Mose V, 6:4 - BAIBLO ALOO NGMAMI KLƆUKLƆU Ɔ

⁴ “Israel ma, nyɛ hɛ nɛ hi nɔ kaa Yawɛ, wa Mawu ɔ, lɛ pɛ ji Mawu.

Mose V, 6:4 ပူးပေါင်းရင်းမြစ်များ

Matsɛmɛ I, 18:21

Eliya hɛ lɛ kɛ su ma a he, nɛ e bi mɛ ke, “Kɛ yaa si mɛni be loko nyɛ maa pee nyɛ juɛmi ngɛ nɔ́ enyɔ nɛ ɔmɛ a he? Ke Yawɛ ji Mawu ɔ, nyɛ ja lɛ; ke Baal ji Mawu ɔ, nyɛ ja lɛ.” Se ma a ha we lɛ heto.

Matsɛmɛ II, 19:5

Benɛ Matsɛ Hezekia tsɔli ɔmɛ kɛ sɛ ɔ ya ha Yesaya a,

Kronika I, 29:10

Kɛkɛ nɛ Matsɛ David je Yawɛ yi ngɛ ma kpekpemi ɔ hɛ mi, nɛ e de ke, “Yawɛ, wa nɛ̃ Yakob Mawu, a je o yi kɛ ya neneene!

Kronika II, 17:9

A hɛɛ Yawɛ mlaa womi ɔ kɛ ya kpa Yuda ma amɛ tsuo a mi, nɛ a tsɔɔ ma a mlaa a.

Nehemia 9:6

Nɛ a sɔle ke, “Yawɛ, mo nɔ kake pɛ ji Yawɛ, mo nɛ o pee hiɔwe ɔ, kɛ dodoe ɔmɛ ngɛ kɔɔhiɔ mi. Mo nɛ o pee zugba kɛ wo, kɛ nɔ́ tsuaa nɔ́ nɛ ngɛ a mi, nɛ o ha mɛ tsuo wami. Hiɔwe ta a kplaa si haa mo, nɛ a jaa mo.

La 78:5

E ha Israel bi ɔmɛ mlaa; ee, e ngɔ e munyu ɔ kɛ ha Yakob nina a. E fa wa nɛmɛ ɔmɛ ke a tsɔɔ a bimɛ ɔmɛ mlaa a,

La 86:10

Ejakaa o kle, nɛ o tsuɔ nyakpɛ níhi. Mo nɔ kake too ji Mawu.

Yesaya 42:8

“Ye biɛ ji Yawɛ; imi pɛ ji Mawu. I be ye hɛ mi nyami ɔ ngɔe kɛ ha mawu kpahi, nɛ ye yi jemi ɔ hu i be ngɔe kɛ ha amagahi.

Yesaya 44:6

Bɔ nɛ Yawɛ, Israel matsɛ, kɛ e kpɔlɔ, nɛ lɛ ji Tabohiatsɛ ɔ ngɛ dee ji, “Imi ji kekleekle no, kɛ nyagbe no. Ye se ɔ, Mawu kpa ko be hu.

Yesaya 44:8

Ye ma, koo nu sawale! Koo ye gbeye! Ye we odase ji mo. Anɛ i de we enɛ ɔ blema lokoo lo? Anɛ ye se ɔ, Mawu ko pa ngɛ lo? Dɛbi, i li he wami kpa ko ngɛ ye se hu?”

Zakaria 14:9

Nɛ Yawɛ maa ye tsɛ ngɛ je ɔ mi he tsuaa he. Nɔ tsuaa nɔ ma ja Mawu kake too ɔ, nɛ e biɛ pɛ a ma tsɛ.

Mateo 22:37

Yesu he nɔ ke, “ ‘Suɔ Nyɔmtsɛ, o Mawu ɔ kɛ o tsui tsuo, kɛ o klaa tsuo, kɛ o juɛmi tsuo.’

Luka 10:27

Nyumu ɔ he nɔ ke, “ ‘Suɔ Nyɔmtsɛ, o Mawu ɔ, kɛ o tsui tsuo, kɛ o klaa tsuo, kɛ o he wami tsuo, kɛ o juɛmi tsuo’; nɛ ‘Suɔ o nyɛmi kaa bɔ nɛ o suɔ mo nitsɛ o he ɔ.’ ”

Yohane 10:30

I kɛ Tsɛ ɔ ni kake ji wɔ.”

Yohane 17:3

Ke a na le kaa mo ji anɔkuale Mawu ɔ, nɛ a le Yesu Kristo, nɔ nɛ o tsɔ ɔ, a ma na neneene wami.

Romabi 3:30

Mawu kake lɛ ngɛ kɛ ha Yuda bi, kɛ ma je li tsuo; nɛ hemi kɛ yemi nɔ Mawu guu kɛ woɔ nihi nɛ a po mɛ ɔ nguɔ. Nihi nɛ a pui mɛ ɔ hu hemi kɛ yemi ɔ nɔ nɔuu a maa gu kɛ wo mɛ nguɔ.

Efesobi 4:6

Mawu kake lɛ ngɛ; lɛ ji adesahi tsuo a tsɛ. E tsuɔ ní kɛ guu adesahi tsuo a nɔ, nɛ e ngɛ adesahi tsuo a mi.

Mose V, 4:39

Lɔ ɔ he ɔ, mwɔnɛ ɔ, nyɛ na nyɛɛ le, nɛ nyɛ hɛ ko je nɔ gblegbleegble kaa Yawɛ ji Mawu ngɛ hiɔwe kɛ zugba; e se ɔ, nɔ ko be.

Mose V, 5:6

Nɔ́ nɛ Yawɛ de ji nɛ ɔ nɛ: ‘Imi ji Yawɛ, o Mawu ɔ nɛ je mo kɛ je Egipt zugba a nɔ, kɛ je nyɔguɛ yemi mi ɔ nɛ.

1 Timoteo 2:5

Mawu kake kɛkɛ lɛ ngɛ, kɛ nɔ kake nɛ dlaa Mawu kɛ adesa a kpɛti. Jamɛ a nɔ ɔ ji Kristo Yesu.

Yakobo 2:19

Nyɛ heɔ yeɔ kaa Mawu kake pɛ lɛ ngɛ! Saminya! Mumi yayami ɔmɛ po heɔ yeɔ ja nɔuu. Nɛ lɔ ɔ haa a nuɔ sawale, nɛ a he doɔ blibliibli.