Mose V, 9:27 - BAIBLO ALOO NGMAMI KLƆUKLƆU Ɔ

²⁷ Mo kai Abraham, Isak, kɛ Yakob, o sɔmɔli ɔmɛ; nɛ o ko di ma nɛ ɔ tue wami, a yi mi wami, kɛ yayami ɔmɛ.’

Mose V, 9:27 ပူးပေါင်းရင်းမြစ်များ

Yeremia 14:21

Kai o siwo ɔmɛ, nɛ o ko kua wɔ. Ko ha nɛ Yerusalem hɛ mi nɛ pue si. Lejɛ ɔ o sɛ saminyayoo ɔ ngɛ. Somi nɛ o kɛ wɔ so ɔ, koo po mi.

Yeremia 50:20

Ke jamɛ a be ɔ su ɔ, a ma hla kaa a maa na Israel he yayami ko lo, se a be nae. Yuda hu a be yi wu tso nɔ́ ko nae ngɛ he e, ejakaa ni nɛmɛ nɛ i he a yi wami ɔ, ma ngɔ a he yayami ɔmɛ kɛ pa mɛ. Imi, Yawɛ lɛ i de.”

Abɛ Womi 21:12

Mawu ngɛ yayami peeli tsuo hyɛe ngɛ a we ɔmɛ a mi, nɛ e ma kpata a hɛ mi pɛsɛpɛsɛ.

La 78:8

konɛ a ko ba wa tue, nɛ a ko ba tsɔ atuã kaa bɔ nɛ a nɛmɛ ɔmɛ pee ɔ. Mɛɛ a ngɔɛ a hɛ kɛ fɔɛ Mawu nɔ kɛ pi si; anɔkuale hu a yi lɛ bɔ nɛ sa.

Samuel I, 25:25

Ye nyɔmtsɛ, i kpa mo pɛɛ, mo ko di Nabal yaka nɔmlɔ nɛ ɔ; ejakaa bɔ nɛ e biɛ ngɛ ɔ, ja nɛ lɛ nɔmlɔ ɔ ngɛ. E biɛ Nabal ɔ sisi ji kuasia; nɛ kuasiahi a sane nɛ e yeɔ. Se imi, o mawayo ɔ, nihewi ɔmɛ nɛ ye nyɔmtsɛ ɔ tsɔ kɛ ba a, i nɛ mɛ.

Mose II, 32:13

Mo kai o tsɔli Abraham, Isak, kɛ Yakob. Mo kai mo nitsɛ o kita nɛ o ka ke, ‘Ma ha nɛ nyɛ nina maa hiɛ babauu kaa hiɔwe dodoehi, nɛ ma ngɔ zugba nɛ ɔ tsuo nɛ i wo nyɛ e he si ɔ kɛ ha mɛ, nɛ e maa pee a nɔ kɛ ya neneene ɔ.’ ”

Mose II, 13:5

Ke Yawɛ kɛ nyɛ ya su zugba kpakpa, zugba nɛ kle nɛ baa ní ɔ nɔ ɔ, nyɛɛ ye nyami be nɛ ɔ ngɛ nyɔhiɔ nɛ ɔ mi daa jeha. Kanaan bi, Hit bi, Amor bi, Hiv bi, kɛ Yebus bi a zugba a nɛ Yawɛ ka nyɛ nɛmɛ kita ke e ma ha nyɛ ɔ nɛ i ngɛ tsɔɔe ɔ nɛ.

Mose II, 3:16

Yaa nɛ o ya bua Israel ma nimeli ɔmɛ a nya, nɛ o de mɛ ke, Yawɛ, Mawu ɔ nɛ nyɛ nɛmɛ Abraham, Isak, kɛ Yakob ja lɛ ɔ je e he kpo tsɔɔ mi, nɛ e de mi ke, ‘I na nɔ́ nɛ a ngɛ nyɛ pee ngɛ Egipt ɔ,

Mose II, 3:6

E ya nɔ nɛ e de lɛ ke, “Imi ji o nɛmɛ Abraham, Isak, kɛ Yakob a Mawu ɔ nɛ!” Mose ngɔ nɔ́ kɛ ha e hɛ mi, ejakaa e ngɛ gbeye yee kaa e maa na Mawu.

Mose I, 19:29

Lɔ ɔ he ɔ, benɛ Mawu kpata ma amɛ nɛ ngɛ kɔ̃ ɔ mi ɔ a hɛ mi ɔ, e kai Abraham, nɛ e ha nɛ Lot tu fo kɛ je ma amɛ a mi he nɛ e ngɛ ɔ, nɛ e kɛ he e yi wami.

Mose V, 9:26

I kpa pɛɛ ke, ‘Nyɔmtsɛ Yawɛ, mo ko kpata mo nitsɛ o ma a hɛ mi; ma nɛ ɔ, mo nitsɛ lɛ o kpɔ̃ mɛ, nɛ o je mɛ kɛ je Egipt kɛ o kɔni si wami.

Mose V, 9:28

Ke pi ja a, Egipt bi ɔmɛ ma de ke, ‘Nyɛɛ hyɛ, a Mawu ɔ nyɛ we nɛ e kɛ mɛ ya su zugba nɛ e wo si ke e ma ha mɛ ɔ nɔ. A ma de ke o je o ma a kɛ ho nga kplanaa a nɔ ya, nɛ o ya gbe mɛ ngɛ lejɛ ɔ; ejakaa o sume a sane.

Mose III, 26:42

lɛɛ imi hu ma kai somi ɔmɛ nɛ i kɛ Yakob, Isak, kɛ Abraham so ɔ. Kɛkɛ ɔ, si nɛ i wo kaa ma ngɔ zugba a ngɔ ha ye ma a, ma ti mi ekohu.

Mose III, 26:45

A he ɔ, ma kai somi nɛ i kɛ a nɛmɛ ɔmɛ so, benɛ i je ye he wami kpo kɛ tsɔɔ je ma amɛ, benɛ i je mɛ kɛ je Egipt zugba a nɔ, konɛ ma pee a Mawu ɔ. Imi ji Yawɛ.”

La 130:3

Ke mo Mawu o ke o maa kane yayamihi ɔ, Yawɛ, mɛnɔ maa ye e he.