Mose V, 9:26 - BAIBLO ALOO NGMAMI KLƆUKLƆU Ɔ

²⁶ I kpa pɛɛ ke, ‘Nyɔmtsɛ Yawɛ, mo ko kpata mo nitsɛ o ma a hɛ mi; ma nɛ ɔ, mo nitsɛ lɛ o kpɔ̃ mɛ, nɛ o je mɛ kɛ je Egipt kɛ o kɔni si wami.

Mose V, 9:26 ပူးပေါင်းရင်းမြစ်များ

Samuel II, 7:23

Ma kpa ko be zugba nɛ ɔ nɔ nɛ pe o ma Israel nɛ mo Mawu o ya kpɔ kɛ je nyɔguɛ si himi mi kɛ ba pee mo nitsɛ o ma a. Ní nguangua, kɛ nyakpɛ níhi nɛ o tsu ha o ma a, ha o biɛ pɛ kɛ kpe je ɔ mi tsuo. Benɛ o ma a nɛ o kpɔ kɛ je Egipt ɔ hia kɛ ma a, o fie je ma kpa amɛ, kɛ a mawu ɔmɛ kɛ je a blɔ mi.

Matsɛmɛ I, 8:51

Mo nitsɛ o ma ji mɛ; mo lɛ o je mɛ kɛ je Egipt, jamɛ a zugba a nɛ a hi mi kaa nɔ́ nɛ dade flɔɔnɔɔ mi lɛ a kɛ mɛ wo ɔ.

Matsɛmɛ I, 8:53

Mo lɛ o hla mɛ kɛ je je ma amɛ tsuo a kpɛti, nɛ o kɛ mɛ ba pee mo nitsɛ o ma kaa bɔ nɛ o gu o tsɔlɔ, Mose nɔ de mɛ, benɛ o je wa nɛmɛ ɔmɛ kɛ je Egipt ɔ.”

Nehemia 1:10

“Nyɔmtsɛ, o tsɔli ji nɛ ɔmɛ nɛ, nɛ mo nitsɛ o ma ji nɛ ɔ nɛ. O kɛ o he wami nguaa kɛ nyɛmi kpɔ mɛ.

La 106:23

Benɛ Mawu de ke e ma kpata e ma a hɛ mi ɔ, e tsɔlɔ Mose nɛ e hla a nɛ da mi ha ma a. Mose lɛ jɔɔ Mawu abofu ɔ he, loko e kpataa we ma a hɛ mi ɔ nɛ.

La 107:2

Nyɛ nihi tsuo nɛ Yawɛ he nyɛ yi wami, nɛ e kpɔ nyɛ kɛ je nyɛ he nyɛli a dɛ mi ɔ, nyɛɛ hi enɛ ɔ dee kpamisa, nɛ nyɛ kɛ je e yi.

La 28:9

Yawɛ, he o ma a yi wami; moo gbaa o nina a. Moo hyɛ mɛ kɛ ya neneene kaa bɔ nɛ to hyɛlɔ hyɛɛ e tohi.

La 57:1

Mawu, naa mi mɔbɔ oo, naa mi mɔbɔ! Ejakaa o ngɔ lɛ i saa we ngɛ. Ma laa ye he ngɛ o pɛli ɔmɛ a sisi ngɛ hɔ̃ ɔ mi kɛ yaa si hɛ mi kpatami nɛ nya wa nɛ ɔ se maa po.

La 77:15

O ngɔ o he wami ɔ kɛ he o ma a yi wami; ee, o he Yakob kɛ Yosef a bimɛ ɔmɛ a yi wami.

La 78:35

A ma kai kaa Mawu ji a he bulɔ; a ma kai kaa Mawu, Hiɔwe No ɔ ji nɔ nɛ heɔ a yi wami.

La 99:6

E we osɔfohi ji Mose, kɛ Aaron. Nihi nɛ fa kue ha lɛ ɔ, Samuel piɛ a he. Mɛ tsuo a fa kue ha lɛ, nɛ e bu mɛ tue.

Mose II, 15:13

O kɛ o suɔmi nɛ tsakee we ɔ kpaka ma nɛ o kpɔ ɔ; nɛ o kɛ o he wami tsɔɔ mɛ blɔ kɛ ba o zugba klɔuklɔu ɔ nɔ.

Mose II, 33:13

Lɔ ɔ he ɔ, i kpa mo pɛɛ, ke niinɛ nɛ o ngɛ ye he bua jɔmi ɔ, lɛɛ moo tsɔɔ mi o blɔ ɔ, konɛ ma le mo saminya, nɛ ma pee o suɔmi nya ní. Mo kai hu kaa kikɛmɛ a nimli nɛ ɔmɛ ɔ, mo nitsɛ o ma ji mɛ.”

Mose II, 34:9

E de ke, “Yawɛ, ke niinɛ nɛ o ngɛ ye he bua jɔmi ɔ, lɛɛ i kpa mo pɛɛ nɛ o kɛ wɔ nɛ ya. E ngɛ mi kaa ma nɛ ɔ kuɛ wa mohu, se moo ngɔ wa tɔmi ɔmɛ, kɛ wa he yayami ɔmɛ kɛ pa wɔ, nɛ o ngɔ wɔ kɛ pee mo nitsɛ o ma.”

Yesaya 44:23

Nyɛ hiɔwe tsuo, nyɛ la nɛ nyɛ nya; nyɛ zugba a sisi hehi nɛ kuɔ, nyɛ he ose! Nyɛ yo ɔmɛ, kɛ hue ɔmɛ kɛ a mi tso ɔmɛ tsuo, nyɛɛ kɛ bua jɔmi nɛ he ose. A je Yawɛ he wami kpetekpleenyɛ ɔ yi; ejakaa e he e ma Israel yi wami.

Yesaya 63:19

Wa pee kaa nihi nɛ o hyɛ we a nɔ hyɛ, loo ni komɛ nɛ a kɛ o biɛ tsɛ we mɛ hyɛ!

Yeremia 14:21

Kai o siwo ɔmɛ, nɛ o ko kua wɔ. Ko ha nɛ Yerusalem hɛ mi nɛ pue si. Lejɛ ɔ o sɛ saminyayoo ɔ ngɛ. Somi nɛ o kɛ wɔ so ɔ, koo po mi.

Yeremia 15:1

Kɛkɛ nɛ Yawɛ de mi ke, “Ke Mose kɛ Samuel ba da ye hɛ mi nɛ a fa kue ha mi tete po, i be nimli nɛ ɔmɛ mɔbɔ nae. Fie mɛ kɛ je ye hɛ mi hiɛmɛ nɛ ɔ nɛ a ho.

Kɔmɔ Yemi 2:20

Yawɛ lee, hyɛ koo! Moo hyɛ nihi nɛ o ngɛ mɛ yi mi wae ɔ! Yihi ngɛ mɛ nitsɛmɛ a muklii mi bimɛ nɛ a suɔ ɔ yee! Mawu we ɔ nitsɛnitsɛ mi po a ngɛ osɔfohi, kɛ gbalihi gbee!

Mika 6:4

I je nyɛ kɛ je Egipt zugba a nɔ; i je nyɛ kɛ je nyɔguɛ si himi mi; i tsɔ Mose, Aaron, kɛ Miriam nɛ a ya kpaka nyɛ kɛ ba.

Mose V, 13:5

Se gbalɔ, loo nlami sisi tsɔɔlɔ ko nɛ maa wo nyɛ yi mi ke nyɛɛ te si kɛ si Yawɛ, nyɛ Mawu ɔ nɛ je nyɛ kɛ je Egipt zugba a nɔ, he nɛ nyɛ ye nyɔguɛ ngɛ ɔ, nyɛɛ gbe lɛ. Kikɛmɛ a nɔmlɔ ɔ, e ji nɔmlɔ yayami nɛ ngɛ nyɛ kae kaa e maa mlɔɔ nyɛ kɛ je si himi kpakpa nɛ Yawɛ fa nyɛ ke nyɛɛ hi ɔ he. Nyɛɛ gbe lɛ, konɛ nɔ́ yayami nɛ ɔ ko hi nyɛ kpɛti hu.

Mose V, 15:15

Kai kaa nyɛ hu nyɛ ya ye nyɔguɛ hyɛ ngɛ Egipt zugba a nɔ, nɛ Yawɛ, nyɛ Mawu ɔ ha nyɛ ye nyɛ he; lɔ ɔ he nɛ i ngɛ nyɛ mlaa nɛ ɔ woe mwɔnɛ ɔ nɛ.

Mose V, 21:8

Yawɛ, wa kpa mo pɛɛ, moo na o ma, Israel nɛ o kpɔ kɛ je Egipt ɔ mɔbɔ. Moo na wɔ mɔbɔ; nɛ koo ngɔ nɔ nɛ a gbe yaka nɛ ɔ musu kɛ tloo wɔ.’

Mose V, 32:9

Se Yakob nina lɛɛ, Yawɛ hla lɛ kaa lɛ nitsɛ e ma.

Mose V, 7:8

Suɔmi mohu Yawɛ suɔ nyɛ; nɛ kita nɛ e ka nyɛ nɛmɛ ɔmɛ ɔ, e suɔ kaa e maa ye nɔ. Enɛ ɔ he je nɛ Yawɛ kɛ kɔni si wami je nyɛ, nɛ e kpɔ̃ nyɛ kɛ je nyɔguɛ yemi mi kɛ je Egipt matsɛ ɔ dɛ mi ɔ nɛ.

Mose V, 9:12

“Kɛkɛ nɛ Yawɛ de mi ke, ‘Kple si kɛ je yo ɔ nɔ esɔ; o ma a nɛ o ya je kɛ je Egipt ɔ tla blɔ momo, nɛ a pee yayami. Amlɔ nɛ ɔ nɔuu ɔ, a gba kɛ je nɔ́ nɛ i fa mɛ ke a pee ɔ he; a puɛ amaga, nɛ a ngɛ lɛ jae.’

Mose V, 9:27

Mo kai Abraham, Isak, kɛ Yakob, o sɔmɔli ɔmɛ; nɛ o ko di ma nɛ ɔ tue wami, a yi mi wami, kɛ yayami ɔmɛ.’

Mose V, 9:29

O le kaa ma nɛ mo nitsɛ o hla ha o he, nɛ o kɛ kɔni si wami kpetekpleenyɛ je kɛ je Egipt ji nɛ ɔ nɛ.’

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Hebribi 9:12

Benɛ Kristo gu bo tsu ɔ mi kɛ ya sɛ he klɔuklɔu pe kulaa a, e pee nɔ́ nɛ ɔ si kake nyɔngloo. Pi to, loo na muɔ nɛ e kɛ sã bɔ ɔ; mohu ɔ, e ngɔ lɛ nitsɛ e muɔ ngɔ ha, konɛ e kɛ he wa yi wami kɛ ya neneene.

Kpojemi 5:9

Hɛ kali ɔmɛ, kɛ ni kpa amɛ la la he kɛ ha To bi ɔ ke, “Mo nɛ o sa kaa o heɔ womi kpo ɔ, nɛ o tsɔɔ nya sɔumi ní ɔmɛ. Ejakaa a gbe mo, nɛ o kɛ o muɔ ɔ he adesahi tsuo, wɛtsohi, gbihi, mahi, kɛ je mahi kɛ ha Mawu.

Samuel I, 7:9

Lɔ ɔ he ɔ, Samuel nu jijɔ bi nɛ ji nyɔ nya lolo nɛ e sã lɛ mluku ɔ tsuo kaa sami bɔ kɛ ha Yawɛ. Samuel kpa Yawɛ pɛɛ kɛ ha Israel, nɛ Yawɛ bu e kue fami ɔ tue.