Mose V, 7:25 - BAIBLO ALOO NGMAMI KLƆUKLƆU Ɔ

²⁵ Nyɛɛ sã a we amaga amɛ. Nyɛ hɛ ko kɔ̃ a sika hiɔ, loo sika tsu nɔ; nyɛ ko ngɔ ekoeko. Ke nyɛ ngɔ eko ɔ, e maa pee gbenɔ ha nyɛ; ejakaa Yawɛ, nyɛ Mawu ɔ sume amaga jami.

Mose V, 7:25 ပူးပေါင်းရင်းမြစ်များ

Matsɛmɛ II, 23:14

Matsɛ Yosia ywia tɛ titimahi, kɛ amagahi nɛ a puɛ ha yo mawu Ashera a dukuduku; nɛ e ya muɔ nimli a wuhi kɛ ba pue a ma he ɔmɛ.

Kronika I, 14:12

Filisti bi ɔmɛ tu fo kɛ je a mawu ɔmɛ a he, nɛ David ha nɛ a sã mɛ.

Mose II, 20:17

“O hɛ ko kɔ o nyɛmi we nɔ; o hɛ ko kɔ o nyɛmi e yo, aloo e tsɔlɔ nyumu, aloo e mawayo, aloo e na, aloo e teji, aloo e nɔ́ kpa ko nɔ.”

Mose II, 32:20

E wo na bi ɔ nɛ a pee ɔ, nɛ e mɛ he la, nɛ e sile. Lɔ ɔ se ɔ, e wɛɛ lɛ nɛ e pee mamu bukɔbukɔ, nɛ e ngɔ fĩa nyu hɛ mi, nɛ e ngɔ ha Israel bi ɔmɛ nɛ a nu.

Mose II, 8:26

Se Mose de Farao ɔ ke, “E be dae kaa waa pee ja, ejakaa níhi nɛ waa kɛ maa sã bɔ ha Yawɛ, wa Mawu ɔ, Egipt bi hiɔ. Ke wa ngɔ Egipt bi ɔmɛ a kɔ níhi kɛ sã bɔ ngɛ a hɛ mi ɔ nɛɛ, a be wɔ tɛ fiae lo?

Yesaya 30:22

Nyɛ ma ble nyɛ we amaga amɛ; amagahi nɛ a ngɔ sika hiɔ kɛ ha a he, kɛ ní nɛmɛ nɛ a ngɔ sika tsu kɛ ha a he ɔ tsuo. Nyɛ maa hɛ mɛ kɛ fɔ he kaa ní komɛ nɛ a he tsɔ we; nyɛ ma de mɛ ke, “Nyɛɛ ho!”

Yesaya 41:24

Nyɛɛ hyɛ, nyɛ pi nɔ́ ko nɔ́ ko kulaa, nɛ nyɛ ní tsumi hu nɔ ko bui fɛɛ; nihi nɛ jaa nyɛ ɔ, nimli guhi ji mɛ; a ngɛ kaa nyɛ kɛ̃.

Mose III, 13:52

Osɔfo ɔ nɛ sã he hami nɔ́ ɔ. Hiɔ yaya ji nɔ́ nɛ sɛ nɔ́ ɔ mi ɔ nɛ; e hia kaa a sã.

Mose III, 19:4

“Nyɛ ko je ye se nɛ nyɛ ya ja amagahi; nɛ nyɛ ko pee dade mawuhi ha nyɛ he. Imi ji Yawɛ, nyɛ Mawu ɔ nɛ.

Zefania 1:3

nimli adesahi, pu mi lohwehi, lohwe pɛlitsɛmɛ, lohi, kɛ yiwutsotsɛmɛ tsuo pɛpɛɛpɛ. Ma kpata nimli adesahi tsuo kulaa a hɛ mi, nɛ nɔ kake ngmelu po be piɛe. Imi, Yawɛ lɛ i de.

Mose V, 12:3

Nyɛɛ ku a bɔ sami la tɛ ɔmɛ, nɛ nyɛɛ ywia a wɔ titima amɛ wɔtsɔwɔtsɔ. Nyɛɛ sã a yo wɔ Ashera a, nɛ nyɛɛ poo a mawu ɔmɛ a we amaga amɛ pue he. Nyɛ kpata a hɛ mi pɛsɛpɛsɛ, konɛ a ko ja mɛ ngɛ lejɛ ɔmɛ hu.

Mose V, 13:16

Nyɛ bua ma a mi bi ɔmɛ a níhi nɛ a ngɛ ɔ tsuo a nya glekugleku ngɛ ma nɔ. Jehanɛ, nyɛɛ sã ma a, kɛ nɔ́ tsuaa nɔ́ nɛ ngɛ mi ɔ kaa sami bɔ kɛ ha Yawɛ, nyɛ Mawu ɔ. Ma a nɛ pee ma doku, nɛ e ko bɔ hu gblegbleegble.

Mose V, 17:1

“Nyɛ ko ngɔ na, loo to nɛ kpa, loo nɔ́ ko yayami ngɛ e he kɛ sã bɔ ha Yawɛ, nyɛ Mawu ɔ; Yawɛ hiɔ jamɛ a bɔ.

Mose V, 23:18

Jehanɛ hu, hiɔ nɛ a woɔ yaholɔ, loo nyumu nɛ e kɛ e nyɛmi nyumu hwɔɔ ɔ, a ko ngɔ kɛ ba Yawɛ hɛ mi kaa siwo nɔ yemi bɔ. Yawɛ hiee nihi nɛ tsuɔ ní nɛ ɔmɛ.

Mose V, 27:15

“ ‘Mawu maa gbiɛ nɔ tsuaa nɔ nɛ ngɔɔ tɛ, loo tso, loo dade kɛ peeɔ amaga ko, nɛ e jaa lɛ ngɛ laami mi. Yawɛ hiɔ wɔ jami.’ Ma a tsuo ma he nɔ ke, ‘Amen!’

Mose V, 7:16

Ma tsuaa ma nɛ Yawɛ, nyɛ Mawu ɔ ma je ngɔ wo nyɛ dɛ ɔ, nyɛ kpata a hɛ mi; nyɛ ko na mɛ mɔbɔ. Nyɛ ko ja a mawu ɔmɛ. Ke nyɛ pee ja a, nyɛ hɛ mi ma kpata.

Mose V, 7:5

Bɔ nɛ nyɛɛ pee mohu ji kaa nyɛɛ ku a bɔ sami la tɛ ɔmɛ; nyɛɛ ywia mɛ dukuduku, nɛ nyɛɛ ywia a yo mawu nɛ a tsɛɛ Ashera a we amaga a, nɛ nyɛɛ sã wɔ ɔmɛ.

Yoshua 7:1

Yawɛ wo Israel bi ɔmɛ mlaa ke níhi nɛ a ma ya na ngɛ Yeriko, nɛ ji níhi nɛ a ma kpata a hɛ mi ɔ, a ti nɔ ko kó ta eko he, se a tɔ mlaa a. Nɔ ko nɛ a tsɛɛ lɛ Akan ɔ ya ngɔ ní ɔmɛ ekomɛ, nɛ lɔ ɔ he ɔ, Yawɛ mi mi fu Israel bi ɔmɛ wawɛɛ. Akan tsɛ ji Karmi, nɛ e nɛ̃ ji Zabdi. E je Zera we puɔ nya, ngɛ Yuda wɛtso ɔ mi.

Yoshua 7:21

i na Babilonia bo kpakpa ko, kɛ sika hiɔ kilo enyɔ, kɛ sika tsu kpɔ kake nɛ ngmɛɛ kilo fa ngɛ ta yibu ní ɔmɛ a mi; ye hɛ kɔ ní ɔmɛ a nɔ, nɛ i muɔ mɛ. I pu mɛ ngɛ ye bo tsu ɔ mi, nɛ sika hiɔ ɔ ngɛ ní ɔmɛ a sisi.”

Kpojemi 17:5

A ngma biɛ ko nɛ ji laami sane ngɛ e hɛ nya ke, “Babilon kpetekpleenyɛ, ajuamahi a nyɛ, kɛ níhi nɛ a hiee tsuo a je he.”