Mose V, 9:18 - BAIBLO ALOO NGMAMI KLƆUKLƆU Ɔ

¹⁸ Jehanɛ, i ho ya kpla si ngɛ Yawɛ hɛ mi ekohu nyɔnyɔɔnyɔ kɛ piapiaapia ligbi nyingmi eywiɛ; nɛ́ i yi ní ɔ, i nui nyu hulɔ. I pee ja ngɛ yayami nɛ nyɛ pee kɛ si Yawɛ kɛ wo e mi mi la a he.

Mose V, 9:18 ပူးပေါင်းရင်းမြစ်များ

Samuel II, 12:16

David kpa Mawu pɛɛ nɛ́ e ha nɛ jokuɛ ɔ nɛ na he wami. David kua ní yemi; nɛ daa nyɔ mi ɔ, e hwɔɔ zugba kɛ ya siɔ je nami.

Matsɛmɛ I, 19:8

Eliya te si, nɛ e ye ní, nɛ e nu nyu; nɛ niye ní ɔ ha lɛ he wami nɛ e kɛ nyɛɛ nyɔ kɛ pia ligbi nyingmi eywiɛ kɛ ya Sinai, yo klɔuklɔu ɔ nɔ.

Ezra 10:6

Jehanɛ, Ezra je Mawu we ɔ hɛ mi, nɛ e ya sɛ Eliashib bi Yehohanan se tsu mi. E hi lejɛ ɔ nyɔ mi tsuo; e yi nɔ́ ko nɔ́ ko, nɛ e nui nyu hulɔ; kɔmɔ sɔuu e ngɛ yee, ejakaa Israel bi nɛ je ma se kɛ ba a yi Mawu anɔkuale.

La 106:23

Benɛ Mawu de ke e ma kpata e ma a hɛ mi ɔ, e tsɔlɔ Mose nɛ e hla a nɛ da mi ha ma a. Mose lɛ jɔɔ Mawu abofu ɔ he, loko e kpataa we ma a hɛ mi ɔ nɛ.

Mose II, 34:28

Mose kɛ Yawɛ hi lejɛ ɔ nyɔ kɛ pia ligbi nyingmi eywiɛ; e yi nɔ́ ko ɔ, nyu hu e nui. Nɛ e ngma somi munyu ɔmɛ nɛ ji mlaa nyɔngma amɛ ngɔ fɔ tɛ tɛtlɛɛ ɔmɛ a nɔ.

Mose II, 34:9

E de ke, “Yawɛ, ke niinɛ nɛ o ngɛ ye he bua jɔmi ɔ, lɛɛ i kpa mo pɛɛ nɛ o kɛ wɔ nɛ ya. E ngɛ mi kaa ma nɛ ɔ kuɛ wa mohu, se moo ngɔ wa tɔmi ɔmɛ, kɛ wa he yayami ɔmɛ kɛ pa wɔ, nɛ o ngɔ wɔ kɛ pee mo nitsɛ o ma.”

Mose V, 10:10

“I hi yo ɔ nɔ nyɔnyɔɔnyɔ kɛ piapiaapia ligbi nyingmi eywiɛ kaa bɔ nɛ i pee kekle ɔ. Yawɛ bu mi tue ekohu; e kplɛɛ kaa e be nyɛ hɛ mi kpatae.

Mose V, 9:17

Lɔ ɔ he ɔ, nyɛ hɛ mi nɔuu nɛ i ngɔ tɛ tɛtlɛɛ enyɔ ɔmɛ nɛ i hɛɛ ɔ ngɔ fia si nɛ a ywia wɔtsɔwɔtsɔ.

Mose V, 9:25

“Lɔ ɔ he ɔ, i ya kpla si ngɛ Yawɛ hɛ mi nyɔnyɔɔnyɔ kɛ piapiaapia ligbi nyingmi eywiɛ sɔuu kɛ kpa pɛɛ ha nyɛ; ejakaa i le kaa Yawɛ to kaa e ma kpata nyɛ hɛ mi.

Mose V, 9:9

Imi nɛ i kuɔ yo ɔ, nɛ i ya he tɛ tɛtlɛɛhi nɛ a ngma somi nɛ Yawɛ kɛ nyɛ so ɔ ngɛ a nɔ ɔ kɛ ba. I hi yo ɔ nɔ nyɔnyɔɔnyɔ kɛ piapiaapia ligbi nyingmi eywiɛ; nɛ́ i yi ní ɔ, i nui nyu hulɔ.