Mose V, 7:9 - BAIBLO ALOO NGMAMI KLƆUKLƆU Ɔ

⁹ Nyɛ na nɛ nyɛɛ le kaa Yawɛ, nyɛ Mawu ɔ, lɛ pɛ ji Mawu, nɛ e yeɔ anɔkuale. E maa ye e somi nɔ, nɛ e ma je e suɔmi nɛ ngɛ daa a kpo kɛ tsɔɔ yi nɔhi akpe abɔ nɛ suɔ lɛ, nɛ a yeɔ e mlaa amɛ a nɔ ɔ,

Mose V, 7:9 ပူးပေါင်းရင်းမြစ်များ

Mose I, 17:7

“Si nɛ i wo mo nɛ ɔ maa pee neneene somi; ma ye nɔ ha mo kɛ yaa si yi nɔhi nɛ maa ba ngɛ o se ɔ a nɔ. Ma pee o Mawu kɛ o nina hu a Mawu.

Mose I, 28:15

I kɛ mo maa hi si. He tsuaa he nɛ o yaa a, ma bu o he, nɛ ma kpale mo kɛ ba zugba nɛ ɔ nɔ ekohu. I be o he jee; ma pee níhi nɛ i wo mo a he si ɔ ha mo kokooko.”

Mose I, 9:15

ma kai si nɛ i wo nyɛɛ kɛ lohwe ɔmɛ tsuo kaa i kɛ nyu kpekpemi be níhi tsuo nɛ ngɛ hɛ ngmengmle a hɛ mi kpatae hu kɔkɔɔkɔ ɔ.

Matsɛmɛ I, 8:23

nɛ e sɔle ke, “Yawɛ, Israel Mawu lee, mawu ko mawu ko be hiɔwe, loo zugba nɛ ngɛ kaa mo! Somi nɛ o kɛ o ma a so ɔ, o yeɔ nɔ; nɛ ke a bu mo tue kɛ a tsui tsuo ɔ, o jeɔ o suɔmi nɛ se pui ɔ kpo ngɔ tsɔɔ mɛ.

Kronika I, 16:15

Nyɛ hɛ ko je Mawu somi ɔ nɔ gblegbleegble, somi nɛ ngɛ kɛ yaa neneene ɔ,

Kronika II, 6:14

E sɔle ke, “Yawɛ, Israel Mawu lee, mawu ko mawu ko be hiɔwe, loo zugba nɛ ngɛ kaa mo! Somi nɛ o kɛ o ma a so ɔ, o yeɔ nɔ; nɛ ke a bu mo tue kɛ a tsui tsuo ɔ, o jeɔ o suɔmi nɛ se pui ɔ kpo ngɔ tsɔɔ mɛ.

Nehemia 1:5

“Yawɛ Mawu nɛ ngɛ hiɔwe lee! O kle, nɛ o he ngɛ gbeye. O yeɔ anɔkuale, nɛ o yeɔ o siwo nɔ. Nihi nɛ suɔ mo, nɛ a peeɔ níhi nɛ o fa ke a pee ɔ, o naa mɛ mɔbɔ.

Nehemia 9:32

“Wa Mawu, mo Mawu kpetekpleenyɛ, mo nɛ o he ngɛ gbeye, nɛ o kɔni si wa. Moo lɛɛ o yeɔ o somi, kɛ si womi ɔmɛ a nɔ pɛpɛɛpɛ. Kɛ je benɛ Asiria matsɛmɛ ɔmɛ bɔni wɔ haomi kɛ ba su mwɔnɛ ɔ, moo hyɛ amanehlu sɔuu nɛ wa na! Wa matsɛmɛ ɔmɛ, wa ma nimeli ɔmɛ, wa osɔfo ɔmɛ, gbali ɔmɛ, wa nɛmɛ ɔmɛ, kɛ wa ma kpekpemi ɔ tsuo na nɔ́ tsɔ. Mo kai wɔ, ejakaa wa we amanehlu ɔ hiɛ tsɔ!

La 103:18

kɛ jehanɛ hu nihi tsuo nɛ yeɔ e somi ɔ nɔ, kɛ ni nɛmɛ nɛ yeɔ e mlaa amɛ a nɔ sisiisi ɔ.

La 105:8

E kaiɔ e somi ɔ daa. Si ko nɛ e wo ɔ, e yeɔ nɔ yi nɔhi tsuo.

La 119:75

Yawɛ, i le kaa o ye dami sane, nɛ o gbla ye tue bɔ nɛ sa mi, ejakaa moo lɛɛ anɔkuale pɛ o yeɔ.

La 146:6

Mawu nɛ pee hiɔwe, zugba, wo, kɛ a mi níhi tsuo, nɛ e yeɔ e siwo nɔ daa.

La 36:6

O kpakpa peemi ɔ kle kaa yo nguangua amɛ; o dami sane yemi mi kuɔ kaa wo. Yawɛ, mo lɛ o baa nimli, kɛ lohwehi tsuo a yi.

Mose II, 20:6

Se nihi akpe abɔ nɛ suɔ mi, nɛ a yeɔ ye mlaa amɛ a nɔ ɔ, mɛɛ i naa mɛ mɔbɔ.

Yesaya 49:7

Nɔ nɛ a gbe e he guɛ wawɛɛ, nɛ je ma amɛ sume e sane saasaa a, nɔ yeli ɔmɛ a tsɔlɔ ɔ, bɔ nɛ Israel yi wami helɔ, kɛ Israel Mawu Klɔuklɔu ɔ ngɛ dee ngɛ e he ji nɛ ɔ nɛ: “Matsɛmɛ maa na mo, nɛ a maa te si ha mo; ganɔhi maa na, nɛ a ma kpla si ha mo kɛ wo o hɛ mi nyami.” Nɔ́ nɛ ɔ maa ba mi, ejakaa Yawɛ nitsɛ lɛ hla e tsɔlɔ ɔ nɛ; Israel Mawu klɔuklɔu ɔ yeɔ e siwo nɔ sisiisi.

Yeremia 32:18

O jeɔ o suɔmi nɛ se pui gblegbleegble ɔ ngɔ tsɔɔ ni akpeakpe. Se kɛ̃ ɔ, o kɛ tsɛmɛ a tɔmi gblaa bimɛ a tue. Mawu nɛ kle, nɛ ngɛ he wami ji mo; o biɛ ji Yawɛ Tabohiatsɛ.

Kɔmɔ Yemi 3:23

Ní nɛ ɔmɛ peeɔ ehe daa mɔtu. Yawɛ we anɔkuale yemi ɔ kle.

Daniel 9:4

I fa kue ha Yawɛ, ye Mawu ɔ, nɛ i jaje ye ma a he yayami. I de ke, “Nyɔmtsɛ Mawu, o kle agbo, nɛ o he ngɛ gbeye. O yeɔ o siwo nɔ, nɛ o naa nihi nɛ suɔ mo, nɛ yeɔ o mlaa amɛ a nɔ ɔ mɔbɔ.

Mose IV, 14:18

‘Imi, Yawɛ, ye mi mi fu we mla, nɛ ye mɔbɔ nami hiɛ babauu; i ngɔɔ tɔmi kɛ yayami ngɔ paa. Se kɛ̃, i ha we nɛ yayami peeli yeɔ a he; mohu i kɛ tsɛmɛ a tɔmihi a he hiɔwo ɔ gblaa bimɛ kɛ bibimɛ a tue hluu kɛ ya siɔ yi nɔ etɛne, kɛ eywiɛne bi a nɔ.’

Romabi 8:28

Wa le kaa nɔ́ tsuaa nɔ́ mi ɔ, Mawu piɛɔ nihi nɛ suɔ lɛ ɔ a he, konɛ e hi ha mɛ. Nimli nɛ ɔmɛ ɔ, Mawu nitsɛ nɛ to e yi mi, nɛ e tsɛ mɛ.

1 Korintobi 1:9

Mawu, nɔ nɛ kpee nyɛ ke nyɛɛ kɛ e Bi Yesu Kristo, wa Nyɔmtsɛ ɔ ba bɔ huɛ ɔ, anɔkualetsɛ ji lɛ.

1 Korintobi 10:3

Mɛ tsuo a ye mumi mi ní kake,

1 Korintobi 8:3

Se nɔmlɔ nɛ suɔ Mawu ɔ, Mawu le lɛ.

2 Korintobi 1:18

Mawu yeɔ anɔkuale, lɔ ɔ he ɔ, nɔ́ nɛ wa de nyɛ ɔ, pi “Ee” kɛ “Dɛbi” nɛ a deɔ be kake too ji lɔ ɔ.

Mose V, 32:39

“Nyɛ na nɛ nyɛɛ le kaa, ‘Imi nɔ kake too ji Mawu; ye se ɔ, mawu ko mawu ko be! Imi nɛ i gbee nɔ, imi kɛ̃ nɛ i haa nɔ wami; imi nɛ i plaa nɔ, nɛ imi nɛ i tsaa nɔ. Nɔ ko nɔ ko be nɛ maa tsi ye nya.

Mose V, 32:4

“Yawɛ ji nyɛ yi baalɔ nɛ se be; e hi kɛ pi si, nɛ e da ngɛ blɔ tsuaa blɔ nɔ. Nyɛ Mawu ɔ yeɔ e siwo nɔ; yayami ko be e he; nɔ́ nɛ da, kɛ nɔ́ nɛ sa pɛ e peeɔ.

Mose V, 4:35

Nyɛɛ lɛɛ Yawɛ ha nyɛ na ní nɛ ɔmɛ kɛ tsɔɔ nyɛ kaa Yawɛ ɔ, lɛ nɔ kake pɛ ji Mawu; nɛ nɔ ko nɔ ko be hu, ja lɛ pɛ.

Mose V, 4:39

Lɔ ɔ he ɔ, mwɔnɛ ɔ, nyɛ na nyɛɛ le, nɛ nyɛ hɛ ko je nɔ gblegbleegble kaa Yawɛ ji Mawu ngɛ hiɔwe kɛ zugba; e se ɔ, nɔ ko be.

Mose V, 5:10

se nihi akpe abɔ nɛ suɔ mi, nɛ a yeɔ ye mlaa amɛ a nɔ ɔ, mɛɛ lɛɛ i naa mɛ mɔbɔ.

1 Tesalonikabi 5:24

Nɔ nɛ tsɛ nyɛ ɔ, anɔkualetsɛ ji lɛ; nɛ e maa pee hulɔ.

2 Tesalonikabi 3:3

Se Nyɔmtsɛ ɔ yeɔ anɔkuale. E maa wo nyɛ he wami, nɛ e maa bu nyɛ he, nɛ dikalɔ ɔ be nyɛe maa pee nyɛ nɔ́ ko.

2 Timoteo 2:13

Ke wa yi anɔkuale ɔ, lɛɛ anɔkuale pɛ e yeɔ daa, ejakaa e be nyɛe maa ye lakpa kɛ si lɛ nitsɛ e he.”

Tito 1:2

Wa ngɛ hɛ kɛ nɔ fɔmi kaa enɛ ɔ ma ha wɔ neneene wami. Mawu nɛ yi lakpa a wo si kaa e ma ha wɔ kikɛmɛ a neneene wami nɛ ɔ be nɛ a na we nɛ a bɔ nɔ́ ko nɔ́ ko.

Hebribi 10:23

Nɔ́ nɛ wa ngɔ wa hɛ ngɔ fɔ nɔ, nɛ wa yeɔ he odase ɔ, nyɛ ha waa pɛtɛ he nɛ wa nɛ wa ko mimiɛ, ejakaa Mawu nɛ wo si ɔ, anɔkualetsɛ ji lɛ.

Hebribi 11:11

Hemi kɛ yemi lɛ ha Abraham na he wami nɛ a kɛ fɔɔ bi be mi nɛ e bwɔ, nɛ Sara nitsɛ hu pee yosa, ejakaa e bu nɔ nɛ wo lɛ si ɔ anɔkualetsɛ.

Hebribi 6:18

E tsɔɔ kaa nɔ́ enyɔ nɛ ɔmɛ be tsakee gblegbleegble, nɛ Mawu hu be a he lakpa yee. Kɛkɛ ɔ, kɛ gu a nɔ ɔ, wɔ nihi nɛ wa ba sa we ngɛ Mawu ngɔ ɔ, e maa wo wɔ he wami, konɛ waa pɛtɛ nɔ́ nɛ wa ngɔ wa hɛ ngɔ fɔ nɔ ɔ he nɛ wa.

Yakobo 1:12

Nɔ nɛ ke a ngɛ lɛ kae ɔ, e toɔ e tsui si, nɛ e ngmɛɛ we e hemi kɛ yemi he ɔ, á gbaa lɛ. Ejakaa ke e nyɛ gblee ka a mi ɔ, neneene wami nɛ Mawu wo si kaa a ma ha nihi nɛ suɔ lɛ ɔ, e nine maa su nɔ.

1 Yohane 1:9

Se ke wa jaje wa he yayami ɔmɛ ha Mawu ɔ, e maa ye e siwo ɔ nɔ, nɛ e maa pee bɔ nɛ sa. E kɛ wa he yayami ɔmɛ maa pa wɔ; e maa tsu wa he, nɛ e ma je ní yayahi nɛ wa pee ɔ tsuo.

Manyadali 2:1

Yawɛ bɔfo ɔ je Gilgal kɛ ba Bokim, nɛ e ba de Israel ma a ke, “I je nyɛ kɛ je Egipt, nɛ i kɛ nyɛ ba zugba nɛ i wo nyɛ nɛmɛ ɔmɛ si ke ma ha mɛ ɔ nɔ. I de ke, ‘Somi nɛ i kɛ nyɛ so ɔ, i be se jee gblegbleegble.

Manyadali 5:31

Yawɛ, ha o he nyɛli ɔmɛ tsuo a hɛ mi nɛ kpata kaa kikɛ nɛ ɔ. Se o huɛmɛ ɔmɛ lɛɛ ha nɛ a pee kaa pu nɛ ngɛ si tee kɛ he wami! Nɛ zugba a nɔ jɔ jeha nyingmi eywiɛ.