Nahum 1:11 - BAIBLO ALOO NGMAMI KLƆUKLƆU Ɔ

¹¹ Mo Nineve, o mi nɛ nɔ ko je, nɛ e to yi mi yayami kɛ si Yawɛ ɔ nɛ.

Nahum 1:11 ပူးပေါင်းရင်းမြစ်များ

Samuel II, 20:1

E ba mi kaa yakayaka nɔmlɔ ko nɛ a tsɛɛ lɛ Sheba ba je Gilgal. Benyamin no, Bikri bi ji lɛ. Sheba kpa titimati nɛ e de ke, “Wa be blɔ nya ko ngɛ David ngɔ; Ishai binyumu ɔ, pi e ní yeli ji wɔ. Israel bi, nɔ tsuaa nɔ nɛ ho lɛ nitsɛ e we mi ya!”

Matsɛmɛ II, 18:30

Nyɛ ko ha nɛ Hezekia nɛ mlɔɔ nyɛ nɛ nyɛɛ ngɔ nyɛ hɛ kɛ fɔ Yawɛ nɔ. Nyɛ ko susu kaa Yawɛ ma he nyɛ yi wami, nɛ e be hae nɛ Asiria matsɛ ɔ nɛ ngɔ nyɛ ma a.

Kronika II, 13:7

Pee se ɔ, e bua yaka nimli komɛ a nya, nɛ e kɛ mɛ ya na Salomo binyumu Rehoboam. A nyɛ e nɔ nɛ e pee a suɔmi nya ní. Rehoboam nyɛ we mɛ, ejakaa e wɛ, nɛ e kpa we je mi si lolo.

Ezekiel 11:2

Kɛkɛ nɛ Mawu de mi ke, “Nɔmlɔ adesa, nihi nɛ susuɔ ní yayahi a he, nɛ a woɔ ga yayahi ngɛ ma a mi ɔ, mɛ ji nɛ ɔmɛ nɛ.

Mika 2:1

Musu tloo nihi nɛ soɔ yi wu tso níhi, nɛ a toɔ yayami peemi he ga nyɔ mi ngɛ sa mi. Ke je na nɛ a na he blɔ pɛ, a peeɔ yayami nɛ a to he ga a.

Nahum 1:9

Mɛni yi mi yayami nyɛ ngɛ toe ngɛ Yawɛ he ɔ? E ma kpata nyɛ hɛ mi pɛsɛpɛsɛ. Ke nɔ ko kɛ lɛ kpe si kake pɛ nɔ ɔ nyagbe ji lɔ ɔ nɛ.

Samuel I, 2:12

Eli binyumu ɔmɛ ɔ, yakayaka nimli ji mɛ; a bui Yawɛ,