Nahum 1:15 - BAIBLO ALOO NGMAMI KLƆUKLƆU Ɔ

¹⁵ Hyɛ, tsɔlɔ ko ma ngɛ yo ɔmɛ a nɔ kɛ manye munyu. E ngɛ fiɛe ngɛ dee ke wa ye kunimi. Yuda ma, nyɛɛ ye nyami ligbi ɔmɛ. Si nɛ nyɛ wo Mawu veveeve ɔ, nyɛɛ ye nɔ. Yiwutsotsɛmɛ nɛ ɔmɛ be bae nɛ a ba tua nyɛ zugba a hu. Ejakaa a kpata a hɛ mi pɛsɛpɛsɛ.

Nahum 1:15 ပူးပေါင်းရင်းမြစ်များ

Yesaya 52:7

Mɛni ji afɛu! Nyɛɛ hyɛ manye munyu fiɛlɔ ko nyɛɛ yo ɔmɛ a nɔ kɛ ma; e hɛɛ manye munyu sɔuu; manye munyu ɔ kɔɔ tue mi jɔmi he! E ngɛ fiɛe ke a ye kunimi, nɛ e ngɛ Zion dee ke, “O Mawu ɔ ngɛ matsɛ yee!”

Romabi 10:15

Nɛ kɛ maa pee kɛɛ nɛ nihi maa fiɛ, ke a tsɔ we mɛ? Kaa bɔ nɛ a ngma a, “Hyɛ bɔ nɛ he jɔmi sane kpakpa a fiɛli a nanehi ngɛ fɛu ha.”

Ni Tsumi 10:36

Mawu tsɔ nɛ a kɛ munyu ɔ ya ha Israel bi ɔmɛ, nɛ a gu Yesu Kristo nɔ kɛ jaje sane kpakpa a nɛ kɛ tue mi jɔmi baa a ngɔ tsɔɔ mɛ. Lɛ, Yesu Kristo ɔ ji nimli adesahi tsuo a Nyɔmtsɛ.

Luka 2:10

Se bɔfo ɔ de mɛ ke, “Nyɛ ko ye gbeye! I hɛɛ manye munyu nɛ ma ha Israel ma a tsuo ma na bua jɔmi babauu kɛ ha nyɛ.

Luka 2:14

“Hɛ mi nyami ha Mawu ngɛ hiɔwe lokoo, nɛ he jɔmi nɛ ba zugba a nɔ ha nihi nɛ e naa a he tsui ɔ!”

Yoel 3:17

“Israel, jamɛ a be ɔ mi nɛ o ma na maa le kaa imi ji Yawɛ, o Mawu ɔ nɛ. I hii Zion yo klɔuklɔu ɔ nɔ. Yerusalem maa pee ma klɔuklɔu; nibwɔhi be nyɛe ma ba tua ma a gblegbleegble hu.

Yesaya 52:1

Yerusalem, tee si nɛ o pee ma nguaa ekohu! Mawu ma klɔuklɔu, o hɛ mi nɛ ba nyami, nɛ́ a bu mo saminya! Ma je li be hiɛ ɔ bae hu gblegbleegble.

La 107:15

E sa kaa nimli nɛ ɔmɛ nɛ a na Yawɛ si, ejakaa e tsu nyakpɛ níhi ha mɛ; e suɔmi ɔ ngɛ daa.

La 107:8

E sa kaa nimli nɛ ɔmɛ nɛ a na Yawɛ si; ejakaa e tsu nyakpɛ níhi ha mɛ; e suɔmi ɔ ngɛ daa.

Mose III, 23:4

Nyɛɛ fiɛ nyami ligbi nɛ ɔmɛ ngɛ a be ɔmɛ a mi pɛpɛɛpɛ kɛ ha ma a.

Nahum 1:14

Kita nɛ Yawɛ ka ngɛ Asiria bi ɔmɛ a he ji nɛ ɔ nɛ: “A nina ko be si hie; a biɛ maa laa. Ma poo amaga amɛ nɛ ngɛ a wɔ piɛ ɔmɛ a mi ɔ ngɔ pue he. I ngɛ yɔkɔ tsuae ngɔ to Asiria bi ɔmɛ, ejakaa e sɛ kaa a hi je mi!”

Yesaya 41:27

Imi Yawɛ ji kekleekle nɔ nɛ bɔ Zion amaniɛ nɛ ɔ. Imi nɛ i tsɔ nɔ Yerusalem kɛ manye munyu ke, ‘O ma mi bi ɔmɛ ma oo! A ma we!’

Yesaya 42:11

Nyɛ ha nga kplanaa a kɛ e nɔ ma amɛ tsuo nɛ a je Mawu yi. Nyɛ ha Kedar bi ɔmɛ nɛ a je e yi! Nyɛ ha nihi nɛ ngɛ Sela ma a mi nɛ a hwɔ lele ngɛ yo ɔmɛ a nɔ!