Mose V, 6:5 - BAIBLO ALOO NGMAMI KLƆUKLƆU Ɔ

⁵ Nyɛɛ suɔ Yawɛ, nyɛ Mawu ɔ kɛ nyɛ tsui tsuo, kɛ nyɛ klaa tsuo, kɛ nyɛ he wami tsuo.

Mose V, 6:5 ပူးပေါင်းရင်းမြစ်များ

Matsɛmɛ I, 3:3

Salomo suɔ Yawɛ, nɛ e ye e tsɛ David mlaa amɛ a nɔ; se e gbe lohwe, nɛ e sã tsopa kɛ e he via ngɛ wɔ piɛ ɔmɛ a mi.

Matsɛmɛ II, 23:25

Bɔ nɛ Yosia sɔmɔ Yawɛ kɛ e tsui tsuo, kɛ e klaa tsuo, kɛ e he wami tsuo, nɛ e ye Mose mlaa amɛ tsuo a nɔ ɔ, matsɛmɛ ɔmɛ nɛ sɛ e hlami, kɛ ni nɛmɛ nɛ nyɛɛ e se ɔ, a ti nɔ ko kɛ lɛ sɔɛ.

Kronika II, 15:12

A so, nɛ a kplɛɛ kaa a ma ja Yawɛ, a nɛmɛ a Mawu ɔ kɛ a tsui tsuo, kɛ a klaa tsuo.

Kronika II, 34:31

Kɛkɛ nɛ e ho ya da kpoku ko nɔ nɛ e ka Yawɛ kita ke e maa bu lɛ tue, nɛ e maa ye e mlaa amɛ a nɔ kɛ e tsui tsuo, kɛ e klaa tsuo. E ka kita ke níhi nɛ a ngma ngɛ mlaa womi ɔ mi ɔ, e maa pee mɛ tsuo pɛpɛɛpɛ.

La 119:2

A gbaa nihi nɛ yeɔ e mlaa amɛ a nɔ, ni nɛmɛ nɛ kɛ a tsui tsuo hlaa e se blɔ,

La 31:24

Nyɛ nihi tsuo nɛ nyɛ ngɔɔ nyɛ hɛ kɛ fɔɔ Yawɛ nɔ ɔ, nyɛ wlua nyɛ! Yawɛ ma ha nyɛ he wami.

Mateo 10:37

“Nɔ nɛ suɔ e tsɛ, loo e nyɛ pe imi ɔ, e sɛ kaa e ba peeɔ ye kaselɔ. Nɔ nɛ suɔ e binyumu, loo e biyo pe imi ɔ, e sɛ kaa e ba peeɔ ye kaselɔ.

Mateo 22:37

Yesu he nɔ ke, “ ‘Suɔ Nyɔmtsɛ, o Mawu ɔ kɛ o tsui tsuo, kɛ o klaa tsuo, kɛ o juɛmi tsuo.’

Marko 12:30

Suɔ Nyɔmtsɛ, o Mawu ɔ kɛ o tsui, kɛ o klaa, kɛ o juɛmi, kɛ o he wami tsuo!’

Marko 12:33

Jehanɛ, e sa kaa nɔmlɔ nɛ suɔ Mawu kɛ e tsui, kɛ e juɛmi, kɛ e klaa, kɛ e he wami tsuo, nɛ́ e suɔ e nyɛmi nɔmlɔ hu kaa bɔ nɛ e suɔ lɛ nitsɛ e he. Ke o ye mlaa enyɔ nɛ ɔmɛ a nɔ ɔ, e hi pe sami bɔhi, kɛ bɔhi tsuo nɛ o maa sã ha Mawu.”

Luka 10:27

Nyumu ɔ he nɔ ke, “ ‘Suɔ Nyɔmtsɛ, o Mawu ɔ, kɛ o tsui tsuo, kɛ o klaa tsuo, kɛ o he wami tsuo, kɛ o juɛmi tsuo’; nɛ ‘Suɔ o nyɛmi kaa bɔ nɛ o suɔ mo nitsɛ o he ɔ.’ ”

Mose V, 10:12

“Jehanɛ, Israel bi, nyɛɛ bu nɔ́ nɛ Yawɛ, nyɛ Mawu ɔ ngɛ hlae kaa nyɛɛ pee ɔ tue. Nyɛ ja Yawɛ, nyɛ Mawu ɔ, nɛ nyɛɛ ye e mlaa amɛ tsuo a nɔ pɛpɛɛpɛ. Nyɛɛ suɔ lɛ, nɛ nyɛ sɔmɔ lɛ kɛ nyɛ tsui tsuo, kɛ nyɛ klaa tsuo.

Mose V, 11:1

“Nyɛɛ suɔ Yawɛ, nyɛ Mawu ɔ, nɛ nyɛɛ ye e mlaa amɛ tsuo a nɔ daa.

Mose V, 11:13

“Lɔ ɔ he ɔ, nyɛɛ ye mlaa amɛ nɛ i ngɛ nyɛ woe mwɔnɛ ɔ a nɔ; nyɛɛ suɔ Yawɛ, nyɛ Mawu ɔ, nɛ nyɛ ja lɛ kɛ nyɛ tsui tsuo.

Mose V, 13:3

nyɛ ko bu lɛ tue fɛɛ. Yawɛ, nyɛ Mawu ɔ gu nɔ́ nɛ ɔ nɔ kɛ ngɛ nyɛ kae nɛ e hyɛ kaa nyɛ suɔ lɛ, Yawɛ ɔ saminya ngɛ nyɛ tsui mi lo.

Mose V, 13:4

Nyɛɛ nyɛɛ Yawɛ, nyɛ Mawu ɔ se, nɛ nyɛɛ ye lɛ pɛ gbeye; nyɛɛ bu lɛ tue, nɛ nyɛɛ ye e mlaa amɛ a nɔ; nyɛ ja lɛ, nɛ nyɛɛ ye lɛ anɔkuale.

Mose V, 19:9

to wesa he ma etɛ kɛ piɛ kekle ní ɔmɛ a he. Niinɛ, ke o maa ye mlaa a tsuo nɛ i ngɛ mo woe mwɔnɛ ligbi nɛ ɔ nɔ, nɛ o maa suɔ Yawɛ, o Mawu ɔ, nɛ o maa ba o je mi ngɛ e tsɔɔmi ɔmɛ a nya a, e maa ngɔ zugba nɛ ɔ kɛ ha mo.

Mose V, 30:10

Nɔ́ nɛ hia ji kaa nyɛ maa bu e gbi tue, nɛ nyɛ maa ye e mlaa amɛ tsuo nɛ a ngma ngɛ mlaa womi nɛ ɔ mi ɔ a nɔ. E hia kaa nyɛɛ kpale kɛ ba Yawɛ ngɔ kɛ nyɛ tsui tsuo.

Mose V, 30:16

Ke nyɛ maa ye Yawɛ, nyɛ Mawu ɔ mlaa amɛ nɛ i ngɛ nyɛ woe mwɔnɛ ligbi nɛ ɔ a nɔ, nɛ nyɛ maa suɔ lɛ, nɛ nyɛ maa bu lɛ tue, nɛ nyɛ maa nyɛɛ e blɔ ɔmɛ tsuo a nɔ ɔ, lɛɛ nyɛ yi ma na wami, nɛ nyɛ he maa hiɛ; Yawɛ, nyɛ Mawu ɔ maa gbaa nyɛ ngɛ zugba a nɛ nyɛ yaa ngɔ ɔ nɔ.

Mose V, 30:20

Nyɛɛ suɔ Yawɛ, nyɛ Mawu ɔ; nyɛɛ bu lɛ tue, nɛ nyɛ pee e suɔmi nya ní pɛpɛɛpɛ. Ke nyɛ pee ja a, zugba a nɛ e wo nyɛ nɛmɛ Abraham, Isak, kɛ Yakob si ke e kɛ ma ha mɛ ɔ, nyɛɛ kɛ nyɛ nina maa hi nɔ.”

Mose V, 30:6

Yawɛ, nyɛ Mawu ɔ ma ha nyɛɛ kɛ nyɛ nina tsui kpakpa nɛ buɔ tue, konɛ nyɛɛ suɔ lɛ kɛ nyɛ tsui tsuo, nɛ nyɛɛ hi jamɛ a zugba a nɔ.

Mose V, 4:29

Nyɛ ma hla Yawɛ, nyɛ Mawu ɔ ngɛ lejɛ ɔ. Ke nyɛ hla lɛ kɛ nyɛ tsui tsuo ɔ, nyɛ maa na lɛ.

Yoshua 22:5

Nyɛɛ hyɛ saminya, nɛ nyɛɛ ye mlaa amɛ nɛ Yawɛ tsɔlɔ Mose wo nyɛ ɔ a nɔ. Nyɛɛ suɔ Yawɛ, nyɛ Mawu ɔ; nyɛɛ pee e suɔmi nya ní; nyɛɛ ye e mlaa amɛ a nɔ, nyɛɛ ye lɛ anɔkuale, nɛ nyɛ sɔmɔ lɛ kɛ nyɛ tsui tsuo, kɛ nyɛ klaa tsuo.”

1 Yohane 5:3

Ejakaa ke wa suɔ Mawu ɔ, wa yeɔ e mlaa amɛ a nɔ. Nɛ e mlaa amɛ a nɔ yemi wɛ kulaa,