Mose V, 8:2 - BAIBLO ALOO NGMAMI KLƆUKLƆU Ɔ

² Nyɛ kai kaa Yawɛ, nyɛ Mawu ɔ kpaka nyɛ ngɛ blɔ gagaa nɛ ɔ nɔ kɛ gu nga kplanaa a nɔ jeha nyingmi eywiɛ sɔuu. E ha hɛdo níhi kɛ nyɛ kpe kɛ ka nyɛ hyɛ, konɛ e kɛ le nɔ́ nɛ ngɛ nyɛ tsui mi, kaa nyɛ maa ye e mlaa amɛ a nɔ, loo nyɛ be a nɔ yee.

Mose V, 8:2 ပူးပေါင်းရင်းမြစ်များ

Mose I, 22:1

Pee se ɔ, Mawu ka Abraham. Mawu tsɛ Abraham ke, “Abraham!” Nɛ Abraham he nɔ ke, “Ne mi!”

Kronika II, 32:31

Benɛ ni ɔmɛ nɛ Babilonia ganɔ ɔmɛ tsɔ kɛ ba Hezekia ngɔ ba bi lɛ sane ngɛ nyakpɛ níhi nɛ ba zugba a nɔ ɔ a he pohu ɔ, Mawu ngmɛɛ Hezekia jemi he ngɔ ha lɛ. Mawu pee kikɛmɛ a nɔ́ nɛ ɔ konɛ e kɛ ka lɛ, nɛ e kɛ na nɔ́ tsuaa nɔ́ nɛ ngɛ e tsui mi.

Kronika II, 33:12

Benɛ e ngɛ haomi mi ɔ, e ba e he si, nɛ e fa kue ha Yawɛ, e nɛmɛ a Mawu ɔ.

Kronika II, 33:19

A ngma Manase he ní nɛ ɔmɛ hu ngɛ Gbali ɔmɛ a Blema Sanehi Womi ɔ mi: kue nɛ Manase fa, kɛ bɔ nɛ Mawu bu lɛ tue ha, yayamihi nɛ e pee loko e ba tsake e tsui, jami hehi nɛ e po, yo mawu ɔ nɛ a tsɛɛ Ashera a we amagahi nɛ e puɛ, kɛ amagahi nɛ e ja.

Nehemia 9:19

Jamɛ a be ɔ mi po, o ngmɛɛ we a he ngɛ nga kplanaa a nɔ; ejakaa o naa mɔbɔ saminya. O je we bɔku ɔ nɛ tsɔɔ mɛ blɔ piani ɔ, kɛ la a hu nɛ tsɔɔ mɛ blɔ nyɔ mi ɔ kɛ ji a he.

Hiob 33:17

Mawu kɛ nimli adesahi tuɔ munyu bɔ nɛ pee nɛ a kpa yayami peemi, nɛ a ko wo a he nɔ.

La 103:2

Ma je Yawɛ yi! Ní kpakpahi nɛ e peeɔ ha mi ɔ, ye hɛ be nɔ jee gblegbleegble.

La 106:7

Nyakpɛ níhi nɛ Hiɔwe No ɔ pee ngɛ Egipt ɔ, wa nɛmɛ ɔmɛ nui sisi. Suɔmi babauu nɛ e je kpo kɛ tsɔɔ mɛ ɔ, a kaii we. Mohu ɔ, a te si wo lɛ ngɛ Wo Tsu ɔ nya.

La 136:16

Lɛ nɛ e hɛɛ e ma a kɛ gu nga kplanaa a nɔ; ejakaa e suɔmi ɔ ngɛ kɛ yaa neneene!

La 77:11

Se kɛ̃, Yawɛ, i kai níhi nɛ o tsu blema a; ee, i kai nyakpɛ ní nguahi nɛ o pee ɔ.

La 81:7

Benɛ nyɛ ngɛ haomi mi ɔ, nyɛ tsɛ mi. I he nɔ kɛ je ye laami he ɔ, he nɛ hiɔwe siɔ kɛ jee ɔ, nɛ i he nyɛ yi wami. Jehanɛ se hu, i ka nyɛ ngɛ Meriba nyu ɔ he.

Mose II, 15:25

Mose kɛ hɛdɔ tsɛ Yawɛ, nɛ Yawɛ tsɔɔ lɛ tso ko. Mose sake tso ɔ ngɔ fɔ nyu ɔ mi, kɛkɛ nɛ nyu ɔ jɔ. Lejɛ ɔ nɛ Yawɛ wo mɛ mlaa ngɛ, nɛ lejɛ ɔ nɛ e ka mɛ ngɛ.

Mose II, 16:35

Israel bi ɔmɛ ye mana a jeha nyingmi eywiɛ kɛ ya si a ya su zugba nɛ nihi ngɛ nɔ, nɛ ji Kanaan zugba a huzu nya.

Mose II, 16:4

Kɛkɛ nɛ Yawɛ de Mose ke, “Hyɛ, ma ha abolo maa nɛ kɛ je hiɔwe pue si ha nyɛ. Daa ligbi ɔ, ma a maa ya nɛ a ya bua nɔ́ nɛ maa su mɛ ligbi kake yemi nya, nɛ ma kɛ ka mɛ ma hyɛ kaa a maa ye ye mlaa amɛ a nɔ lo.

Mose II, 20:20

Mose de ma a ke, “Nyɛ ko ye gbeye; kami kɛkɛ Mawu ma nyɛ kami konɛ nyɛɛ ye lɛ gbeye nɛ nyɛ ko pee yayami.”

Abɛ Womi 17:3

La a kɛ tsuɔ sika tsu kɛ sika hiɔ he, se Yawɛ lɛ kaa adesa tsui hyɛɔ.

Yesaya 2:17

Nɔmlɔ adesa he tsɔɔmi, kɛ e he nɔ womi tsuo se maa po. Amagahi a se maa po kulaa; nɛ jamɛ a be ɔ, Yawɛ pɛ nɔ a ma wo gojoo.

Yeremia 2:6

A bi we ke, ‘Jije Yawɛ ngɛ?’ Pohu, imi lɛ i je mɛ kɛ je Egipt zugba a nɔ; imi lɛ i kpaka mɛ kɛ gu nga kplanaa a nɔ, zugba kɛ e mi muɔhi kɛ e mi diblii kpii, zugba nɛ nyu be nɔ, nɛ nɔmlɔ adesa ko be nɔ, nɛ nɔ ko hu gui nɔ.

Ezekiel 20:19

Imi ji Yawɛ, nyɛ Mawu ɔ nɛ. Nyɛɛ ye ye mlaa amɛ, kɛ blɔ nya tomi ɔmɛ a nɔ.

Amos 2:10

Imi lɛ i je nyɛ kɛ je Egipt bi ɔmɛ a zugba a nɔ ɔ nɛ. I kpaka nyɛ kɛ gu nga a nɔ jeha nyingmi eywiɛ, nɛ i ngɔ Amor bi ɔmɛ a zugba a kɛ ha nyɛ, nɛ e ba pee nyɛ nɔ́.

Mose IV, 14:33

Nyɛ bimɛ maa wo lalaalo ngɛ nga a nɔ jeha nyingmi eywiɛ, nɛ a maa na nɔ́ ngɛ hemi kɛ yemi nɛ nyɛ be ɔ he, kɛ yaa si be nɛ nyɛ nyagbe nɔ ɔ ma gbo fɔ si ngɛ nga a nɔ.

Luka 18:14

I ngɛ nyɛ dee ke, nyumu nɛ ɔ kpale e se kɛ ho we mi ya kaa nɔ nɛ pee nɔ́ nɛ sa Mawu hɛ mi pe Farisi no ɔ. Ejakaa nɔ tsuaa nɔ nɛ woɔ e he nɔ ɔ, a maa ba lɛ si; se nɔ nɛ baa e he si ɔ, a ma wo e nɔ.”

Yohane 2:25

E hia we pohu nɛ nɔ ko nɛ ye nɔmlɔ adesa he odase kɛ tsɔɔ lɛ, ejakaa lɛ nitsɛ e le nɔmlɔ yi mi.

Mose V, 1:3

Se jeha nyingmi eywiɛne ɔ, nyɔhiɔ nɛ ji nyɔngma kɛ kake ɔ we kekleekle ligbi ɔ loko Mose tu munyuhi tsuo nɛ Yawɛ fa lɛ ke e de Israel ma a kɛ tsɔɔ mɛ.

Mose V, 1:33

be mi nɛ lɛɛ daa nɛ ɔ e nyɛɛ nyɛ hɛ mi kɛ ngɛ sito he hlae ha nyɛ. Nyɔ mi ɔ, e nyɛɛ nyɛ hɛ mi kɛ la titima, nɛ piani ɔ, e nyɛɛ nyɛ hɛ mi ngɛ bɔku titima mi kɛ tsɔɔ nyɛ blɔ.

Mose V, 13:3

nyɛ ko bu lɛ tue fɛɛ. Yawɛ, nyɛ Mawu ɔ gu nɔ́ nɛ ɔ nɔ kɛ ngɛ nyɛ kae nɛ e hyɛ kaa nyɛ suɔ lɛ, Yawɛ ɔ saminya ngɛ nyɛ tsui mi lo.

Mose V, 2:7

“Nyɛ na bɔ nɛ Yawɛ, nyɛ Mawu ɔ gbaa nyɛ ngɛ nɔ́ tsuaa nɔ́ mi, nɛ e baa nyɛ yi ngɛ nga kplanaa tilaa nɛ ɔ nɔ. Jeha nyingmi eywiɛ sɔuu ji nɛ ɔ nɛ Yawɛ, nyɛ Mawu ɔ hyɛ nyɛ nɔ, nɛ nɔ́ ko nɔ́ ko hia we nyɛ.

Mose V, 29:5

Jeha nyingmi eywiɛ sɔuu Yawɛ kpaka nyɛ kɛ gu nga kplanaa a nɔ; nyɛ heha ní gba we ngɛ nyɛ he, nɛ nyɛ tokota amɛ hu tsɔ we.

Mose V, 32:7

“Nyɛ susu blema lokoo ɔ he; nyɛ bi nyɛ nɛmɛ, kɛ nimeli ɔmɛ nɛ a gba nyɛ blema sane.

Mose V, 7:18

Nyɛ ko ye mɛ gbeye; nyɛ kai nɔ́ nɛ Yawɛ, nyɛ Mawu ɔ pee Egipt bi ɔmɛ tsuo, kɛ a matsɛ ɔ.

Mose V, 8:16

Ngɛ nga a nɔ ɔ, e ha nyɛ mana, niye ní nɛ nyɛ nɛmɛ yi hyɛ, nɛ nyɛ ye. E ha nyɛ na hɛdo ní, nɛ e kɛ ka nyɛ hyɛ, konɛ lɔ ɔ se ɔ, e gbaa nyɛ kɛ ní kpakpahi.

Yakobo 1:3

ejakaa nyɛ le momo kaa ke nyɛ hemi kɛ yemi mi wa, nɛ nyɛ ye ka amɛ a nɔ ɔ, e woɔ nyɛ he wami nɛ nyɛɛ kɛ toɔ nyɛ tsui si.

Yakobo 4:10

Nyɛɛ ba nyɛ he si ngɛ Nyɔmtsɛ ɔ hɛ mi, nɛ e ma wo nyɛ nɔ.

Yakobo 4:6

Se mɔbɔ nɛ Mawu naa wɔ ɔ nya wa kulaa pe lɔ ɔ po. Kaa bɔ nɛ ngmami ɔ deɔ ɔ, “Nihi nɛ woɔ a he nɔ ɔ, Mawu baa mɛ si; se ni nɛmɛ nɛ baa a he si ɔ lɛɛ e dlooɔ mɛ.”

1 Petro 1:7

A kɛ amanehlu nɛ ɔmɛ ngɛ nyɛ kae kaa nyɛ heɔ Mawu yeɔ niinɛ lo. Sika tsu po nɛ puɛɔ ɔ, a kaa ngɛ la mi. Lɔ ɔ he ɔ, nyɛ hemi kɛ yemi ɔ nɛ he jua wa kulaa pe sika tsu ɔ, ja a ka lɛ, bɔ nɛ pee nɛ e mi nɛ wa. Kɛkɛ ɔ, ligbi ɔ nɛ Yesu Kristo maa ba ekohu ɔ, a ma je nyɛ yi, nɛ a maa bu nyɛ, nɛ nyɛ hɛ mi maa ba nyami.

Kpojemi 2:23

Ma gbe e se nyɛɛli ɔmɛ hulɔ. Kɛkɛ ɔ, asafo ɔmɛ tsuo maa na kaa imi ji nɔ nɛ le adesahi tsuo a juɛmi, kɛ a tsui mi. Ma wo nyɛ ti nɔ tsuaa nɔ hiɔ ngɛ nɔ́ nɛ e tsu ɔ he.

Manyadali 2:22

Ma ngɔ mɛ kɛ ka Israel nɛ ma hyɛ kaa a maa nyɛɛ ye blɔ ɔmɛ a nɔ kaa bɔ nɛ a nɛmɛ ɔmɛ pee ɔ, loo a be ja pee.”

Manyadali 3:4

A si mɛ, bɔ nɛ pee nɛ a ngɔ mɛ kɛ ka Israel, nɛ a hyɛ kaa a maa ye Yawɛ mlaa amɛ nɛ e wo a nɛmɛ ɔmɛ kɛ gu Mose nɔ ɔ a nɔ lo.