Nahum 1:2 - BAIBLO ALOO NGMAMI KLƆUKLƆU Ɔ

² Yawɛ Mawu ɔ, a kɛ lɛ plee we nɔ́ he; e gblaa nihi nɛ tee si kɛ woɔ lɛ ɔ a tue. E gblaa e he nyɛli ɔmɛ a tue bɔ nɛ sa mɛ kɛ yeɔ e he lue.

Nahum 1:2 ပူးပေါင်းရင်းမြစ်များ

Hiob 20:23

Mawu ma ha e mi mi la nɛ nya wa a ma kple e nɔ kaa niye ní nɛ e ye nɛ e tɔ.

La 94:1

Yawɛ, mo Mawu nɛ o yeɔ lue, mo je o he kpo koo!

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Mose II, 34:14

“Mo ko ja mawu kpa ko, ejakaa imi Yawɛ Mawu ɔ, a kɛ mi plee we nɔ́ he.

Mose II, 34:7

I yeɔ ye si womi nɔ kɛ haa nimli akpeakpe, nɛ i ngɔɔ a he yayami kɛ tɔmi ngɔ paa mɛ. Se kɛ̃ i gblaa bimɛ kɛ bibimɛ a tue hluu kɛ ya siɔ yi nɔ etɛne kɛ eywiɛne bimɛ ngɛ a tsɛmɛ kɛ a nɛmɛ a yayamihi a he.”

Yesaya 42:13

Yawɛ hia kpo kaa ta bulɔ; e hia kpo kaa ta bulɔ nɛ hɛ dɔ. E ngɛ ngmlaa kpae. E ngɛ ose hee kɛ ngɛ e he nyɛli ɔmɛ woe kaa e kɛ mɛ maa to ní.

Yesaya 51:17

Yerusalem, tee si! O hɛ nɛ tsɛ, nɛ o te si nɛ o da si! Amanehlu nɛ ngɛ kaa kplu nɛ Yawɛ kɛ abofu ngɔ ha mo ke o nu, konɛ e kɛ gbla o tue ɔ, o nu kɛ e sisi ɔ tsuo; nɛ enɛ ɔ ha o ngɛ si tataae.

Yesaya 51:20

O bimɛ ɔmɛ gbɔjɔ, nɛ a hɛli kɛ pueɔ si ngɛ gbɛjegbɛ ɔ nɔ kaa bayelɔ nɛ du klama. Yawɛ, o Mawu ɔ gbla o tue wawɛɛ nitsɛ.

Yesaya 66:15

Yawɛ maa nyɛɛ la mi kɛ ba. E maa hi ta zugba lɛ nɛ ngɛ kaa lasiogblee mi kɛ ba, nɛ e ma ba kpata e he nyɛli ɔmɛ a hɛ mi.

Yeremia 25:15

Yawɛ, Israel Mawu ɔ de mi ke, “O nɛ wai kplu nɛ ye mi mi la hyi lɛ tɔ. Ngɔɔ kɛ ya ha je mahi tsuo nɛ ma tsɔ mo a ngɔ ɔ nɛ a nu.

Yeremia 28:8

Gbali ɔmɛ nɛ nyɛɛ i kɛ mo tsuo wa hɛ mi blema lokoo ɔ gba ke ta, hwɔ, kɛ gbenɔ hiɔ maa ba je mahi babauu, kɛ matsɛ yemi nguanguahi a nɔ.

Yeremia 3:5

Anɛ o mi mi ma fu mi daa kɛ yaa neneene lo?’ Israel, bɔ nɛ o deɔ ji nɛ ɔ nɛ; se kɛ̃ ɔ, o hɛ ngɛ o he nɔ nɛ o ngɛ ní yayamihi pee kɛ mwɔɔ.”

Yeremia 36:7

Alini a maa fa kue ha Yawɛ nɛ a maa kpale kɛ je a blɔ yayami ɔmɛ a nɔ; ejakaa abofu nɛ Yawɛ kɛ tu munyu kɛ si ma nɛ ɔ nya wa wawɛɛ nitsɛ.”

Yeremia 4:4

Somi nɛ nyɛɛ kɛ imi Yawɛ, nyɛ so ɔ, nyɛɛ ye nɔ, nɛ nyɛɛ ngɔ nyɛ he kɛ ha mi, nyɛ Yuda ma, kɛ Yerusalem bi. Ke nyɛ pee we ja a, ye mi mi ma fu nyɛ ngɛ nyɛ ní yayami ɔmɛ a he. Nɛ ke ye mi mi fu ɔ, nɔ ko be nyɛe maa jɔɔ he.”

Yeremia 50:15

Nyɛ he ose kɛ wo ma a he! Jehanɛ lɛɛ Babilon ha yi. Ma a sisi tomi ɔmɛ, kɛ e gbogbo ɔmɛ ku kɛ pueɔ si. I ngɛ Babilonia bi ɔmɛ a tue gblae. Lɔ ɔ he ɔ, nyɛ hu nyɛɛ ye nyɛ nitsɛmɛ nyɛ he lue; bɔ nɛ a pee ni komɛ ɔ, nyɛ hu nyɛɛ pee mɛ kɛ to nane mi.

Kɔmɔ Yemi 4:11

Yawɛ mi mi fu wawɛɛ nitsɛ; e je e we abofu ɔ kpo; e mɛ Zion he la, nɛ e sã ma a sisi tomi ɔ pɛsɛpɛsɛ.

Ezekiel 36:6

“Lɔ ɔ he ɔ, gbaa kɛ tsɔɔ Israel zugba a. De yo ɔmɛ, pa amɛ, kɛ kɔ̃ ɔmɛ ke imi Nyɔmtsɛ Yawɛ, i kɛ hɛdɔ, kɛ abofu wawɛɛ ngɛ munyu tue, ejakaa je ma amɛ gbe nyɛ he guɛ, nɛ a pue nyɛ hɛ mi si.

Ezekiel 38:18

Nyɔmtsɛ Yawɛ ke, “Ligbi ɔ nɛ Gog ma ba tua Israel ɔ, ye mi mi ma fu wawɛɛ.

Ezekiel 38:19

I ngɔ hunga, kɛ hɛdɔ kɛ ngɛ dee ke jamɛ a ligbi ɔ, Israel zugba a ma mimiɛ wawɛɛ.

Ezekiel 39:25

Nyɔmtsɛ Yawɛ ke, “Jehanɛ lɛɛ, ma na Yakob nina a mɔbɔ; ma na Israel ma a tsuo mɔbɔ, nɛ ma ha a maa bɔ ekohu. Ma pee enɛ ɔ, konɛ a na kaa nɔ klɔuklɔu ji mi.

Ezekiel 5:13

“Ma gbla nyɛ tue wawɛɛ kɛ yaa si be nɛ ye mi mi la a se maa po, nɛ́ ye bua maa jɔ. Ke e ba mi ja a, kɛkɛ nyɛ maa le kaa imi Yawɛ, i kɛ nyɛ tu munyu kikɛ nɛ ɔ, ejakaa nyɛ yi mi anɔkuale, nɛ lɔ ɔ nɛ wo ye mi mi la a nɛ.

Ezekiel 6:12

Nihi nɛ ngɛ se lokoo ɔ maa nu hiɔ, nɛ a ma gbo; nihi nɛ ngɛ kpo nya a maa nɔ ngɛ ta mi; nihi nɛ maa piɛ ɔ, hwɔ maa gbe mɛ. Bɔ nɛ ye mi mi la nɛ nya wa a ma tsu ní ji nɛ ɔ nɛ.

Ezekiel 8:18

Lɔ ɔ he ɔ, i kɛ abofu nɛ nya wa ma kple a nɔ. A be mɔbɔ nami ko kulaa nae ngɛ ye hɛngmɛ mi, nɛ i be a yi bae hulɔ. A maa fa kue boboobo kɛ tsɛ mi, se i be mɛ tue bue.”

Yoel 2:18

Pee se ɔ, Yawɛ kai e ma a, nɛ e na mɛ mɔbɔ.

Mose III, 26:28

lɛɛ ye mi mi ma fu nyɛ, nɛ ma je nyɛ se. Imi nitsɛ ma gbla nyɛ tue kɛ bɔ he totoe kpaago ngɛ nyɛ he yayami ɔmɛ a he.

Mika 5:15

I kɛ mi mi la nɛ nya wa maa gbla je mahi tsuo nɛ bui mi ɔ a tue kɛ ye ye he lue.” Yawɛ lɛ de.

Mika 7:18

Yawɛ, mawu kpa ko be nɛ kɛ mo sɔ. O ma a nɛ piɛ ɔ, o kɛ a he yayami paa mɛ. O mi mi fu we kɛ yɛ neneene, se mohu ɔ, o suɔ kaa o je o suɔmi nɛ se pui gblegbleegble ɔ ngɔ tsɔɔ wɔ.

Zakaria 1:14

Bɔfo ɔ de mi ke ma fiɛ nɔ́ nɛ Yawɛ Tabohiatsɛ ɔ de ɔ ke, “Yerusalem, ye ma klɔuklɔu Zion ɔ, i suɔ e sane saminya, nɛ e he nɔ́ dɔɔ mi.

Zakaria 8:2

“I suɔ Zion sane wawɛɛ nitsɛ. Ye suɔmi ɔ ha ye mi mi ngɛ mi sããe ngɛ e he.

Mose IV, 25:11

“Nɔ́ nɛ Eleazar binyumu Finehas, osɔfo Aaron bibi ɔ pee nɛ ɔ ha nɛ ye mi mi nɛ fu Israel ma a nya ba si. E je hunga ha mi, nɛ enɛ ɔ he je ɔ, i be ye ma a hɛ mi kpatae hu.

Romabi 12:19

Ye huɛmɛ, nyɛ ko ye nyɛ nitsɛmɛ nyɛ he lue, se mohu nyɛɛ ngmɛ Mawu blɔ nɛ e kɛ e mi mi la nɛ pee. Ejakaa ngmami ɔ deɔ ke, “Ye nɔ ji lue yemi; Imi ma pee kɛ to nane mi. Nyɔmtsɛ ɔ lɛ de.”

Romabi 13:4

Mawu tsɔlɔ ji lɛ, nɛ e ní tsumi ji kaa e hyɛ nɛ e hi ha mo. Se ke o pee yayami ɔ, lɛɛ o ye nɔ yelɔ ɔ gbeye; ejakaa a ha we lɛ blɔ nya nɛ ɔ yaka. Mawu tsɔlɔ ji lɛ; nɛ nihi nɛ peeɔ yayami ɔ, e kɛ mi mi la gblaa a tue ngɛ Mawu nane mi.

Mose V, 4:24

Ejakaa Yawɛ, nyɛ Mawu ɔ ngɛ kaa la nɛ ngɛ tsoe plamplam; a kɛ lɛ plee we nɔ́ he.

Mose V, 7:10

se ni nɛmɛ nɛ sume lɛ ɔ, e maa gbla a tue amlɔ.

Hebribi 10:30

Ejakaa wa le kaa Nyɔmtsɛ ɔ lɛ de ke, “Ma ye ye he lue! Ma gbla a tue ngɛ yayami nɛ e pee ɔ he.” Lɛ nɔuu lɛ e de ke, “Ma kojo ye ma a.”

Yoshua 24:19

Yoshua ya nɔ, nɛ e de ma a ke, “E ngɛ mi ja; se eko ɔ, nyɛ be Yawɛ nyɛe ma sɔmɔ. Mawu klɔuklɔu ji lɛ, nɛ e kɛ nyɛ tɔmi ɔmɛ, kɛ yayami ɔmɛ be nyɛ pae. A kɛ lɛ plee we nɔ́ he,

2 Petro 2:9

Lɔ ɔ he ɔ, Nyɔmtsɛ ɔ le bɔ nɛ e peeɔ nɛ e jeɔ nimli kpakpahi kɛ jeɔ ka mi. E le bɔ nɛ e peeɔ kɛ hii nimli yayamihi a tue gblae hluu kɛ yaa su kojomi ligbi ɔ tɔɔ.