Mose V, 9:11 - BAIBLO ALOO NGMAMI KLƆUKLƆU Ɔ

¹¹ Nyɔnyɔɔnyɔ kɛ piapiaapia ligbi nyingmi eywiɛ se loko Yawɛ ngɔ tɛ tɛtlɛɛ enyɔ ɔmɛ nɛ e ngma mlaa amɛ ngɛ a nɔ ɔ ngɔ ha mi.

Mose V, 9:11 ပူးပေါင်းရင်းမြစ်များ

Mose II, 31:18

Benɛ Mawu kɛ Mose tu munyu gbe nya ngɛ Sinai yo ɔ nɔ ɔ, Mawu ngɔ tɛ tɛtlɛɛ enyɔ ɔmɛ nɛ lɛ nitsɛ e ngma mlaa amɛ ngɛ nɔ ɔ kɛ ha Mose.

Mose II, 32:1

Benɛ ma a na kaa Mose se ya fia si ngɛ yo ɔ nɔ, nɛ e kple we si kɛ bɛ ɔ, ma a bua a he nya kɛ ba na Aaron, nɛ a ba de lɛ ke, “Kikɛmɛ a Mose nɛ ɔ nɛ je wɔ kɛ je Egipt zugba a nɔ ɔ, wa li sane nɛ ya ba e nɔ. Lɔ ɔ he ɔ, moo pee mawu ha wɔ nɛ e nyɛɛ wa hɛ mi.”

Mose IV, 10:33

Kɛkɛ nɛ ma a hia kɛ je Yawɛ yo ɔ he, nɛ a nyɛɛ ligbi etɛ. Yawɛ somi daka a nyɛɛ a hɛ mi kɛ hla sito he ha mɛ.

Mose V, 9:9

Imi nɛ i kuɔ yo ɔ, nɛ i ya he tɛ tɛtlɛɛhi nɛ a ngma somi nɛ Yawɛ kɛ nyɛ so ɔ ngɛ a nɔ ɔ kɛ ba. I hi yo ɔ nɔ nyɔnyɔɔnyɔ kɛ piapiaapia ligbi nyingmi eywiɛ; nɛ́ i yi ní ɔ, i nui nyu hulɔ.

Hebribi 9:4

Níhi nɛ ngɛ tsu nɛ ɔ mi ji tsopa kɛ e he via sami la tɛ nɛ a kɛ sika tsu pee ɔ, somi daka a nɛ a kɛ sika tsu ha he ɔ kɛ e mi sika tsu kplu ɔ nɛ mana a ngɛ mi ɔ, Aaron dɛma tso ɔ nɛ tsɛ̃ ba be ko ɔ, kɛ tɛ tɛtlɛɛ enyɔ ɔmɛ nɛ a ngma mlaa amɛ ngɛ a nɔ ɔ.