Nahum 1:3 - BAIBLO ALOO NGMAMI KLƆUKLƆU Ɔ

³ Yawɛ mi mi fu we mla, se kɛ̃ ɔ, e we abofu nya wa wawɛɛ nitsɛ; e ngmɛ́ blɔ nɛ nɔ tɔli yeɔ a he kɔkɔɔkɔ. Yawɛ jeɔ e he wami kpo ngɛ lasiogblee kɛ ahumi mi; nɛ bɔku ngɛ kaa e nane se bunyuku!

Nahum 1:3 ပူးပေါင်းရင်းမြစ်များ

Samuel II, 22:10

E gba hiɔwe mi enyɔ; nɛ e nyɛɛ bɔku kpii ko nɔ kɛ ba zugba.

Nehemia 9:17

A kplɛɛ we nɛ a bu mo tue; a hɛ je níhi tsuo nɛ o pee ɔ a nɔ, nyakpɛ níhi tsuo nɛ o pee ha mɛ ɔ, a hɛ je nɔ. Ngɛ a he nɔ womi ɔ mi ɔ, a hla hɛ mi nyɛɛlɔ konɛ e kpale mɛ kɛ ya Egipt nyɔguɛ yemi ɔ mi. Se moo lɛɛ Mawu nɛ ngɔɔ tɔmi ngɔ paa ji mo; dloolɔ kɛ mɔbɔ nalɔ ji mo, nɛ o mi mi fu we mla. O mɔbɔ nami ɔ kle; o kua we o ma a.

Hiob 10:14

Ke i pee yayami ko ɔ, kɛkɛ o ngma kɛ to, nɛ o kɛ be mi pae kɔkɔɔkɔ.

Hiob 38:1

Kɛkɛ nɛ Yawɛ kɛ Hiob tu munyu kɛ je kɔɔhiɔ nɛ nya wa mi.

Hiob 9:4

Mawu ɔ, e le ní, nɛ e he wa. Mɛnɔ lɛ te si kɛ si Mawu hyɛ nɛ e hi ha lɛ?

La 103:8

Yawɛ naa mɔbɔ; e mi mi hi. E muklii mi fu we mla, se e mɔbɔ nami ɔ mohu hiɛ babauu.

La 104:3

O ma o we ɔ ngɔ fɔ nyu nɛ ngɛ hiɔwe ɔ nɔ. O ngɔ bɔku kɛ pee o lɛ, nɛ kɔɔhiɔ mi o nyɛɛɔ.

La 145:8

Dloolɔ kɛ mɔbɔ nalɔ ji Yawɛ; e mi mi fu we mla, nɛ e suɔmi hiɛ babauu.

La 147:5

Nyɔmtsɛ ɔ kle; e ngɛ he wami babauu, nɛ e nile hu a li nya.

La 50:3

Wa Mawu ɔ ma oo, e pee we di, se mohu la gegeege nɛ puɛɔ nɔ́ ngɛ e hɛ mi kɛ ma, nɛ ahumi ngɛ fiae kɛ ngɛ lɛ bɔlee.

La 62:11

Pi si kake pɛ nɛ Mawu tu munyu nɛ ɔ; e de si abɔ ke, he wami ɔ, lɛ Mawu ɔ e ngɔ e jee.

La 66:3

Nyɛ de Mawu ke, “Bɔ nɛ o peeɔ níhi ɔ ngɛ gbeye loo! O he wami kpetekpleenyɛ ɔ nya a, o he nyɛli ɔmɛ ba a he si ha mo.

Yesaya 19:1

Sɛ gbi nɛ kɔɔ Egipt he ji nɛ ɔ nɛ. Yawɛ hi bɔku nɔ kɛ fo kɛ ma Egipt. Egipt amaga amɛ a he ngɛ doe blibliibli kaa Yawɛ ma, nɛ Egipt bi ɔmɛ hu sawale nu mɛ.

Yesaya 29:6

Yawɛ Tabohiatsɛ ɔ ma he o yi wami. E ma ha hiɔmi ma si, zugba ma mimiɛ wawɛɛ, nɛ lejɛ ɔ tsuo maa pee hoo. Lasiogblee, ahumi, kɛ la gegeege maa ba;

Yesaya 66:15

Yawɛ maa nyɛɛ la mi kɛ ba. E maa hi ta zugba lɛ nɛ ngɛ kaa lasiogblee mi kɛ ba, nɛ e ma ba kpata e he nyɛli ɔmɛ a hɛ mi.

Yeremia 4:13

Hyɛ, he nyɛli ɔmɛ ngɛ fo nɔ kɛ ma kaa bɔku. A ta zugba lɛ ɔmɛ hia kɛ ma kaa lasiogblee, nɛ a we okpɔngɔ ɔmɛ a he sɔɔ kulaa pe kɔlehi. Akuanyɛ! Wa yi ta pɛ!

Daniel 7:13

Enɛ ɔ se, nyɔ mi benɛ i ngɛ ní nɛ ɔmɛ hyɛe kɛ mwɔɔ ɔ, i na nɔ́ ko kaa nɔmlɔ adesa nɛ nyɛɛ bɔku mi kɛ ma ye ngɔ. E be kɛ ho nɔ nɛ ngɛ daa a ngɔ ya, nɛ a kɛ lɛ tsɔɔ nɔ nɛ ngɛ daa a.

Hosea 8:7

Ejakaa ke a du kɔɔhiɔ ɔ, a ma kpa lasiogblee! Blɛfo ngmɔ nɛ wui ní ɔ, a be mamu nae kɛ je mi. Ke e wo yiblii po nibwɔhi ma ba ye lɛ tsuo.

Yoel 2:13

Nyɛ ha nɛ e hao nyɛ ngɛ nyɛ tsui mi; se pi kaa nyɛ ma hía nyɛ tadehi ngɛ nyɛ he kɛkɛ.” Nyɛɛ kpale kɛ ba Yawɛ, nyɛ Mawu ɔ ngɔ, ejakaa e mi mi jɔ, nɛ e naa mɔbɔ; e toɔ e tsui si; e yeɔ e siwo nɔ; e mi mi fu we mla, se mohu e kɛ nɔ́ paa.

Yona 4:2

Lɔ ɔ he ɔ, e kɛ hɛdɔ fa kue ha Yawɛ nɛ e de ke, “Yawɛ, benɛ i na we ma je ye zugba a nɔ lokoo ɔ, enɛ ɔ nɛ i na nɛ i de ɔ nɛ. Enɛ ɔ he je nɛ i tu fo kɛ ho Spania ya a nɛ. Ejakaa mo Mawu ɔ, i le kaa o mi mi jɔ, o naa mɔbɔ, o toɔ o tsui si, o suɔmi tsakee we; nɛ o kɛ nɔ he yayami paa nɔ.

Zakaria 9:14

Yawɛ ma kple a nɔ; e ma tsɛ̃ e kɛ̃ɛ̃ mi bi ɔmɛ kaa oslabai nɛ ngɛ gbae. Nyɔmtsɛ Yawɛ ma ha titimati maa pɛ, nɛ e maa nyɛɛ ngɛ lasiogblee mi kɛ maa je leneyi je kɛ ba.

Mose IV, 14:18

‘Imi, Yawɛ, ye mi mi fu we mla, nɛ ye mɔbɔ nami hiɛ babauu; i ngɔɔ tɔmi kɛ yayami ngɔ paa. Se kɛ̃, i ha we nɛ yayami peeli yeɔ a he; mohu i kɛ tsɛmɛ a tɔmihi a he hiɔwo ɔ gblaa bimɛ kɛ bibimɛ a tue hluu kɛ ya siɔ yi nɔ etɛne, kɛ eywiɛne bi a nɔ.’

Mateo 26:64

Yesu de lɛ ke, “Ja o de ɔ nɛ! Se i ngɛ nyɛ dee ke, kɛ je be nɛ ɔ kɛ yaa a, nyɛ maa na Nɔmlɔ Bi ɔ nɛ hii si ngɛ Ope ɔ hiɔ nɔ, nɛ e ma ngɛ hiɔwe bɔku ɔmɛ a mi!”

Yakobo 1:19

Ye nyɛmimɛ nɛ i suɔ, nyɛ hɛ nɛ hi enɛ ɔ nɔ. Ke nɔ ko ngɛ munyu tue ɔ, nyɛɛ bu tue; nyɛ he ko sɔ kɛ tu munyu, nɛ nyɛ mi mi hu ko fu mla.

Kpojemi 1:7

Hyɛ! E ngɛ bɔku ɔmɛ a mi kɛ ma, nɛ nɔ tsuaa nɔ maa na lɛ; nihi nɛ gbɔɔ lɛ ní ɔ hu maa na lɛ. Nihi tsuo nɛ ngɛ je ɔ mi ɔ maa wo yana ha lɛ. Ee, é ba mi ja! Amen.