Mose V, 8:9 - BAIBLO ALOO NGMAMI KLƆUKLƆU Ɔ

⁹ Hwɔ be nyɛ yee, nɛ nɔ́ ko nɔ́ ko be nyɛ hiae. Tɛ nɛ ngɛ zugba a mi ɔ, dade ngɛ mi. Yo ɔmɛ a mi hu akɔblee ngɛ nɛ nyɛ ma nyɛ maa tsua.

Mose V, 8:9 ပူးပေါင်းရင်းမြစ်များ

Kronika I, 22:14

I gbo dengme bua ní nɛ ɔmɛ a nya kɛ to, konɛ a kɛ po Yawɛ we ɔ: sika tsu nɛ jiɔmi ji tɔn akpe etɛ kɛ lafa eywiɛ, sika hiɔ nɛ jiɔmi ji tɔn akpe nyingmi etɛ kɛ eywiɛ, akɔblee kɛ dade babauu nɛ a li nya, tso, kɛ tɛ. Bɔɔ mɔde nɛ mo hu o na eko kɛ piɛ he.

Kronika I, 22:3

David bua dade babauu nya nɛ a kɛ maa pee plɛɛko kɛ sá kɛ ha agbo ɔmɛ, kɛ akɔblee hu babauu nɛ a li nya.

Hiob 28:2

A tsuaa dade ngɛ zu mi, nɛ a sileɔ tɛ, nɛ a jeɔ akɔblee kɛ jeɔ mi.

Mose V, 33:25

Á ma a ma amɛ a nya dade agbohi, konɛ a na he wami daa.”

Mose V, 8:10

Nyɛ ma na ní maa ye maa tɔ; nɛ nyɛ maa na Yawɛ, nyɛ Mawu ɔ si ngɛ zugba nɛ baa ní saminya nɛ e ha nyɛ ɔ he.

Mose V, 8:8

E ji zugba nɛ ngma, blɛfo, wai yiblii, ngmɔkɔ, tso nɛ yiblii ngɔɔ, oliv tso, kɛ hwo ngɛ nɔ.

Manyadali 18:10

Ke nyɛ ya a, nyɛ maa na zugba agbo ko kɛ e mi nimli nɛ nɔ́ ko nɔ́ ko pee we mɛ kɔmɔ. Niinɛ, zugba, he nɛ je nɛ ɔ mi nɔ́ ko nɔ́ ko hia we ngɛ ɔ, jamɛ a zugba a ji zugba nɛ Mawu ngɔ kɛ wo nyɛ dɛ mi nɛ ɔ nɛ.”