Mose V, 9:28 - BAIBLO ALOO NGMAMI KLƆUKLƆU Ɔ

²⁸ Ke pi ja a, Egipt bi ɔmɛ ma de ke, ‘Nyɛɛ hyɛ, a Mawu ɔ nyɛ we nɛ e kɛ mɛ ya su zugba nɛ e wo si ke e ma ha mɛ ɔ nɔ. A ma de ke o je o ma a kɛ ho nga kplanaa a nɔ ya, nɛ o ya gbe mɛ ngɛ lejɛ ɔ; ejakaa o sume a sane.

Mose V, 9:28 ပူးပေါင်းရင်းမြစ်များ

Mose IV, 14:16

‘Yawɛ kpata ma nɛ ɔ hɛ mi ngɛ nga a nɔ, ejakaa e nyɛ we nɛ e kpaka mɛ kɛ ya su zugba a nɛ e wo si ke e maa ngɔ kɛ ha mɛ ɔ nɔ.’

Mose II, 32:12

Mɛni he je nɛ o ma ha nɛ Egipt bi ɔmɛ ma de ke, ‘E to yi mi yaya kaa e ma kpata e ma a hɛ mi ngɛ yo ɔmɛ a nɔ; lɔ ɔ he je nɛ e ya je mɛ kɛ je Egipt ɔ nɛ.’ Ha nɛ o mi mi fumi ɔ nya nɛ ba si, nɛ o kpale o nya se ngɛ yayami nɛ jinɛ o to kaa o maa pee o ma a he.

Mose V, 1:27

nɛ nyɛ tu munyu huitihuiti ke, ‘Akɛnɛ Yawɛ sume wa sane he je ɔ, e je wɔ kɛ je Egipt zugba a nɔ kɛ ba ha Amor bi ɔmɛ, konɛ a kpata wa hɛ mi.

Mose V, 9:27

Mo kai Abraham, Isak, kɛ Yakob, o sɔmɔli ɔmɛ; nɛ o ko di ma nɛ ɔ tue wami, a yi mi wami, kɛ yayami ɔmɛ.’

Yoshua 7:9

Kanaan bi ɔmɛ, kɛ zugba a nɔ bi ɔmɛ tsuo maa nu he. A ma ba sa wa yi, nɛ a ma kpata wa hɛ mi pɛsɛpɛsɛ. O biɛ kpetekpleenyɛ ɔ, o maa hi hyɛe nɛ e puɛ lo?”

Mose V, 32:27

Se i be blɔ ngmɛe nɛ a he nyɛli ɔmɛ nɛ a fĩa ke mɛ lɛ a ye ye ma a nɔ, be mi nɛ imi, Yawɛ nitsɛ nɛ i kpata a hɛ mi.’

Ezekiel 20:9

Se i ha we nɛ e ba mi ja; ejakaa lɔ ɔ ko gbe ye biɛ he guɛ ngɛ je ma amɛ a hɛ mi. Ye ma a ngɛ je ma amɛ a kpɛti, nɛ mɛ tsuo a hɛ mi nɛ i de ngɛ ke ma je Israel bi ɔmɛ kɛ je Egipt zugba a nɔ ɔ nɛ.