Mose V, 9:1 - BAIBLO ALOO NGMAMI KLƆUKLƆU Ɔ

¹ “Nyɛɛ bu tue, Israel bi; mwɔnɛ ɔ, nyɛ maa po Yordan pa a, konɛ nyɛ ya fie je ma amɛ nɛ kle, nɛ a he wa pe nyɛ ɔ. A fia gbogbo nɛ ya hiɔwe ploplooplo ngɔ wo a ma amɛ a he.

Mose V, 9:1 ပူးပေါင်းရင်းမြစ်များ

Mose I, 11:4

A de ke, “Nyɛ ha nɛ waa po ma ngua ko ngɔ ha wa he, nɛ waa ma mɔ nɛ e yi mi nɛ ya su hiɔwe. Ke wa pee ja a, wa ma na biɛ, nɛ wa be gbɛe ngɔ fia zugba a nɔ tsuo.”

Mose II, 32:1

Benɛ ma a na kaa Mose se ya fia si ngɛ yo ɔ nɔ, nɛ e kple we si kɛ bɛ ɔ, ma a bua a he nya kɛ ba na Aaron, nɛ a ba de lɛ ke, “Kikɛmɛ a Mose nɛ ɔ nɛ je wɔ kɛ je Egipt zugba a nɔ ɔ, wa li sane nɛ ya ba e nɔ. Lɔ ɔ he ɔ, moo pee mawu ha wɔ nɛ e nyɛɛ wa hɛ mi.”

Daniel 4:11

Tso ɔ ba wa agbo nɛ e ka gagaa kɛ ya su hiɔwe, nɛ a na lɛ ngɛ je ɔ mi he tsuaa he.

Amos 2:9

Yawɛ ya nɔ nɛ e de ke, “Nɛ, nyɛ ye ma! Nyɛ he ɔ, i kpata nyɛ he nyɛli nɛ ji Amor bi ɔmɛ a hɛ mi pɛsɛpɛsɛ. Nimli nɛ ɔmɛ ka gagaaga kaa seda tsohi, nɛ a he wa kaa tso nguahi.

Mose IV, 13:22

A nyɛɛ kɛ gu leneyi je hluu kɛ ya si Hebron. Lejɛ ɔ ji Ahiman, Sheshai, kɛ Talmai nɛ ji Anak bi ɔmɛ a hi he. (A po Hebron ma a jeha kpaago loko a po Zoan ngɛ Egipt).

Mose IV, 33:51

“De Israel bi ɔmɛ ke, ke nyɛ po Yordan pa a kɛ ho Kanaan zugba a nɔ ya a,

Mose V, 1:28

Jije wa maa ya? Wa nyɛmimɛ ɔmɛ ha wa tsui po. A ke nihi nɛ ngɛ lejɛ ɔ je oblai; a he wa, nɛ a ka pe wɔ. A ke mahi nɛ a ngɛ mi ɔ, ma nguanguahi nɛ a fia gbogbohi nɛ ya hiɔwe ploplooplo ngɔ wo a he. Jehanɛ hu, mɛ nitsɛmɛ a na oblai nɛ ɔmɛ paa kɛ a hɛngmɛ!’

Mose V, 11:23

Kɛkɛ ɔ, Yawɛ maa fie jamɛ a je ma amɛ tsuo nɛ a he wa pe nyɛ ɔ kɛ je zugba amɛ a nɔ ha nyɛ.

Mose V, 11:31

E su be nɛ nyɛ maa po Yordan pa a, nɛ nyɛ ma ya ngɔ zugba a nɛ Yawɛ, nyɛ Mawu ɔ kɛ ngɛ nyɛ hae ɔ nɛ nyɛɛ hi nɔ. Ke nyɛ ya ngɔ zugba a, nɛ nyɛ ngɛ nɔ ɔ,

Mose V, 27:2

Ligbi ɔ nɛ nyɛ maa po Yordan pa a kɛ ya su zugba a nɛ Yawɛ, nyɛ Mawu ɔ kɛ ngɛ nyɛ hae ɔ nɔ ɔ, nyɛɛ ngɔ tɛ agboagbohi kɛ ma si, nɛ nyɛ kpa a he kalo.

Mose V, 3:18

“Jamɛ a be ɔ mi nɔuu ɔ, i fa nyɛ ke, ‘Yawɛ, nyɛ Mawu ɔ ngɔ zugba nɛ ɔ ngɔ ha nyɛ kaa nyɛ weto ní. Nyɛ nihi nɛ nyɛ su ta yami ɔ, nyɛɛ mia kɛ ta hwumi ní kɛ nyɛɛ nyɛ nyɛmimɛ Israel wɛtso kpa amɛ a hɛ mi kɛ ya po Yordan pa a, nɛ nyɛɛ piɛ a he nɛ ngɔ a zugba a.

Mose V, 4:1

Jehanɛ Mose de Israel ma a ke, “Nyɛɛ bu mlaa amɛ nɛ ma tsɔɔ nyɛ ɔ tue, nɛ nyɛɛ ye a nɔ, konɛ nyɛ yi nɛ na wami, nɛ́ nyɛ ya ngɔ zugba a nɛ Yawɛ, nyɛ nɛmɛ a Mawu ɔ kɛ ngɛ nyɛ hae ɔ.

Mose V, 4:38

E fie je mahi nɛ a he wa kɛ je nyɛ blɔ ɔ nɔ, nɛ e ngɔ a zugba a ngɔ ha nyɛ. Lejɛ ɔ nyɛ ngɛ kɛ mwɔɔ.

Mose V, 6:10

“Kaa bɔ nɛ Yawɛ wo nyɛ nɛmɛ Abraham, Isak, kɛ Yakob si ke e ma ha nyɛ zugba ko kɛ e nɔ mahi nɛ pi nyɛ nɛ nyɛ po,

Mose V, 7:1

“Yawɛ, nyɛ Mawu ɔ maa ngɔ nyɛ kɛ ya su zugba a nɛ nyɛ yaa ngɔ ɔ nɔ, nɛ e maa fie je mahi babauu kɛ je zugba a nɔ ha nyɛ. Je ma kpaago nɛ a he hiɛ, nɛ a he wa kulaa pe nyɛ Yawɛ maa fie ngɛ nyɛ blɔ ɔ nɔ: Hit bi, Girgash bi, Amor bi, Kanaan bi, Periz bi, Hiv bi, kɛ Yebus bi.

Yoshua 1:11

a ya kpa ma sito he ɔ, nɛ a de ni ɔmɛ ke, “Nyɛ hla blɔ hiami niye ní kɛ to; ejakaa hiɛmɛ nɛ ɔ ligbi etɛ ɔ, nyɛ maa po Yordan pa a kɛ ya ngɔ zugba a nɛ Yawɛ, nyɛ Mawu ɔ kɛ ha nyɛ ke nyɛ nɔ́ ɔ.”

Yoshua 1:15

kɛ yaa su be nɛ mɛ hu a nine maa su zugba a nɛ ngɛ Yordan bonyoku je ɔ nɔ. Zugba nɛ ɔ ji nɔ́ nɛ Yawɛ, nyɛ Mawu ɔ ngɔ ha mɛ ɔ nɛ. Lɔ ɔ se ɔ, nyɛɛ kpale kɛ ba nyɛ nitsɛmɛ nyɛ hi he nɛ ji zugba a nɛ ngɛ Yordan beleku je, nɛ́ Yawɛ tsɔlɔ Mose ngɔ ha nyɛ ɔ nɔ.”

Yoshua 14:12

Lɔ ɔ he ɔ, ye zugba a nɛ Yawɛ wo mi he si jamɛ a ligbi ɔ, ngɔɔ ha mi. Jamɛ a ligbi ɔ, wa ba bɔ nyɛ amaniɛ ke oblai komɛ nɛ a tsɛɛ mɛ ke Anak bi ɔ ngɛ ma ngua komɛ nɛ a fia gbogbo ngɔ wo a he ɔ a mi ngɛ lejɛ ɔ. Se i de ke, eko ɔ, Yawɛ maa piɛ ye he nɛ ma fie mɛ kaa bɔ nɛ Yawɛ de ɔ.”

Yoshua 3:14

(Ke ní kpami be su ɔ, Yordan pa a hyiɔ nɛ e ywiaa nga). Jehanɛ ɔ, ma a tsuo hia kɛ je a sito he ɔ, nɛ́ a ya po Yordan pa a. Osɔfo ɔmɛ nɛ tloo somi daka a nyɛɛ ma a hɛ mi. Benɛ osɔfo ɔmɛ a nane ma nyu ɔ mi pɛ kɛkɛ nɛ

Yoshua 3:16

nyu nɛ je yiti je ɔ bua e he nya da si ngɛ tsitsaa ngɛ Adam, nɛ ji ma ko nɛ ngɛ Zaretan kasa nya a. Nyu nɛ kpleɔ si kɛ yaa Araba, loo Ngo wo ɔ mi ɔ se po, nɛ Israel ma a po Yordan pa a ngɛ Yeriko hanɔ tutuutu.

Yoshua 3:6

Jehanɛ, e de osɔfo ɔmɛ ke a tloo somi daka a kɛ nyɛɛ ma a hɛ mi. A pee bɔ nɛ Yoshua de mɛ ɔ.

Yoshua 4:19

Kekleekle nyɔhiɔ ɔ we ligbi nɛ ji nyɔngma a nɔ ɔ, ma a po Yordan pa a, nɛ a ya to si ngɛ Gilgal, ngɛ Yeriko ma a beleku je.

Yoshua 4:5

nɛ e de mɛ ke, “Nyɛɛ be kɛ ya je Yawɛ, nyɛ Mawu ɔ somi daka a hɛ mi ngɛ Yordan ɔ kpɛti. Nyɛɛ da Israel wɛtso ɔmɛ a nya kakaaka, nɛ nyɛ wo tɛ kakaaka ngɔ fɔ nyɛ konɔ.