yawɛ mi mi fu e ma a, nɛ e wo e nine nɔ, konɛ e gbla a tue. Yo ɔmɛ ma mimiɛ, nɛ ni gbogboehi ma pue si ngɛ blɔ ɔmɛ a nɔ kaa dwɔmi. Ke e ba ja po, Yawɛ mi mi fumi ɔ se be poe, se e nine nɛ e wo nɔ ɔ, ja e kɛ gbla a tue kokooko.

Yeremia 10:10

Se mo Yawɛ, Mawu nitsɛnitsɛ ji mo; mo ji Mawu hɛ kalɔ ɔ nɛ; neneene matsɛ ji mo. Ke o mi mi fu ɔ, zugba mimiɛɔ, nɛ je ma amɛ nyɛ we nya dami.

Yeremia 4:24

I hyɛ yo ɔmɛ a nɔ, nɛ yo ɔmɛ ngɛ mimiɛe; yoku ɔmɛ ngɛ mimiɛe kɛ ngɛ yae kɛ ngɛ bae.

Ezekiel 38:20

Pa mi lohi, hiɔwe lohwe pɛlitsɛmɛ, pu mi lohwe nane eywiɛɛywiɛtsɛmɛ kɛ sisali, kɛ nimli adesahi ngɛ zugba a nɔ tsuo maa pee yoyooyo ngɛ ye hɛ mi. Yohi maa hule kɛ pue si, tɛ sa nguanguahi maa nɔ si, nɛ gbogbo tsuaa gbogbo maa hule kɛ pue si.

Yoel 2:10

Ke a ma kikɛ nɛ ɔ, zugba ma mimiɛ, nɛ hiɔwe ma si; pu kɛ nyɔhiɔ maa wo diblii, nɛ dodoe be kpɛe hu.

Amos 9:5

Nyɔmtsɛ Yawɛ Tabohiatsɛ ɔ, ke e ta zugba a he pɛ kɛkɛ zugba a sile, nɛ nɔ tsuaa nɔ maa ye kɔmɔ. Zugba a tsuo maa ya hiɔwe nɛ e maa ba si kaa bɔ nɛ Nilo pa a nɛ ngɛ Egipt ɔ hyiɔ nɛ e faa a.

Mika 1:4

Yo ɔmɛ maa sile ngɛ e nane sisi kaa hwo gbaku ngɛ la mi; nɔ́ nɛ sile ɔ ma kpa ngɔ pue kɔ̃ ɔmɛ a mi kaa pa nɛ hia kɛ bee ngɛ yoku he kɛ yaa kɔ̃ mi.

Habakuk 3:10

Benɛ yo ɔmɛ na mo ɔ, a he do blibliibli; hiɔmi nɛ pue si piapiaapia. Muɔ voo ɔ wo gbi, nɛ oslɔke fluku.

Zakaria 4:7

Mo yo gagaa, mɛni kulaa ji mo ngɛ Zerubabel hɛ mi? E maa ba mo si, nɛ o maa pee kaa nga kplanaa. Be nɛ o kɛ nyagbe tɛ ɔ maa ma e blɔ he ngɛ tsu ɔ yi mi ɔ, ma a tsuo ma he ose ke, ‘Afɛu nɔ oo, afɛu nɔ!’ ”

Malaki 4:1

Yawɛ Tabohiatsɛ ɔ ke, “Be ma nɛ he woli, kɛ yayami peeli tsuo maa sã kaa bɔ nɛ nga sãã ngɛ flɔɔnɔɔ mi ɔ. Jamɛ a be ɔ, a maa sã pɛsɛpɛsɛ, nɛ a he nɔ́ ko nɔ́ ko be piɛe.

Mateo 27:51

Tlukaa a, tsu mi pomi bo nɛ ngɛ sɔlemi we ɔ mi gba enyɔ kɛ je hiɔwe kɛ ba ma si. Zugba mimiɛ, nɛ tɛ sahi a mi gba,

Mateo 28:2

Tlukaa a, zugba mimiɛ wawɛɛ; Nyɔmtsɛ ɔ bɔfo je hiɔwe kple si, nɛ e ba kpɛne tɛ ɔ kɛ je muɔ ɔ nya, nɛ e hi nɔ.

Kpojemi 20:11

Enɛ ɔ se ɔ, i na Mawu nɛ hii si ngɛ matsɛ sɛ hiɔ kpetekpleenyɛ ko nɔ. Tlukaa a, hiɔwe kɛ zugba laa, nɛ a nɛ mɛ hu.

Kpojemi 6:14

Hiɔwe hɛ lɛ kɛ ho kaa womi kpo nɛ a hluɛ̃, nɛ yohi, kɛ zugba kpɔhi nɛ wo bɔle mɛ kɛ kpe tsuo hia kɛ je a blɔ hehi.

Manyadali 5:5

Yo ɔmɛ mimiɛ ngɛ Yawɛ, nɔ nɛ je e he si ngɛ Sinai ɔ hɛ mi. Ee! A mimiɛ ngɛ Yawɛ, Israel Mawu ɔ nitsɛ hɛ mi.