Mose V, 8:8 - BAIBLO ALOO NGMAMI KLƆUKLƆU Ɔ

⁸ E ji zugba nɛ ngma, blɛfo, wai yiblii, ngmɔkɔ, tso nɛ yiblii ngɔɔ, oliv tso, kɛ hwo ngɛ nɔ.

Mose V, 8:8 ပူးပေါင်းရင်းမြစ်များ

Yohane 6:13

A pee jã, nɛ abolo bɔbɔɛ enuɔ nɛ a kɛ ngma pee, nɛ a ye piɛ ɔ, bibliwi nɛ a bua nya a hyi kusii nyɔngma kɛ enyɔ.

La 147:14

E haa tue mi jɔmi baa o zugba a nɔ, nɛ niye ní buu tɔ.

Mose V, 32:14

Na amɛ, kɛ to ɔmɛ ha nyɔ nyu babauu; e ha ma a jijɔ, apletsi, kɛ na kpakpahi; a ye ní kpakpa, nɛ a nu dã kpakpa.

Yohane 6:9

“Jokuɛ nyumuyo ko ngɛ hiɛ ɔ nɛ hɛɛ abolo bɔbɔɛ enuɔ nɛ a kɛ ngma pee, kɛ lo tsɔwi enyɔ, se lɔ ɔmɛ po tsa sui nɔ́ ko kɛ ha ma kpekpemi nɛ ɔ.”

Habakuk 3:17

Ke ngmɔkɔ tso gba we mɔmɔ, nɛ wai tso ɔmɛ wui yiblii, ke oliv nu bɛ, nɛ niye ní be ngmɔ ɔ nɔ, ke to ɔmɛ a hɛ mi kpata, nɛ na amɛ gbo ta tsu ɔ mi, ke ní nɛ ɔmɛ tsuo ba mi po,

Mika 4:4

Nɔ tsuaa nɔ maa hi si ngɛ he jɔmi mi ngɛ e wai tso, loo e ngmɔkɔ tso sisi, nɛ nɔ ko be nɔ ko he gbeye woe. Yawɛ, Tabohiatsɛ ɔ lɛ de.

Hosea 2:8

E li tete kaa ngma, dã, kɛ nu ɔ, imi lɛ i ha lɛ. Jehanɛ, sika hiɔ, kɛ sika tsu ní nɛ a kɛ jaa Baal ɔ, e li kaa imi lɛ i kɛ dloo lɛ.

Ezekiel 27:17

Yuda kɛ Israel zugba amɛ hu kɛ mo ye jua. Ke a ba he ní ɔ, níhi nɛ a kɛ woɔ hiɔ ji ngma, hwo, oliv nu, kɛ tsopa kɛ e he via.

Yeremia 5:17

A maa ye nyɛ ngmɔ niba ní ɔmɛ, kɛ nyɛ niye ní ɔmɛ tsuatsuaatsua; a maa gbe nyɛ binyumu ɔmɛ, kɛ nyɛ biyi ɔmɛ. A ma tsɔtslɔɔ nyɛ to ɔmɛ, kɛ nyɛ na amɛ, nɛ a ma kpata nyɛ wai, kɛ nyɛ ngmɔkɔ ɔmɛ a hɛ mi. Nyɛ mahi nɛ a fia gbogbo ngɔ wo a he, nɛ nyɛ ngɔ nyɛ hɛ kɛ fɔ a nɔ ɔ, he nyɛli ɔmɛ a tabo ɔmɛ ma kpata jamɛ a ma amɛ a hɛ mi.

Yesaya 7:23

“Jamɛ a be ɔ, hehi tsuo nɛ wai tso akpe hi sa a, nɛ a he jua peeɔ sika hiɔ yi akpe ɔ, lejɛ ɔ tsuo ma plɛ pee pú, kɛ mio tsohi sɔuu.

Matsɛmɛ I, 5:11

nɛ Salomo hu ha Hiram ngma tɔni akpe enyɔ, kɛ nu nɛ a si lita akpe afa eywiɛ daa jeha kɛ ha e we bi ɔmɛ a nɔ hyɛmi.

Samuel II, 4:6

Jamɛ a be ɔ, yo agbo nya bulɔ ɔ ngɛ ngma mi sae; se lɛ hu mahe ba wo lɛ. Lɔ ɔ he ɔ, Rekab kɛ e nyɛminyumu ɔ pee blɛuu nɛ a sɛ we ɔ mi.

La 81:16

Se nyɛɛ lɛɛ ma lɛ nyɛ kɛ ngma kpakpa. Ma ha nyɛ hwo babauu kɛ je tɛ sa mi nɛ nyɛ maa ye.”

Mose I, 49:11

E fiɔ e teji ngɔ woɔ wai tso he E fiɔ e teji bimɛ kɛ woɔ wai tso kpakpahi a he. E fɔɔ e tadehi a he ngɛ wai nɛ tsuɔ kaa muɔ mi.

Mose V, 8:7

Yawɛ, nyɛ Mawu ɔ kɛ nyɛ yaa zugba nɛ baa ní saminya ko nɔ. Pahi, kɛ nyu hɛngmɛhi ngɛ nɔ, nɛ jehanɛ nyu pãã si kɛ jee zu mi nɛ e suɔ kɛ pueɔ yoku ɔmɛ a nɔ, kɛ kɔ̃ ɔmɛ a mi.

Mose V, 8:9

Hwɔ be nyɛ yee, nɛ nɔ́ ko nɔ́ ko be nyɛ hiae. Tɛ nɛ ngɛ zugba a mi ɔ, dade ngɛ mi. Yo ɔmɛ a mi hu akɔblee ngɛ nɛ nyɛ ma nyɛ maa tsua.

Mose V, 32:13

“E ha e ma a ye yo nɔ zugba amɛ a nɔ, nɛ a ye ngmɔ ɔmɛ a mi niba ní. E ma a ná hwo kɛ je tɛ sa mi; nɛ oliv tso ɔmɛ hu plɔke ngɛ zugba nɛ tɛ ngɛ mi ɔ nɔ.

Mose IV, 13:23

Benɛ a su Eskol kɔ̃ ɔ mi ɔ, a po wai tso kɔni kake kɛ e nɔ wai yiblii sau kake ngɛ lejɛ ɔ, nɛ a kpɛti ni enyɔ wo lɛ tso nɛ a kpla ngɛ a konɔ. A kɛ tso yiblii ko kaa akutu kɛ ngmɔkɔ hu ba.

Mose V, 6:3

Israel ma, nyɛɛ bu tue, nɛ nyɛɛ ye mlaa amɛ a nɔ. Lɔ ɔ loko níhi a mi maa hi ha nyɛ, nɛ nyɛ maa pee ma ngua, nɛ nyɛ maa hi zugba kpakpa nɛ baa ní ɔ nɔ, kaa bɔ nɛ Yawɛ, wa nɛmɛ a Mawu ɔ wo si ɔ.

Matsɛmɛ II, 18:32

kɛ yaa si be nɛ matsɛ ngua a ma kpaka nyɛ kɛ ya zugba ko nɛ ngɛ kaa nyɛ nitsɛmɛ nyɛ zugba a nɔ. Wai ngmɔhi ngɛ lejɛ ɔ nɛ nyɛɛ kɛ maa pee wai; blɛfo ngɛ lejɛ ɔ nɛ nyɛɛ kɛ maa pee abolo; oliv tsohi ngɛ lejɛ ɔ nɛ nyɛɛ kɛ maa pee nu; hwo gbakuhi hu ngɛ lejɛ ɔ nɛ nyɛɛ kɛ maa pee hwo. Ke Hezekia mlɔɔ nyɛ nɛ e de nyɛ ke Yawɛ ma he nyɛ yi wami ɔ, nyɛ ko bu lɛ tue.

Yeremia 2:7

I ngɔ mɛ kɛ ba zugba nɛ baa ní nɔ, konɛ a ba ye zugba a nɔ yiblii kɛ ní kpakpahi. Se benɛ a ba a, a ba ble zugba a, nɛ a ngɔ ye weto ní ngɔ pee nɔ́ nɛ a hiee.