Mose V, 8:10 - BAIBLO ALOO NGMAMI KLƆUKLƆU Ɔ

¹⁰ Nyɛ ma na ní maa ye maa tɔ; nɛ nyɛ maa na Yawɛ, nyɛ Mawu ɔ si ngɛ zugba nɛ baa ní saminya nɛ e ha nyɛ ɔ he.

Mose V, 8:10 ပူးပေါင်းရင်းမြစ်များ

Kronika I, 29:14

“I kɛ ye ma a, mɛnɔmɛ ji wɔ nɛ wa ma nyɛ je wa tsui mi faa kɛ ke mo ní kaa kikɛ nɛ ɔ? Ejakaa nɔ́ tsuaa nɔ́ nɛ wa ngɛ ɔ, mo lɛ o ke wɔ. Lɔ ɔ he ɔ, mo nitsɛ o níhi wa ngɔ ba ha mo nɛ ɔ nɛ.

La 103:2

Ma je Yawɛ yi! Ní kpakpahi nɛ e peeɔ ha mi ɔ, ye hɛ be nɔ jee gblegbleegble.

Abɛ Womi 3:9

Ngɔɔ o ní babauu ɔ kɛ wo Yawɛ hɛ mi nyami; ngɔɔ o niba ní tsuo mi kekleekle nɔ́ kɛ sã bɔ ha lɛ.

Yesaya 5:1

Bu la nɛ i ngɛ lae ha mo nɛ ɔ tue; la a kɔɔ ye huɛ ko kɛ e wai ngmɔ he. Ye huɛ ɔ ngɛ wai ngmɔ ko ngɛ yo zugba ko nɛ baa ní saminya nɔ.

Yoel 2:26

Jehanɛ lɛɛ, nyɛ maa ye ní nɛ nyɛ maa tɔ. Nyɛ ma je Yawɛ, nyɛ Mawu ɔ yi ngɛ nyakpɛ níhi nɛ e tsu ha nyɛ ɔ he. A be ye ma a ahlua bɔe ligbi ko ligbi ko hu.

Mateo 14:19

Yesu fa ma kpekpemi ɔ ke a hi si ngɛ nga a nɔ. Jehanɛ, e kukuɔ abolo enuɔ ɔ, kɛ lo enyɔ ɔ, nɛ e hyɛ hiɔwe nɛ e na Mawu si. E ku abolo ɔ mi, nɛ e ngɔ ha e kaseli ɔmɛ, nɛ e kaseli ɔmɛ hu dla ngɔ ha ma a.

Yohane 6:23

Lɛ kpa komɛ je Tiberia ba sa kpo he he nɛ Nyɔmtsɛ ɔ na Mawu si, nɛ ma kpekpemi ɔ ye abolo ɔ ngɛ ɔ.

Romabi 14:6

Nɔ nɛ susuɔ kaa ligbi komɛ a he hia pe ekomɛ ɔ, Nyɔmtsɛ ɔ hɛ mi nyami e ngɛ woe; nɛ nɔ nɛ yeɔ nɔ saisaa a, lɛ hu e ngɛ Nyɔmtsɛ ɔ hɛ mi nyami woe, ejakaa e naa Mawu si ngɛ he. Nɔ nɛ yi nɔ́ saisaa a, lɛ hu e kɛ woɔ Nyɔmtsɛ ɔ hɛ mi nyami, nɛ lɛ hu e naa Mawu si.

1 Korintobi 10:31

Lɔ ɔ he ɔ, nɔ́ tsuaa nɔ́ nɛ nyɛ ngɛ pee ɔ, ní nyɛ ngɛ yee jio, ní nyɛ ngɛ nue jio, nyɛɛ pee lɛ tsuo kɛ wo Mawu hɛ mi nyami.

Mose V, 31:20

I ma kpaka mɛ kɛ ya zugba kpakpa nɛ baa ní saminya nɛ ɔ nɔ kaa bɔ nɛ i wo a nɛmɛ ɔmɛ si ɔ. A ma na niye ní bɔ nɛ a ngɛ hlae ngɛ lejɛ ɔ. A maa ye ní nɛ a maa tɔ, nɛ a ma na bua jɔmi. Se kɛ̃ ɔ, a maa je ye se kɛ ya ja mawu kpahi. A ma kua mi, nɛ a be somi nɛ i kɛ mɛ so ɔ nɔ yee,

Mose V, 8:9

Hwɔ be nyɛ yee, nɛ nɔ́ ko nɔ́ ko be nyɛ hiae. Tɛ nɛ ngɛ zugba a mi ɔ, dade ngɛ mi. Yo ɔmɛ a mi hu akɔblee ngɛ nɛ nyɛ ma nyɛ maa tsua.

1 Tesalonikabi 5:18

nyɛɛ na Mawu si ngɛ nɔ́ tsuaa nɔ́ he. Nyɛ nihi nɛ nyɛ ngɛ Kristo Yesu mi ɔ, enɛ ɔ ji nɔ́ nɛ Mawu suɔ kaa nyɛɛ pee.