Mose V, 6:6 - BAIBLO ALOO NGMAMI KLƆUKLƆU Ɔ

⁶ Mlaahi nɛ i ngɛ nyɛ woe mwɔnɛ ɔ, nyɛ hɛ nɛ hi a nɔ.

Mose V, 6:6 ပူးပေါင်းရင်းမြစ်များ

Mose I, 18:19

I hla Abraham, bɔ nɛ pee nɛ e fa e bimɛ ɔmɛ kɛ e nina a nɛ a bu mi tue, nɛ a pee nɔ́ nɛ da, kɛ nɔ nɛ hi. Ke a pee ja a, nɔ́ tsuaa nɔ́ nɛ i wo lɛ si kaa ma pee ha lɛ ɔ, ma pee.”

Samuel II, 22:23

I le e mlaa amɛ tsuo kulaa; i ye mɛ tsuo pɛpɛɛpɛ a nɔ.

La 119:11

I ngɔ o munyu ɔ kɛ to ye tsui mi tɔɔ, konɛ ma ko pee yayami kɛ si mo.

La 119:13

Mlaahi tsuo nɛ je o nya a, imi hu ma fiɛ.

La 119:30

I pee ye yi mi ke anɔkuale pɛ ma ye; i ngɔ o mlaa amɛ kɛ to ye hɛ mi.

La 119:98

I le ní pe ye he nyɛli tsuo, ejakaa o mlaa a kɛ mi ngɛ daa.

La 37:31

E ngɔɔ e Mawu ɔ mlaa a kɛ toɔ e tsui mi, nɛ e si we se gblegbleegble.

La 40:8

Ye Mawu, i suɔ kaa ma pee o suɔmi nya ní; o mlaa a, a ngma ngɛ ye tsui mi.”

Abɛ Womi 3:5

Ngɔɔ o hɛ ngɔ fɔ Yawɛ nɔ kulaa. Koo ngɔ o hɛ ngɔ fɔ nɔ́ nɛ moo o susu kaa o le ɔ nɔ.

Abɛ Womi 7:3

Munyuhi nɛ i tu mo ɔ, moo fi kɛ wo o nine nguɛ he; nɛ o ngma kɛ fɔ o tsui nɔ.

Yesaya 51:7

“Nyɛ nɛ nyɛ le nɔ́ nɛ da, nɛ nyɛ suɔ ye mlaa a saminya, nyɛ ko ye gbeye kaa nimli adesahi maa ye nyɛ he fɛu, loo a ma jɛ nyɛ. Ke a ngɛ nyɛ he fɛu yee ɔ, nyɛ ko ye tsui!

Yeremia 31:33

Se somi he ɔ nɛ i kɛ Israel ma a maa so jehanɛ ɔ, bɔ nɛ lɛɛ e maa hi ji nɛ ɔ nɛ; ma ngɔ ye mlaa kɛ wo a mi, nɛ ma ngma ngɛ a tsui nɔ. Ma pee a Mawu, nɛ a maa pee ye ma.

Luka 2:51

Yesu kɛ mɛ kpale a se kɛ ho Nazaret ya, nɛ e ba e he si ha mɛ. E nyɛ kɛ ní nɛ ɔmɛ tsuo to e yi mi, nɛ e susuɔ he be tsuaa be.

Luka 8:15

Wuhi nɛ ya pue zugba kpakpa mi ɔ daa si ha nihi nɛ a tsui mi hi, nɛ a yeɔ anɔkuale. Mɛɛ lɛɛ ke a nu Mawu munyu ɔ, a tsuɔ he ní hluu kɛ ya siɔ e woɔ yiblii.

2 Korintobi 3:3

Nyɛ ngɛ kaa womi nɛ Kristo nitsɛ ngma nɛ e kɛ tsɔ wɔ; pi womi nɛ a kɛ ní ngmami nyu ngmaa ngɛ tɛ tɛtlɛɛhi a nɔ ɔ. Se mohu, enɛ ɔ ji womi nɛ Kristo ngma kɛ gu Mawu hɛ kalɔ ɔ mumi ɔ nɔ ngɛ adesa tsui mi.

Mose V, 11:18

“Nyɛ hɛ nɛ hi mlaa nɛ ɔmɛ a nɔ, nɛ nyɛ susu a he saminya. Nyɛɛ fi kɛ wo nyɛ kɔni si, kɛ nyɛ hɛ nya kaa kaimi nɔ́.

Mose V, 11:20

Nyɛɛ ngma ngɔ wo nyɛ sinya tso ɔmɛ a he, kɛ nyɛ agbo ɔmɛ a nya.

Mose V, 32:46

e slɔ mɛ ke, “Nyɛɛ hyɛ saminya nɛ nyɛɛ ye mlaa nɛ ɔmɛ tsuo nɛ i ngɛ nyɛ woe mwɔnɛ ɔ a nɔ. Nyɛɛ tsɔɔ nyɛ bimɛ ɔmɛ, konɛ a ye Mawu mlaa amɛ tsuo a nɔ pɛpɛɛpɛ.

Kolosebi 3:16

Nyɛ ha nɛ Kristo sɛ gbi ɔ nɛ hyi nyɛ fuu. Nyɛɛ tsɔɔ nyɛ he ní, nɛ nyɛɛ wo nyɛ sibi ga kɛ juɛmi nɛ mi kuɔ. Nyɛ la La womi ɔ mi lahi, yi jemi lahi, kɛ mumi mi lahi kɛ je nyɛ tsui mi nɛ nyɛ kɛ na Mawu si.

2 Yohane 1:2

Ejakaa anɔkuale ɔ ngɛ wa mi, nɛ anɔkuale ɔ kɛ wɔ maa hi si kɛ maa ya neneene.