Nahum 1:1 - BAIBLO ALOO NGMAMI KLƆUKLƆU Ɔ

¹ Sɛ gbi nɛ kɔɔ Nineve ma a he ji nɛ ɔ nɛ. Nina nɛ Nahum nɛ je Elkosh ɔ na ngɛ Nineve he ji nɛ ɔ nɛ.

Nahum 1:1 ပူးပေါင်းရင်းမြစ်များ

Mose I, 10:11

Se e je lejɛ ɔ kɛ ya Asiria, nɛ e ya po mahi ngɛ Nineve, Rehobot Ir, Kala,

Matsɛmɛ II, 19:36

Kɛkɛ nɛ Asiria matsɛ, Senakerib hia kɛ je lejɛ ɔ, nɛ e kpale kɛ ho Nineve ya.

Yesaya 10:5

Bɔ nɛ Yawɛ de ji nɛ ɔ nɛ: “Asiria, o ngɛ kaa to tsɔmi tso ko nɛ i kɛ gblaa nihi nɛ woɔ ye mi mi la a a tue.

Yesaya 13:1

Sɛ gbi nɛ kɔɔ Babilon tue gblami he nɛ Mawu ngɔ ha Yesaya, Amoz bi ɔ, ngɛ nina mi ji nɛ ɔ nɛ.

Yesaya 14:28

Jeha nɛ Matsɛ Ahaz gbo ɔ nɛ a fiɛ sɛ gbi nɛ ɔ.

Yesaya 15:1

Sɛ gbi nɛ kɔɔ Moab he ji nɛ ɔ nɛ. Nyɔ kake too mi ɔ, a kpata Ar kɛ Kir a hɛ mi, kɛkɛ nɛ Moab zugba a nɔ tsuo jɔ.

Yesaya 19:1

Sɛ gbi nɛ kɔɔ Egipt he ji nɛ ɔ nɛ. Yawɛ hi bɔku nɔ kɛ fo kɛ ma Egipt. Egipt amaga amɛ a he ngɛ doe blibliibli kaa Yawɛ ma, nɛ Egipt bi ɔmɛ hu sawale nu mɛ.

Yesaya 21:1

Sɛ gbi nɛ kɔɔ Babilonia he ji nɛ ɔ nɛ. Kaa bɔ nɛ lasiogblee bee huu ngɛ leneyi je nga kplanaa a nɔ kɛ puɛɔ ní ɔ, jã kɛ̃ hɛ mi kpatami maa je zugba ko nɛ nɔ ngɛ gbeye nɔ kɛ ba.

Yesaya 22:1

Sɛ gbi nɛ kɔɔ nina kɔ̃ ɔ he ji nɛ ɔ nɛ. Mɛni ba? Mɛni o ma a mi bi ɔmɛ tsuo kuɔ kɛ ho a tsuhi a yi mi ya ya ngɛ pee?

Yesaya 23:1

Sɛ gbi nɛ kɔɔ Tiro he ji nɛ ɔ nɛ. Nyɛ akua hluili ngɛ wo nɔ, nyɛ nya awe nɛ nyɛɛ ye kɔmɔ. Ejakaa nyɛ lɛsimuɔ he ngɛ Tiro ɔ, a kpata e hɛ mi pɛsɛpɛsɛ; we ɔmɛ, kɛ lɛ dami he ɔ tsuo hɛ mi kpata. Benɛ nyɛ lɛ ɔmɛ kpale kɛ je Kipro kɛ ma a nɛ nyɛ nu sane nɛ ɔ.

Yeremia 28:8

Gbali ɔmɛ nɛ nyɛɛ i kɛ mo tsuo wa hɛ mi blema lokoo ɔ gba ke ta, hwɔ, kɛ gbenɔ hiɔ maa ba je mahi babauu, kɛ matsɛ yemi nguanguahi a nɔ.

Yona 1:2

“Yaa Nineve ma nguaa a mi nɛ o ya kuɛ wo ma mi bi ɔmɛ, nɛ o de mɛ ke, i na paa kaa a yi mi wami ɔ su he ko jehanɛ.”

Nahum 2:8

Nineve ma mi bi ɔmɛ bu kɛ je kpo kɛ je ma a mi kɛ fo kaa bɔ nɛ nyu bee yayaaya kɛ jee taku nɛ gba dɔ tlukaa mi ɔ. A nu ngmlaa ke, “Nyɛɛ da si! Nyɛɛ da si!” Se nɔ ko nɔ ko plɛ we nɛ e hyɛ e se.

Habakuk 1:1

Sɛ gbi nɛ Yawɛ ngɔ ha gbalɔ Habakuk ji nɛ ɔ nɛ.

Zefania 2:13

Yawɛ maa gbla omleyi je ma amɛ a tue. E ma kpata Asiria hɛ mi, nɛ Asiria ma nguaa a nɛ a tsɛɛ Nineve ɔ maa pee ma doku kaa nga kplanaa nɔ.

Zakaria 9:1

Yawɛ sɛ gbi ji nɛ ɔ nɛ. Yawɛ ke a maa gbla Hadrak zugba a, kɛ Damasko ma a a tue, ejakaa tsa pi Israel wɛtso ɔmɛ pɛ ji Yawɛ níhi; mohu ɔ, Syria matsɛ ma a hu e nɔ́.

Malaki 1:1

Sɛ gbi nɛ Yawɛ ngɔ kɛ ha Malaki, nɛ e ya de Israel bi ɔmɛ ji nɛ ɔ nɛ.