Mose V, 9:21 - BAIBLO ALOO NGMAMI KLƆUKLƆU Ɔ

²¹ Jehanɛ, jamɛ a nɔ́ yaya a nɛ nyɛ sɔ̃, nɛ ji na bi ɔ, i ngɔ, nɛ i sã ngɛ la mi. Lɔ ɔ se ɔ, i ywia lɛ wɔtsɔwɔtsɔ nɛ i wɛɛ lɛ bɔdɔbɔdɔ; e pee kaa tabo zu, nɛ i ya hɛ lɛ ngɔ pue pa a nɛ je yo ɔ nɔ kɛ ngɛ bee ɔ mi.

Mose V, 9:21 ပူးပေါင်းရင်းမြစ်များ

Mose II, 32:20

E wo na bi ɔ nɛ a pee ɔ, nɛ e mɛ he la, nɛ e sile. Lɔ ɔ se ɔ, e wɛɛ lɛ nɛ e pee mamu bukɔbukɔ, nɛ e ngɔ fĩa nyu hɛ mi, nɛ e ngɔ ha Israel bi ɔmɛ nɛ a nu.

Yesaya 31:7

Be ma nɛ nyɛ tsuo nyɛ ma sake amaga amɛ nɛ nyɛɛ kɛ pee yayami ɔ ngɔ pue he. Amaga nɛ ɔmɛ ɔ, nyɛ nitsɛmɛ nyɛ ngɔ sika tsu, kɛ sika hiɔ kɛ pee.

Hosea 8:11

“Israel ma a puɛ bɔ sami la tɛ babauu nɛ a kɛ ma je a he yayami, se yayami mohu a ngɛ pee ngɛ lejɛ ɔmɛ tsuo.

Yesaya 30:22

Nyɛ ma ble nyɛ we amaga amɛ; amagahi nɛ a ngɔ sika hiɔ kɛ ha a he, kɛ ní nɛmɛ nɛ a ngɔ sika tsu kɛ ha a he ɔ tsuo. Nyɛ maa hɛ mɛ kɛ fɔ he kaa ní komɛ nɛ a he tsɔ we; nyɛ ma de mɛ ke, “Nyɛɛ ho!”

Mose V, 9:20

Aaron hu Yawɛ mi mi fu lɛ wawɛɛ, nɛ e piɛ bɔɔ pɛ nɛ e ko gbe lɛ; se i kpa pɛɛ ha Aaron hu jamɛ a be ɔ mi kɛ̃.

Mika 1:7

A maa ku Samaria amaga amɛ tsuo dukuduku. A kɛ la maa sã ní tsuo nɛ e na kɛ je yahomi mi ɔ. Ma kpata e wɔ ɔmɛ tsuo a hɛ mi. Ní nɛ e na a yahomi mi e na kɛ je, lɔ ɔ he ɔ, e ní ɔ tsuo maa ya pee yahomi mi ní kɛ ha ni kpahi.”

Matsɛmɛ I, 15:13

E na, Maaka po e kpa lɛ manyɛ yemi, ejakaa e puɛ amaga ko nɛ a hiee kɛ ha yo mawu ɔ nɛ a tsɛɛ Ashera a. Asa ywia amaga nɛ ɔ, nɛ e sã lɛ ngɛ Kidron pa a nya.

Kronika II, 34:7

Yosia ywia bɔ sami la tɛ ɔmɛ, kɛ Ashera amaga amɛ. E wɛɛ amaga amɛ nɛ a pee mɔnyɔmɔnyɔ kaa la zu, nɛ e ywia tsopa kɛ e he via bɔ sami la tɛ ɔmɛ ngɛ Israel zugba a nɔ tsuo loko e kpale kɛ ba Yerusalem.