Mose V, 7:13 - BAIBLO ALOO NGMAMI KLƆUKLƆU Ɔ

¹³ e maa suɔ nyɛ, nɛ e maa gbaa nyɛ. E ma ha nyɛ he maa hiɛ, nɛ nyɛ ma fɔ bimɛ babauu. E maa gbaa nyɛ ngmɔ ɔmɛ, nɛ nyɛ ma na blɛfo, wai, kɛ oliv nu. E maa gbaa nyɛ, nɛ nyɛ na amɛ kɛ to ɔmɛ maa bɔ. Gbaami nɛ ɔmɛ tsuo e kɛ maa gbaa nyɛ ngɛ zugba nɛ e ka nyɛ nɛmɛ ɔmɛ kita ke e ma ngɔ ha nyɛ ɔ nɔ.

Mose V, 7:13 ပူးပေါင်းရင်းမြစ်များ

Nehemia 9:32

“Wa Mawu, mo Mawu kpetekpleenyɛ, mo nɛ o he ngɛ gbeye, nɛ o kɔni si wa. Moo lɛɛ o yeɔ o somi, kɛ si womi ɔmɛ a nɔ pɛpɛɛpɛ. Kɛ je benɛ Asiria matsɛmɛ ɔmɛ bɔni wɔ haomi kɛ ba su mwɔnɛ ɔ, moo hyɛ amanehlu sɔuu nɛ wa na! Wa matsɛmɛ ɔmɛ, wa ma nimeli ɔmɛ, wa osɔfo ɔmɛ, gbali ɔmɛ, wa nɛmɛ ɔmɛ, kɛ wa ma kpekpemi ɔ tsuo na nɔ́ tsɔ. Mo kai wɔ, ejakaa wa we amanehlu ɔ hiɛ tsɔ!

Hiob 1:10

O baa Hiob yi, kɛ e we mi bimɛ, kɛ nɔ́ tsuaa nɔ́ nɛ e ngɛ, nɛ nɔ́ ko hia we lɛ. O gbaa e ní tsumi, nɛ o wo lɛ ní babauu ngɛ zugba a nɔ.

Hiob 42:12

Yawɛ gbaa Hiob ngɛ nyagbe be nɛ ɔ mi kulaa pe bɔ nɛ e gbaa lɛ kekle ɔ. Hiob ba na to akpe nyɔngma kɛ eywiɛ, afukpɔngɔ akpe ekpa, na blablɛ akpe kɛ teji akpe.

La 1:3

E ngɛ kaa tso nɛ a du ngɛ pa tue, nɛ woɔ yiblii ngɛ be nɛ sa mi. E bahi gbli we gblegbleegble. E yeɔ manye ngɛ nɔ́ tsuaa nɔ́ mi.

La 107:38

Yawɛ gbaa e ma a; e ha nɛ a he ba hiɛ babauu nitsɛ; a lohwehi hu e ha we nɛ a nɔ nɛ gbɔ́.

La 11:7

Ejakaa Yawɛ ɔ, dalɔ ji lɛ; e suɔ kaa a pee níhi nɛ da. Dali maa na e hɛ mi.

La 127:3

Bimɛ ji weto ní nɛ Yawɛ haa nɔ; bimɛ ji nike ní nɛ e kɛ dlooɔ nɔ.

La 146:8

Yawɛ bliɔ hɛ yuyuili a hɛngmɛ; Yawɛ woɔ ni nɛmɛ nɛ nɔ si a nɔ; Yawɛ suɔ ni nɛmɛ nɛ peeɔ nɔ́ nɛ da.

Mose II, 23:25

O ma ja imi Yawɛ, o Mawu ɔ, nɛ ma gbaa mo kɛ nya mi ngma, kɛ nyu, nɛ o be hiɔ nue.

Abɛ Womi 10:22

Mawu gbaami lɛ peeɔ nɔ niatsɛ; dengme gbomi kɛ nɔ́ ko nɔ́ ko piɛ we he ha nɔ.

Abɛ Womi 15:9

Yayami peelɔ je mi bami sɛ Yawɛ hɛ mi kulaa; se nɔ nɛ peeɔ nɔ nɛ da a, Yawɛ suɔ lɛ.

Mose III, 26:9

Ma gbaa nyɛ, nɛ ma ha nyɛ ma fɔ bimɛ babauu. Somi nɛ i kɛ nyɛ so ɔ, ma ye nɔ.

Mateo 6:33

Se nyɛ hla Mawu matsɛ yemi ɔ, kɛ níhi nɛ da ngɛ e hɛ mi ɔ kekle, nɛ a kɛ ní nɛ ɔmɛ tsuo maa piɛ he ngɔ ha nyɛ.

Yohane 14:21

“Nɔ tsuaa nɔ nɛ ngɔɔ ye mlaa amɛ nɛ e yeɔ a nɔ ɔ, e suɔ mi; nɛ nɔ tsuaa nɔ nɛ suɔ mi ɔ, Tsaatsɛ maa suɔ lɛ. Jehanɛ imi hu ma suɔ lɛ, nɛ ma ha nɛ e le mi saminya.”

Yohane 15:10

Ke nyɛ ye ye mlaa amɛ a nɔ ɔ, lɛɛ suɔmi nɛ i ngɛ kɛ ha nyɛ ɔ maa hi si daa. Imi hu i ye Tsaatsɛ mlaa amɛ a nɔ, lɔ ɔ ha nɛ suɔmi nɛ e ngɛ kɛ ha mi ɔ se pui gblegbleegble.

Yohane 16:27

ejakaa Tsɛ ɔ nitsɛ ngɛ nyɛ he suɔmi. Tsɛ ɔ suɔ nyɛ, ejakaa nyɛ suɔ mi, nɛ nyɛ he ye kaa Mawu ngɔ nɛ i je kɛ ba.

Mose V, 1:8

Zugba nɛ ɔ tsuo nɛ imi Yawɛ, i wo nyɛ nɛmɛ Abraham, Isak, kɛ Yakob si ke ma ngɔ ha mɛ, kɛ a nina a nɛ. Nyɛɛ ya nɛ nyɛ ya ngɔ zugba a tsuo kulaa.”

Mose V, 13:17

Nyɛ ko ngɔ níhi nɛ a ma kpata a hɛ mi ɔ eko kɛ to ha nyɛ he. Kɛkɛ ɔ, Yawɛ mi mi nɛ fu nyɛ wawɛɛ ɔ nya maa ba si, nɛ e maa na nyɛ mɔbɔ. E maa na nyɛ mɔbɔ, nɛ e ma ha nyɛ he maa hiɛ babauu kaa bɔ nɛ e wo nyɛ nɛmɛ ɔmɛ si ɔ.

Mose V, 28:1

“Ke nyɛ bu Yawɛ, nyɛ Mawu ɔ gbi tue, nɛ nyɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ ɔ, lɛɛ e ma wo nyɛ nɔ gojoo pe je ma amɛ tsuo.

Mose V, 28:11

Yawɛ ma ha nyɛ bimɛ, we mi lohwehi, kɛ ngmɔ niba ní babauu ngɛ zugba nɛ e wo nyɛ nɛmɛ ɔmɛ si ke e maa ngɔ kɛ ha nyɛ ɔ nɔ.

Mose V, 30:5

konɛ nyɛ ba ngɔ zugba a he nɛ nyɛ nɛmɛ ɔmɛ hi ɔ, nɛ e pee nyɛ nɔ́ ekohu. Jehanɛ, e ma ha nɛ nyɛ ma na ní, nɛ nyɛ he maa hiɛ babauu pe nyɛ nɛmɛ ɔmɛ po.

Mose V, 7:7

“Pi hiɛmi nɛ nyɛ he hiɛ pe ma kpa amɛ he je nɛ Yawɛ suɔ nyɛ nɛ e hla nyɛ ɔ; nyɛ mohu ji nihi nɛ a he pi pe kulaa ngɛ ma amɛ a kpɛti.