Mose V, 7:5 - BAIBLO ALOO NGMAMI KLƆUKLƆU Ɔ

⁵ Bɔ nɛ nyɛɛ pee mohu ji kaa nyɛɛ ku a bɔ sami la tɛ ɔmɛ; nyɛɛ ywia mɛ dukuduku, nɛ nyɛɛ ywia a yo mawu nɛ a tsɛɛ Ashera a we amaga a, nɛ nyɛɛ sã wɔ ɔmɛ.

Mose V, 7:5 ပူးပေါင်းရင်းမြစ်များ

Mose II, 23:24

Ko kpla si ha a mawu ɔmɛ; ko ja mɛ, nɛ a jami kusumi ní ɔmɛ hu koo pee. Se mohu, o ywia a mawu ɔmɛ, nɛ o ku a wɔ titima amɛ dukuduku kɛ pue si.

Mose II, 34:13

Dɛbi, nyɛɛ hule a bɔ sami la tɛ ɔmɛ; nyɛɛ gbɛ a wɔ piɛ ɔmɛ, nɛ nyɛɛ ywia a yo wɔ ɔ nɛ a tsɛɛ lɛ Ashera a we amaga amɛ.

Mose V, 16:22

Jehanɛ hu, nyɛ ko ngɔ tɛ kɛ ma si nɛ nyɛ ja; Yawɛ, nyɛ Mawu ɔ hiɔ ní nɛ ɔmɛ.

Mose V, 9:21

Jehanɛ, jamɛ a nɔ́ yaya a nɛ nyɛ sɔ̃, nɛ ji na bi ɔ, i ngɔ, nɛ i sã ngɛ la mi. Lɔ ɔ se ɔ, i ywia lɛ wɔtsɔwɔtsɔ nɛ i wɛɛ lɛ bɔdɔbɔdɔ; e pee kaa tabo zu, nɛ i ya hɛ lɛ ngɔ pue pa a nɛ je yo ɔ nɔ kɛ ngɛ bee ɔ mi.

Mose V, 7:25

Nyɛɛ sã a we amaga amɛ. Nyɛ hɛ ko kɔ̃ a sika hiɔ, loo sika tsu nɔ; nyɛ ko ngɔ ekoeko. Ke nyɛ ngɔ eko ɔ, e maa pee gbenɔ ha nyɛ; ejakaa Yawɛ, nyɛ Mawu ɔ sume amaga jami.

Mose III, 26:1

Yawɛ de ke, “Nyɛ ko puɛ amagahi, nɛ nyɛ ko pee tɛ amagahi, loo titimahi kɛ ma si; nyɛ ko ja mɛ hulɔ; ejakaa imi ji Yawɛ, nyɛ Mawu ɔ nɛ.

Mose II, 32:20

E wo na bi ɔ nɛ a pee ɔ, nɛ e mɛ he la, nɛ e sile. Lɔ ɔ se ɔ, e wɛɛ lɛ nɛ e pee mamu bukɔbukɔ, nɛ e ngɔ fĩa nyu hɛ mi, nɛ e ngɔ ha Israel bi ɔmɛ nɛ a nu.

Mose IV, 33:52

nyɛɛ fie zugba a nɔ bi ɔmɛ tsuo kɛ je lejɛ ɔ. Nyɛɛ ywia a we amaga amɛ tsuo nɛ a ngɔ tɛ, loo nɔ́ ko nɛ a sile kɛ pee ɔ; a jami he ɔmɛ hu nyɛɛ gbɛ mɛ.

Mose V, 16:21

“Ke nyɛ ma bɔ sami la tɛ ha Yawɛ, nyɛ Mawu ɔ, nyɛ ko ngɔ yo Ashera a mawu we amaga nɛ a kɛ tso kpɛ kɛ ma e kasa nya.

Kronika II, 14:3

E jé ma se bɔ sami la tɛ ɔmɛ. E gbɛ jami he ɔmɛ; e ku amaga amɛ, kɛ amaga a nɛ a puɛ ha yo mawu ɔ nɛ a tsɛɛ Ashera a.

Yesaya 17:8

Jehanɛ lɛɛ bɔ sami la tɛhi nɛ mɛ nitsɛmɛ a puɛ ɔ, a be mɛ bue hu. Níhi nɛ a kɛ a nine pee, amagahi nɛ a puɛ ha yo mawu nɛ a tsɛɛ Ashera a, kɛ la tɛhi nɛ a sãã tsopa kɛ e he via ngɛ a nɔ ɔ, a be mɛ hu bue.

Matsɛmɛ II, 10:26

nɛ a ya muɔ amagahi nɛ ngɛ lejɛ ɔ, nɛ a sã mɛ.

Kronika I, 14:12

Filisti bi ɔmɛ tu fo kɛ je a mawu ɔmɛ a he, nɛ David ha nɛ a sã mɛ.