Mose V, 7:8 - BAIBLO ALOO NGMAMI KLƆUKLƆU Ɔ

⁸ Suɔmi mohu Yawɛ suɔ nyɛ; nɛ kita nɛ e ka nyɛ nɛmɛ ɔmɛ ɔ, e suɔ kaa e maa ye nɔ. Enɛ ɔ he je nɛ Yawɛ kɛ kɔni si wami je nyɛ, nɛ e kpɔ̃ nyɛ kɛ je nyɔguɛ yemi mi kɛ je Egipt matsɛ ɔ dɛ mi ɔ nɛ.

Mose V, 7:8 ပူးပေါင်းရင်းမြစ်များ

Mose I, 19:16

Lot bɔni tsle tomi. Se akɛnɛ Yawɛ na lɛ mɔbɔ he je ɔ, nyumu ɔmɛ ya nu e kɛ e yo ɔ, kɛ e biyi ɔmɛ a nine si pani nya, nɛ a gbla mɛ kɛ je ma a mi.

Mose I, 19:29

Lɔ ɔ he ɔ, benɛ Mawu kpata ma amɛ nɛ ngɛ kɔ̃ ɔ mi ɔ a hɛ mi ɔ, e kai Abraham, nɛ e ha nɛ Lot tu fo kɛ je ma amɛ a mi he nɛ e ngɛ ɔ, nɛ e kɛ he e yi wami.

Samuel II, 22:20

E je mi kɛ je amanehlu mi. E he ye yi wami, ejakaa e suɔ mi.

Matsɛmɛ I, 10:9

Yawɛ, o Mawu ɔ nɛ ná o he bua jɔmi, nɛ e wo mo Israel nɔ matsɛ ɔ, a je e yi. Akɛnɛ suɔmi nɛ Yawɛ suɔ Israel ɔ ngɛ kɛ yaa neneene he je ɔ, e wo mo tsɛ, konɛ o kojo, nɛ o ye dami sane.”

Kronika I, 16:16

somi nɛ e kɛ Abraham so, kɛ si nɛ e wo Isak ɔ.

Kronika II, 9:8

Yawɛ, o Mawu ɔ nɛ na o he bua jɔmi nɛ e ngɔ mo ngɔ hi e sɛ ɔ nɔ, konɛ o ye matsɛ ngɛ e biɛ mi ɔ, a je e yi. Akɛnɛ o Mawu ɔ suɔ Israel, nɛ e suɔ kaa ma a nɛ hi si kɛ ya neneene he je ɔ, e wo mo tsɛ ngɛ a nɔ, konɛ o kojo, nɛ o ye dami sane.”

La 105:42

E kai e tsɔlɔ Abraham, kɛ si nɛ e wo lɛ ɔ.

La 44:3

Ejakaa pi a klaate nɛ a kɛ ngɔ zugba a; pi a he wami nya nɛ a ye kunimi ɔ, se o he wami, kɛ o mɔbɔ nami nya; ejakaa o ngɛ o ma a he bua jɔmi.

La 44:4

Mo ji ye matsɛ kɛ ye Mawu; mo lɛ o haa nɛ o ma a yeɔ kunimi.

Mose II, 13:14

Hwɔɔ se ke nɔ ko binyumu bi lɛ ke mɛni ji kusumi nɛ ɔ sisi ɔ, e de lɛ ke, ‘Yawɛ kɛ he wami kpetekpleenyɛ je wɔ kɛ je nyɔguɛ yemi sisi ngɛ Egipt.

Mose II, 13:3

Mose de ma a ke, “Nyɛ kai kikɛmɛ a ligbi nɛ ɔ nɛ nyɛ hia kɛ je Egipt, kɛ je nyɔguɛ yemi sisi ɔ. Ligbi nɛ ɔ nɛ Yawɛ kɛ he wami kpetekpleenyɛ je nyɛ kɛ je lejɛ ɔ nɛ. Nyɛ ko ye masa ní ngɛ ligbi nɛ ɔ nɔ.

Mose II, 20:2

“Imi ji Yawɛ, o Mawu ɔ nɛ je mo kɛ je Egipt zugba a nɔ kɛ je nyɔguɛ yemi mi ɔ nɛ.

Mose II, 32:13

Mo kai o tsɔli Abraham, Isak, kɛ Yakob. Mo kai mo nitsɛ o kita nɛ o ka ke, ‘Ma ha nɛ nyɛ nina maa hiɛ babauu kaa hiɔwe dodoehi, nɛ ma ngɔ zugba nɛ ɔ tsuo nɛ i wo nyɛ e he si ɔ kɛ ha mɛ, nɛ e maa pee a nɔ kɛ ya neneene ɔ.’ ”

Mose II, 6:6

Lɔ ɔ he ɔ, yaa nɛ o ya de Israel bi ɔmɛ ke, ‘Imi ji Yawɛ; ma je Egipt bi ɔmɛ a tlomi ɔmɛ kɛ je nyɛ nɔ, nɛ ma kpɔ nyɛ kɛ je a nyɔguɛ yemi ɔ sisi. Ma kpã ye nine mi kɛ he wami, nɛ ma ye dami sane ha nyɛ, nɛ ma kɛ kpɔ nyɛ.

Yesaya 43:4

Akɛnɛ o he jua wa ha mi, akɛnɛ o hɛ mi ba nyami, nɛ i suɔ mo he je ɔ, ma ngmɛɛ je mahi kɛ a mi bi ɔmɛ a he ngɔ ha, konɛ ma he o yi wami.

Yesaya 63:9

kɛ je a haomi tsuo kulaa mi. Pi bɔfo ko nɛ e tsɔ, se lɛ nitsɛ lɛ e he a yi wami. E suɔmi, kɛ e mɔbɔ nami he je ɔ, e kpɔ mɛ, nɛ e hɛɛ mɛ saminya ngɛ blema be ɔmɛ tsuo a mi.

Yeremia 31:3

i je ye he kpo ngɔ tsɔɔ mɛ ngɛ tsitsaa lokoo. Israel ma, kɛ je blema lɛ i je suɔmi nɛ nya wa kpo kɛ tsɔɔ nyɛ. Nɛ kɛ ba si piɔ hu jamɛ a suɔmi ɔ ngɛ; e se pui.

Ezekiel 36:22

“Lɔ ɔ he ɔ, de Israel bi ɔmɛ ke bɔ nɛ imi Nyɔmtsɛ Yawɛ i ngɛ dee ji nɛ ɔ nɛ: Nɔ́ nɛ i yaa pee nɛ ɔ, pi nyɛ Israel bi ɔmɛ nyɛ he, se mohu ye biɛ klɔuklɔu ɔ nɛ nyɛ ble ngɛ ma amɛ a mi he nɛ nyɛ ya a, lɔ ɔ he je.

Mika 6:4

I je nyɛ kɛ je Egipt zugba a nɔ; i je nyɛ kɛ je nyɔguɛ si himi mi; i tsɔ Mose, Aaron, kɛ Miriam nɛ a ya kpaka nyɛ kɛ ba.

Mika 7:20

Wɔ o ma, Abraham kɛ Yakob a nina a, o maa gbaa wɔ, nɛ o maa na wɔ mɔbɔ daa kaa bɔ nɛ o wo wa nɛmɛ ɔmɛ si blema lokoo ɔ.

Zefania 3:17

Yawɛ, nyɛ Mawu ɔ ngɛ nyɛ kpɛti; e he wami ɔ ma ha nɛ nyɛ maa ye kunimi. Yawɛ ma na nyɛ he bua jɔmi; e maa suɔ nyɛ sane, nɛ e ma ha nyɛ wami he. E ma la, nɛ e ma na nyɛ he bua jɔmi

Malaki 1:2

Bɔ nɛ Yawɛ ngɛ e ma a dee ji nɛ ɔ nɛ: “I suɔ nyɛ sane saminya.” Se a bi lɛ ke, “Mɛni lɛ o peeɔ kɛ tsɔɔ kaa o suɔ wɔ?” Yawɛ he nɔ ke, “Anɛ Esau kɛ Yakob ɔ, pi nyɛmimɛ ji mɛ lo? Se kɛ̃ ɔ, i je suɔmi kpo kɛ tsɔɔ Yakob kɛ e nina,

Mateo 11:26

Ee, Tsaatsɛ, bɔ nɛ o suɔ kaa e ba mi ji nɛ ɔ nɛ.

Luka 1:55

E kai Abraham, nɛ e na lɛ, kɛ e nina tsuo mɔbɔ kɛ yaa neneene!”

Romabi 11:28

Ngɛ sane kpakpa a blɔ fa mi ɔ, nyɛ he ɔ, Yuda bi ɔmɛ peeɔ Mawu he nyɛli. Se akɛnɛ e hla a nɛmɛ ɔmɛ momo he je ɔ, Mawu suɔ mɛ.

Mose V, 1:8

Zugba nɛ ɔ tsuo nɛ imi Yawɛ, i wo nyɛ nɛmɛ Abraham, Isak, kɛ Yakob si ke ma ngɔ ha mɛ, kɛ a nina a nɛ. Nyɛɛ ya nɛ nyɛ ya ngɔ zugba a tsuo kulaa.”

Mose V, 10:15

Se akɛnɛ suɔmi nɛ Yawɛ ngɛ kɛ ha nyɛ nɛmɛ ɔmɛ nya wa wawɛɛ he je ɔ, e hla nyɛ nɛ ji a nina a mohu ngɛ je ma kpa amɛ a mi; nɛ kɛ ba si mwɔnɛ ɔ hu, nyɛ ji e ma nɛ e hla.

Mose V, 23:6

Lɔ ɔ he ɔ, ligbi abɔ nɛ o ngɛ je mi nɛ ɔ, koo piɛ a he kɛ tsu nɔ́ ko nɔ́ ko nɛ ma ha nɛ a ma na a he, loo a ma plɔke.

Mose V, 33:3

Yawɛ suɔ e ma a; nihi nɛ ji e ni klɔuklɔu ɔmɛ ɔ, e baa a yi. Lɔ ɔ he ɔ, wa kplaa si ngɛ e nane nya; wa jaa lɛ, nɛ wa yeɔ e mlaa amɛ a nɔ.

Mose V, 4:20

Se nyɛɛ lɛɛ, Yawɛ kpɔ̃ nyɛ kɛ je Egipt yi mi wami wawɛɛ ɔ sisi. E je nyɛ konɛ e pee nyɛ lɛ nitsɛ e ma kulaa, kaa bɔ nɛ nyɛ ji mwɔnɛ nɛ ɔ.

Mose V, 4:34

Anɛ mawu ko ka hyɛ kaa e ma ya je je ma ko kɛ je je ma kpa ko mi kɛ pee lɛ nitsɛ e ma, kaa bɔ nɛ Yawɛ, nyɛ Mawu ɔ pee ha nyɛ ngɛ Egipt ɔ lo? Nyɛ nitsɛmɛ nyɛ na kɛ nyɛ hɛngmɛ, bɔ nɛ e je e he wami, kɛ e nyɛmi kpetekpleenyɛ ɔ kpo; e kɛ gbenɔ hiɔhi, kɛ ta ba; e pee okadihi, kɛ nyakpɛ níhi; nɛ e ha gbeye ní nguanguahi ba.

Mose V, 4:37

Akɛnɛ e suɔ nyɛ nɛmɛ ɔmɛ he je ɔ, e hla nyɛ, nɛ lɛ nitsɛ e kɛ e he wami kpetekpleenyɛ ɔ je nyɛ kɛ je Egipt.

Mose V, 5:6

Nɔ́ nɛ Yawɛ de ji nɛ ɔ nɛ: ‘Imi ji Yawɛ, o Mawu ɔ nɛ je mo kɛ je Egipt zugba a nɔ, kɛ je nyɔguɛ yemi mi ɔ nɛ.

1 Yohane 4:19

Wa suɔ Mawu, ejakaa lɛ nɛ suɔ wɔ kekle.

Samuel I, 12:22

Yawɛ be e ma nɛ e hla a he ngmɛɛe. Ke e pee ja pɛ kɛkɛ e biɛ kpetekpleenyɛ ɔ puɛ; ejakaa e sa e hɛ mi kaa e kɛ nyɛ maa pee lɛ nitsɛ e ma.