Mose V, 7:16 - BAIBLO ALOO NGMAMI KLƆUKLƆU Ɔ

¹⁶ Ma tsuaa ma nɛ Yawɛ, nyɛ Mawu ɔ ma je ngɔ wo nyɛ dɛ ɔ, nyɛ kpata a hɛ mi; nyɛ ko na mɛ mɔbɔ. Nyɛ ko ja a mawu ɔmɛ. Ke nyɛ pee ja a, nyɛ hɛ mi ma kpata.

Mose V, 7:16 ပူးပေါင်းရင်းမြစ်များ

La 106:34

A kpataa we je ma amɛ a hɛ mi kaa bɔ nɛ Yawɛ fa mɛ ke a pee ɔ.

La 106:36

A sɔmɔ a we amaga amɛ, nɛ enɛ ɔ ha nɛ a kpa Mawu se nyɛɛmi.

Mose II, 23:33

Ko ha nɛ a hi o zugba a nɔ; ke o pee ja a, a ma ha nɛ o maa pee yayami kɛ si mi; ejakaa ke o ya sɔmɔ a mawu ɔmɛ pɛ kɛkɛ lɔ ɔ plɛ pee klama nɛ a tsɔ mo.”

Yeremia 21:7

Se mo, Yuda matsɛ, Zedekia! Mo, kɛ o tsɔli ɔmɛ, kɛ nihi tsuo nɛ a yi ma na wami ngɛ ta, kɛ hwɔ, kɛ gbenɔ hiɔ ɔ se ɔ, nyɛɛ lɛɛ ma ngɔ nyɛ kɛ wo Babilonia matsɛ, Nebukadnezar, kɛ nyɛ he nyɛli ɔmɛ nɛ ngɛ nyɛ hlae nɛ a gbe ɔ a dɛ mi. Nebukadnezar ma kpata nyɛ tsuo pɛpɛɛpɛ nyɛ hɛ mi. E be nyɛ ti nɔ ko nɔ ko he ngmɛɛe, nɛ e be nɔ ko nɔ ko mɔbɔ nae. Imi, Yawɛ lɛ i de.”

Mose IV, 33:55

Se ke nyɛ fie we zugba a nɔ bi ɔmɛ kɛ ji zugba a nɔ ɔ, lɛɛ ni nɛmɛ nɛ maa tlɔ si ɔ maa pee kaa zezle mio nɛ gbɔ nyɛ hɛngmɛ mi, loo ha tso mio nɛ gbɔ nyɛ kasa nya; a maa hao nyɛ ngɛ zugba a nɔ he nɛ nyɛ ngɛ ɔ.

1 Korintobi 15:33

Nyɛ ko ha nɛ a sisi nyɛ. “Huɛ yaya bɔmi puɛɔ je mi bami kpakpa.”

Mose V, 13:8

Koo kplɛɛ, nɛ koo bu lɛ tue tete po. Koo na lɛ mɔbɔ; koo baa e yi; koo laa e nɔ.

Mose V, 13:9

Gbee lɛ! Mo kekle o fia lɛ tɛ, nɛ lɔ ɔ se ɔ, nɔ tsuaa nɔ nɛ fiaa lɛ tɛ ɔ eko.

Mose V, 19:13

Koo na lɛ mɔbɔ kulaa. Koo ngmɛ blɔ nɛ nɔ gbelɔ nɛ ɔ nɛ hi hɛ ngmengmle ngɛ Israel hu; kɛkɛ ɔ, níhi a mi maa hi ha mo.

Mose V, 19:21

Koo na mɔbɔ kulaa ngɛ kikɛmɛ a sanehi a mi; to nane mi pɛpɛɛpɛ. Tue gblami ɔ ji kaa ke nɔ ko gbe nɔ ko ɔ, a gbe lɛ kɛ to nya; ke nɔ ko pɛ́ nɔ ko hɛngmɛ, loo e ku e lungu, loo e po nɔ ɔ nine, loo e nane ɔ, a pee lɛ jã nɔuu kɛ to nane mi.

Mose V, 25:12

poo yo ɔ nine; koo na lɛ mɔbɔ kulaa.

Mose V, 7:2

Ke be ɔ su nɛ Yawɛ, nyɛ Mawu ɔ je mɛ ngɔ wo nyɛ dɛ, nɛ nyɛ ye a nɔ ɔ, nyɛ kpata mɛ tsuo a hɛ mi pɛsɛpɛsɛ. Nyɛɛ kɛ ma ko ma ko kó so nɛ nyɛɛ pee kake; nyɛ ko na mɛ mɔbɔ.

Mose V, 7:25

Nyɛɛ sã a we amaga amɛ. Nyɛ hɛ ko kɔ̃ a sika hiɔ, loo sika tsu nɔ; nyɛ ko ngɔ ekoeko. Ke nyɛ ngɔ eko ɔ, e maa pee gbenɔ ha nyɛ; ejakaa Yawɛ, nyɛ Mawu ɔ sume amaga jami.

Yoshua 11:20

Yawɛ ha a kplii a tsui kaa a kɛ Israel bi ɔmɛ maa hwu ta, bɔ nɛ pee nɛ a gbe mɛ tsuo pɛpɛɛpɛ nɛ a ko na mɛ mɔbɔ. Bɔ nɛ Yawɛ fa Mose ke e pee ji nɛ ɔ nɛ.

Manyadali 2:12

A kua Yawɛ, a nɛmɛ a Mawu ɔ nɛ je mɛ kɛ je Egipt zugba a nɔ ɔ; nɛ a ya nyɛɛ mawu kpahi nɛ ji nihi nɛ bɔle mɛ ɔ a mawu ɔmɛ a se. A ja mɛ, nɛ a kɛ nɔ́ nɛ ɔ wo Yawɛ mi mi la.

Manyadali 2:3

Lɔ ɔ he ɔ, imi hu i ngɛ nyɛ dee ke i be ni ɔmɛ fiee kɛ je nyɛ blɔ ɔ nɔ. A ma plɛ pee nyɛ he nyɛli, nɛ a mawu ɔmɛ hu ma plɛ pee klama nɛ a tsɔ nyɛ.”

Manyadali 3:6

A ngɔ ma je li ɔmɛ a biyihi, nɛ mɛ hu a kɛ a biyihi ha ma je li ɔmɛ a binyumuhi; nɛ a sɔmɔ a mawu ɔmɛ.

Manyadali 8:27

Gideon ngɔ ní ɔmɛ kɛ pee amaga, nɛ e kɛ to Ofra nɛ ji e ma a mi. Israel bi ɔmɛ tsuo je Mawu se, nɛ a ya ja amaga nɛ ɔ ngɛ lejɛ ɔ; nɛ nɔ́ nɛ ɔ plɛ pee klama kɛ ha Gideon kɛ e we ɔ.