Nahum 1:14 - BAIBLO ALOO NGMAMI KLƆUKLƆU Ɔ

¹⁴ Kita nɛ Yawɛ ka ngɛ Asiria bi ɔmɛ a he ji nɛ ɔ nɛ: “A nina ko be si hie; a biɛ maa laa. Ma poo amaga amɛ nɛ ngɛ a wɔ piɛ ɔmɛ a mi ɔ ngɔ pue he. I ngɛ yɔkɔ tsuae ngɔ to Asiria bi ɔmɛ, ejakaa e sɛ kaa a hi je mi!”

Nahum 1:14 ပူးပေါင်းရင်းမြစ်များ

Matsɛmɛ II, 19:37

Ligbi ko ɔ, benɛ e ngɛ e mawu ɔ nɛ a tsɛɛ Nisrok ɔ jae ngɛ e mawu ɔ we ɔ, e binyumuhi enyɔ, Adramelek kɛ Sharezer ya gbe lɛ kɛ klaate, nɛ a tu fo kɛ ho Ararat zugba a nɔ ya. E binyumu kpa nɛ a tsɛɛ lɛ Esarhadon ba ye matsɛ ngɛ e se.

Kronika II, 32:21

Yawɛ tsɔ bɔfo ko nɛ e ba gbe Asiria ta buli ɔmɛ, kɛ asafoatsɛmɛ ɔmɛ tsuo ngɛ a sito he ɔ, nɛ Asiria matsɛ ɔ kɛ zo kpale kɛ ho e ma mi ya. Ligbi ko, benɛ a ngɛ e jami he ɔ, e binyumu ɔmɛ ekomɛ ya gbe lɛ kɛ klaate.

Hiob 18:17

E biɛ maa laa ngɛ ma a mi, kɛ ma se tsuo, nɛ nɔ ko nɔ ko be lɛ kaie hu.

La 109:13

E ngmɛdu hɛ mi nɛ kpata pɛsɛpɛsɛ; nɛ yi nɔ nɛ maa nyɛɛ se ɔ ko le e biɛ tete po.

La 71:3

Ye wesa he, kɛ ye he falɔ, moo bu ye he daa kaa tɛ sa, kɛ mɔ nɛ he wa.

Mose II, 12:12

“Jamɛ a nyɔ ɔ mi ɔ, ma gu Egipt zugba a nɔ kɛ be, nɛ ma gbe bitɛtehi tsuo nɛ ngɛ Egipt zugba a nɔ ɔ, kɛ a lohwe ɔmɛ hu a kekleekle bi kuhi. Egipt mawu ɔmɛ lɛɛ ma kpata mɛ tsuo pɛpɛɛpɛ a hɛ mi. Imi ji Yawɛ.

Abɛ Womi 10:7

E ji gbaami kaa a ma kai nimli kpakpahi daa; yayami peeli lɛɛ e kɛ we nɛ hɛ jeɔ a nɔ.

Yesaya 19:1

Sɛ gbi nɛ kɔɔ Egipt he ji nɛ ɔ nɛ. Yawɛ hi bɔku nɔ kɛ fo kɛ ma Egipt. Egipt amaga amɛ a he ngɛ doe blibliibli kaa Yawɛ ma, nɛ Egipt bi ɔmɛ hu sawale nu mɛ.

Yesaya 33:13

Nyɛ nihi nɛ ngɛ lokoo, kɛ ni nɛmɛ nɛ ngɛ kpo nya tsuo, nyɛ ta tue nɛ nyɛɛ nu nɔ́ nɛ i pee ɔ he, konɛ nyɛɛ na kaa ye he wa.”

Yeremia 50:2

“Nyɛɛ fiɛ munyu nɛ ɔ kɛ ha je ma amɛ! Nyɛɛ si aflaangaa, nɛ nyɛɛ fiɛ! Nyɛ ko laa nɔ́ ko nɔ; nyɛ de ke, ‘A ngɔ Babilon oo, a ngɔ Babilon! Babilon mawu ɔ nɛ a tsɛɛ Marduk ɔ, a kpata e hɛ mi. A pue Babilon wɔ ɔmɛ a hɛ mi si, nɛ a ywia amaga amɛ dukuduku.’

Daniel 11:21

Bɔfo ɔ ya nɔ nɛ e de ke, “Nɔ nɛ ma ba ye tsɛ ngɛ e se ɔ maa pee nɔ ko nɛ bu be e he, nɛ́ e sɛ́ kaa e yeɔ matsɛ. Nɔmlɔ nɛ ɔ maa ba tlukaa, nɛ e kɛ sisimi, kɛ nya mi ngɔngɔɛ munyu tumi ma kpɔ matsɛ yemi ɔ.

Daniel 5:27

TEKEL: a ngmɛ mo ngɛ sɛni nɔ, nɛ a na kaa o jiɔ we kulaa.

Mose III, 26:30

Ma puɛ nyɛ jami he ɔmɛ ngɛ yo ɔmɛ a nɔ, nɛ ma ywia nyɛ tsopa kɛ e he via bɔ sami la tɛ ɔmɛ; ma ngɔ nyɛ gbogboe ɔmɛ ngɔ pue nyɛ we amaga amɛ nɛ i ywia a a nɔ. Nyɛ maa pee nɔ́ nɛ a hiee ha mi.

Mika 5:13

Ma ywia nyɛ amaga amɛ, nɛ ma hule nyɛ wɔ piɛ ɔmɛ; nyɛ be níhi nɛ nyɛ nitsɛmɛ nyɛ pee kɛ nyɛ nine sɔmɔe hu.

Mika 5:14

Amagahi nɛ nyɛ puɛ ngɛ nyɛ zugba a nɔ ngɔ ha yo mawu ɔ nɛ a tsɛɛ Ashera a, ma ku mɛ tsuo; nɛ ma kpata nyɛ ma amɛ a hɛ mi.

Habakuk 2:10

Gahi nɛ o to nɛ ɔ kɛ zo mohu ba o weku li a nɔ. Nɛ́ o kpata je mahi babauu a hɛ mi ɔ, mo nitsɛ o hɛ mi nɛ o kpata a nɛ.

Samuel I, 3:13

I de lɛ momo ke ma gbla e we ɔ tue kɛ maa ya neneene, ejakaa e le kaa e bimɛ ɔmɛ ngɛ musu bɔe kɛ ngɛ Mawu sie, se e kua we nɔ́ ha mɛ.