Mose V, 9:9 - BAIBLO ALOO NGMAMI KLƆUKLƆU Ɔ

⁹ Imi nɛ i kuɔ yo ɔ, nɛ i ya he tɛ tɛtlɛɛhi nɛ a ngma somi nɛ Yawɛ kɛ nyɛ so ɔ ngɛ a nɔ ɔ kɛ ba. I hi yo ɔ nɔ nyɔnyɔɔnyɔ kɛ piapiaapia ligbi nyingmi eywiɛ; nɛ́ i yi ní ɔ, i nui nyu hulɔ.

Mose V, 9:9 ပူးပေါင်းရင်းမြစ်များ

Mose II, 34:28

Mose kɛ Yawɛ hi lejɛ ɔ nyɔ kɛ pia ligbi nyingmi eywiɛ; e yi nɔ́ ko ɔ, nyu hu e nui. Nɛ e ngma somi munyu ɔmɛ nɛ ji mlaa nyɔngma amɛ ngɔ fɔ tɛ tɛtlɛɛ ɔmɛ a nɔ.

Matsɛmɛ I, 19:8

Eliya te si, nɛ e ye ní, nɛ e nu nyu; nɛ niye ní ɔ ha lɛ he wami nɛ e kɛ nyɛɛ nyɔ kɛ pia ligbi nyingmi eywiɛ kɛ ya Sinai, yo klɔuklɔu ɔ nɔ.

Mose II, 24:15

Kɛkɛ nɛ Mose kuɔ yo ɔ, nɛ bɔku ko ba ha yo ɔ nɔ.

Mose II, 24:12

Yawɛ de Mose ke, “Moo kuɔ yo ɔ kɛ ba ye ngɔ nɛ o ba mlɛ, nɛ ma ngɔ tɛ tɛtlɛɛ enyɔ ɔmɛ kɛ a nɔ mlaa amɛ nɛ i ngma nɛ a kɛ tsɔse ma a ngɔ ha mo.”

Mateo 4:2

Benɛ Yesu ha hwɔ nyɔ kɛ pia ligbi nyingmi eywiɛ se ɔ, hwɔ ye lɛ.

Mose V, 9:18

Jehanɛ, i ho ya kpla si ngɛ Yawɛ hɛ mi ekohu nyɔnyɔɔnyɔ kɛ piapiaapia ligbi nyingmi eywiɛ; nɛ́ i yi ní ɔ, i nui nyu hulɔ. I pee ja ngɛ yayami nɛ nyɛ pee kɛ si Yawɛ kɛ wo e mi mi la a he.

Galatabi 4:24

Ní nɛ ɔmɛ daa si ngɛ ní pɔtɛɛ komɛ a nane mi. Yi enyɔ ɔmɛ daa si ha somi enyɔ. A kpɛti nɔ kake ji Hagar. E je Sinai yo ɔ nɔ; nɛ bimɛ nɛ e fɔ ɔ, nyɔguɛhi ji mɛ.

Matsɛmɛ II, 6:22

E he nɔ ke, “Dɛbi! Koo gbe mɛ! Nimli nɛ o ya nuu nyɔguɛ kɛ o klaate kɛ o kɛ̃ɛ̃ po, anɛ o maa gbe mɛ lo? Ha mɛ nɔ́ ko nɛ a ye, nɛ o ha mɛ nyu nɛ a nu, nɛ a kpale kɛ ho a nyɔmtsɛ ɔ ngɔ ya.”

Mose V, 9:15

“Lɔ ɔ he ɔ, ye he sɔ kɛ kple si kɛ je yo ɔ nɔ kɛ ye somi dɛ mi tɛ tɛtlɛɛ enyɔ ɔmɛ nɛ Yawɛ ngma somi munyu ɔmɛ ngɛ a nɔ ɔ. Jamɛ a be ɔ, la ngɛ tsoe plamplam kɛ ngɛ yo ɔ mi jee.

Mose II, 31:18

Benɛ Mawu kɛ Mose tu munyu gbe nya ngɛ Sinai yo ɔ nɔ ɔ, Mawu ngɔ tɛ tɛtlɛɛ enyɔ ɔmɛ nɛ lɛ nitsɛ e ngma mlaa amɛ ngɛ nɔ ɔ kɛ ha Mose.

Hebribi 9:4

Níhi nɛ ngɛ tsu nɛ ɔ mi ji tsopa kɛ e he via sami la tɛ nɛ a kɛ sika tsu pee ɔ, somi daka a nɛ a kɛ sika tsu ha he ɔ kɛ e mi sika tsu kplu ɔ nɛ mana a ngɛ mi ɔ, Aaron dɛma tso ɔ nɛ tsɛ̃ ba be ko ɔ, kɛ tɛ tɛtlɛɛ enyɔ ɔmɛ nɛ a ngma mlaa amɛ ngɛ a nɔ ɔ.

Mose V, 8:3

E ha hwɔ ye nyɛ, nɛ e ha nyɛ abolo nɛ je hiɔwe nɛ nyɛ nɛmɛ nɛ hyɛ ɔ nɛ nyɛ ye. E pee enɛ ɔ, konɛ nyɛ na nɛ nyɛɛ le kaa pi abolo pɛ nɛ haa nɔmlɔ yi naa wami, se mohu munyu tsuaa munyu nɛ jeɔ Yawɛ nya mi ɔ nɛ haa nɔ yi naa wami.

Mose V, 9:11

Nyɔnyɔɔnyɔ kɛ piapiaapia ligbi nyingmi eywiɛ se loko Yawɛ ngɔ tɛ tɛtlɛɛ enyɔ ɔmɛ nɛ e ngma mlaa amɛ ngɛ a nɔ ɔ ngɔ ha mi.

Mose II, 32:1

Benɛ ma a na kaa Mose se ya fia si ngɛ yo ɔ nɔ, nɛ e kple we si kɛ bɛ ɔ, ma a bua a he nya kɛ ba na Aaron, nɛ a ba de lɛ ke, “Kikɛmɛ a Mose nɛ ɔ nɛ je wɔ kɛ je Egipt zugba a nɔ ɔ, wa li sane nɛ ya ba e nɔ. Lɔ ɔ he ɔ, moo pee mawu ha wɔ nɛ e nyɛɛ wa hɛ mi.”