Mose V, 8:1 - BAIBLO ALOO NGMAMI KLƆUKLƆU Ɔ

¹ “Nyɛɛ ye mlaa amɛ tsuo nɛ i ngɛ nyɛ woe mwɔnɛ ɔ a nɔ pɛpɛɛpɛ, konɛ nyɛ yi nɛ na wami, nɛ nyɛ he nɛ hiɛ, nɛ nyɛ ya ngɔ zugba a nɛ Yawɛ wo nyɛ nɛmɛ ɔmɛ si ke e ma ha mɛ ɔ.

Mose V, 8:1 ပူးပေါင်းရင်းမြစ်များ

Ezekiel 20:19

Imi ji Yawɛ, nyɛ Mawu ɔ nɛ. Nyɛɛ ye ye mlaa amɛ, kɛ blɔ nya tomi ɔmɛ a nɔ.

Mose V, 1:8

Zugba nɛ ɔ tsuo nɛ imi Yawɛ, i wo nyɛ nɛmɛ Abraham, Isak, kɛ Yakob si ke ma ngɔ ha mɛ, kɛ a nina a nɛ. Nyɛɛ ya nɛ nyɛ ya ngɔ zugba a tsuo kulaa.”

Mose V, 4:1

Jehanɛ Mose de Israel ma a ke, “Nyɛɛ bu mlaa amɛ nɛ ma tsɔɔ nyɛ ɔ tue, nɛ nyɛɛ ye a nɔ, konɛ nyɛ yi nɛ na wami, nɛ́ nyɛ ya ngɔ zugba a nɛ Yawɛ, nyɛ nɛmɛ a Mawu ɔ kɛ ngɛ nyɛ hae ɔ.

Mose V, 5:32

“Israel ma, i ngɛ nyɛ dee ke nyɛɛ hyɛ saminya, nɛ nyɛɛ ye nɔ́ tsuaa nɔ́ nɛ Yawɛ, nyɛ Mawu ɔ ngɛ nyɛ fae ke nyɛɛ pee ɔ nɔ. Nyɛ ko gbo e mlaa amɛ ekoeko tue.

Mose V, 5:33

Nyɛɛ ye nɔ́ nɛ Yawɛ fa nyɛ ɔ tsuo nɔ pɛpɛɛpɛ, konɛ nyɛɛ hi je mi, nɛ níhi a mi nɛ hi ha nyɛ; lɔ ɔ loko nyɛ se maa kɛ ngɛ zugba a nɛ nyɛ yaa ngɔ ɔ nɔ.

Mose V, 8:18

Nyɛ kai kaa Yawɛ, nyɛ Mawu ɔ ji nɔ nɛ haa nyɛ he wami nɛ nyɛ kɛ naa ní. E ngɛ enɛ ɔmɛ pee, ejakaa e ngɛ anɔkuale yee kɛ mwɔɔ ngɛ somi nɛ e kɛ nyɛ nɛmɛ ɔmɛ so ɔ he.