Mose V, 6:2 - BAIBLO ALOO NGMAMI KLƆUKLƆU Ɔ

² Nyɛɛ ye Yawɛ, nyɛ Mawu ɔ gbeye, nɛ nyɛɛ ye e mlaa amɛ nɛ i ngɛ nyɛ woe, kɛ e blɔ nya tomi ɔmɛ nɛ i ngɛ nyɛ hae nɛ ɔ a nɔ. A ngɛ kɛ ha nyɛ nitsɛmɛ, nyɛ bimɛ, kɛ nyɛ nina nyɛ wami be tsuo. Nyɛɛ ye a nɔ, konɛ nyɛ se nɛ kɛ ngɛ zugba a nɔ.

Mose V, 6:2 ပူးပေါင်းရင်းမြစ်များ

Mose V, 4:40

Nyɛɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ, konɛ e hi ha nyɛɛ kɛ nyɛ nina. Ke nyɛ ye a nɔ ɔ, nyɛ maa hi zugba nɛ Yawɛ, nyɛ Mawu ɔ kɛ ngɛ nyɛ hae ɔ nɔ daa.”

Fiɛlɔ 12:13

Nyagbe ɔ, nɔ́ nɛ ma de kɛkɛ ji kaa moo ye Mawu gbeye, nɛ o ye e mlaa amɛ a nɔ. Ní tsumi nɛ ngɛ kɛ ha nimli adesahi tsuo ji nɛ ɔ nɛ.

Mose V, 13:4

Nyɛɛ nyɛɛ Yawɛ, nyɛ Mawu ɔ se, nɛ nyɛɛ ye lɛ pɛ gbeye; nyɛɛ bu lɛ tue, nɛ nyɛɛ ye e mlaa amɛ a nɔ; nyɛ ja lɛ, nɛ nyɛɛ ye lɛ anɔkuale.

Mose II, 20:20

Mose de ma a ke, “Nyɛ ko ye gbeye; kami kɛkɛ Mawu ma nyɛ kami konɛ nyɛɛ ye lɛ gbeye nɛ nyɛ ko pee yayami.”

La 128:1

A gbaa nɔ tsuaa nɔ nɛ yee Yawɛ gbeye, nɛ́ e yeɔ e mlaa amɛ a nɔ.

Mose V, 5:16

“ ‘Moo bu o tsɛ kɛ o nyɛ, kaa bɔ nɛ imi Yawɛ, o Mawu ɔ fa mo ɔ, konɛ e hi ha mo, nɛ o se nɛ kɛ ngɛ zugba nɛ Yawɛ, o Mawu ɔ ngɛ mo hae ɔ nɔ.

Abɛ Womi 3:16

Nile haa nɔ wami se kɛɔ ngɛ je mi; e haa nɔ naa ní, nɛ e haa nɔ hɛ mi baa nyami.

Hiob 28:28

Mawu de nɔmlɔ ke, “Nyɔmtsɛ ɔ gbeye yemi ɔ, lɔ ɔ ji nile; yayami he jemi ɔ, lɔ ɔ ji juɛmi.”

1 Petro 1:17

Ke nyɛ ngɛ kue fae ha Mawu ɔ, nyɛ tsɛɔ lɛ ke Tsaatsɛ. Ee, Mawu hyɛ we nihi a hɛ mi, se mohu e kojoɔ nɔ tsuaa nɔ ngɛ e ní peemi níhi a nya. Lɔ ɔ he ɔ, nyɛɛ ngɔ bu kɛ ha lɛ nyɛ wami be nɛ piɛ ngɛ zugba nɛ ɔ nɔ tsuo.

La 111:10

Ke o ngɛ hlae nɛ o na nile ɔ, ye Yawɛ gbeye. Nihi tsuo nɛ peeɔ ja a, a nuɔ nɔ́ sisi saminya. A je Yawɛ yi daa!

Mose V, 10:20

Nyɛɛ bu Yawɛ, nyɛ Mawu ɔ tue, nɛ nyɛ ja lɛ nɔ kake pɛ. Nyɛɛ ye lɛ anɔkuale, nɛ nyɛɛ wo si ngɛ e biɛ mi pɛ.

Luka 12:5

Ma tsɔɔ nyɛ nɔ nɛ sa nɛ nyɛɛ ye gbeye. Nyɛɛ ye Mawu gbeye, ejakaa lɛɛ e ngɛ he wami nɛ e kɛ gbee nɔ, nɛ ke e gbe nɔ ɔ se ɔ, e ngɛ he wami nɛ e kɛ sakee nɔ ɔ kɛ fɔɔ Abosiami a je la a mi.

Abɛ Womi 16:6

Naa mɔbɔ nɛ o ye anɔkuale, kɛkɛ ɔ, Mawu kɛ o he yayami maa pa mo. Ye Yawɛ gbeye, nɛ yayami ko be o he sae.

Mose V, 22:7

Moo nu bi ɔmɛ, nɛ o ngmɛɛ a nyɛ ɔ he, konɛ níhi a mi nɛ hi ha mo, nɛ o wami se nɛ kɛ, nɛ o plɔke.

Mose V, 6:7

Nyɛɛ tsɔɔ nyɛ bimɛ. Nyɛɛ sɛɛ he ní be nɛ nyɛ ngɛ we mi, be nɛ nyɛ hia blɔ, be nɛ nyɛ hwɔɔ si, kɛ be nɛ nyɛ te si.

Mose V, 4:10

kaa ligbi ɔ nɛ nyɛ da si ngɛ Sinai yo ɔ he ngɛ Yawɛ, nyɛ Mawu ɔ hɛ mi ɔ, Yawɛ de mi ke, ‘Bua ma a nya. Ha nɛ a bu nɔ́ nɛ ma de mɛ ɔ tue, konɛ a ye mi gbeye a wami be tsuo; nɛ a tsɔɔ a bimɛ, nɛ mɛ hu a ye mi gbeye.’

Mose I, 22:12

Yawɛ bɔfo ɔ de lɛ ke, “O nine nɛ ko sa niheyo ɔ he; koo pee lɛ nɔ́ ko nɔ́ ko. Jehanɛ lɛɛ i na kaa o yeɔ Mawu gbeye, ejakaa o bi kake too ɔ he nɔ́ dɔɛ mo kaa o kɛ lɛ ma ha Mawu.”

Mose I, 18:19

I hla Abraham, bɔ nɛ pee nɛ e fa e bimɛ ɔmɛ kɛ e nina a nɛ a bu mi tue, nɛ a pee nɔ́ nɛ da, kɛ nɔ nɛ hi. Ke a pee ja a, nɔ́ tsuaa nɔ́ nɛ i wo lɛ si kaa ma pee ha lɛ ɔ, ma pee.”

Mose V, 5:33

Nyɛɛ ye nɔ́ nɛ Yawɛ fa nyɛ ɔ tsuo nɔ pɛpɛɛpɛ, konɛ nyɛɛ hi je mi, nɛ níhi a mi nɛ hi ha nyɛ; lɔ ɔ loko nyɛ se maa kɛ ngɛ zugba a nɛ nyɛ yaa ngɔ ɔ nɔ.

Mose II, 20:12

“Moo bu o tsɛ kɛ o nyɛ, konɛ o se nɛ kɛ ngɛ zugba nɛ Yawɛ, o Mawu ɔ ngɔ ha mo ɔ nɔ.

Mose V, 4:9

Nyɛɛ hyɛ saminya! Nyɛ hɛ nɛ hi nyɛ he nɔ ngɛ níhi nɛ nyɛ na kɛ nyɛ nitsɛmɛ nyɛ hɛngmɛ ɔ a he. Nyɛ hɛ ko je nɔ ligbi ko ligbi ko nyɛ wami be tsuo. Nyɛɛ tsɔɔ nyɛ bimɛ, kɛ nyɛ bibimɛ nɛ a le,

Mose V, 6:1

“Mlaahi nɛ Yawɛ, nyɛ Mawu ɔ fa mi ke ma tsɔɔ nyɛ ji nɛ ɔmɛ nɛ. Nyɛɛ ye a nɔ ngɛ zugba a nɛ nyɛ yaa ngɔ nɛ nyɛɛ hi nɔ ɔ nɔ.

Mose V, 11:9

Ke nyɛ pee ja a, nyɛ se maa kɛ ngɛ zugba kpakpa nɛ baa ní saminya nɛ Yawɛ wo si ke e ma ngɔ ha nyɛ nɛmɛ ɔmɛ kɛ a nina a nɔ.

La 91:16

Kpakpa nɛ ma pee lɛ ji, ma ha nɛ e wami se maa kɛ, nɛ ma he e yi wami.”

Ezekiel 20:19

Imi ji Yawɛ, nyɛ Mawu ɔ nɛ. Nyɛɛ ye ye mlaa amɛ, kɛ blɔ nya tomi ɔmɛ a nɔ.

Mose V, 6:24

Lɔ ɔ he ɔ, Yawɛ fa wɔ ke waa ye mlaa nɛ ɔmɛ tsuo a nɔ, nɛ waa ye lɛ gbeye, konɛ e hi ha wɔ nitsɛmɛ, nɛ wa yi nɛ na wami daa kaa bɔ nɛ e ngɛ mwɔnɛ ɔ.

Mose V, 15:5

Ke o maa bu Yawɛ, o Mawu ɔ gbi tue, nɛ o maa ye nɔ́ tsuaa nɔ́ nɛ i ngɛ mo he mlaa woe mwɔnɛ ɔ nɔ pɛpɛɛpɛ ɔ, o be ohia yee.

Mose V, 30:19

Lɔ ɔ he ɔ, i ngɔ wami kɛ gbenɔ kɛ ngɛ nyɛ hɛ mi fɔe; i ngɔ Mawu gbaami kɛ gbiɛmi hu kɛ ngɛ nyɛ hɛ mi fɔe; nɛ i ngɛ hiɔwe kɛ zugba odase tsɛe ngɛ nɔ́ nɛ nyɛ maa hla a he. Nyɛɛ ngɔ wami.

Mose V, 30:20

Nyɛɛ suɔ Yawɛ, nyɛ Mawu ɔ; nyɛɛ bu lɛ tue, nɛ nyɛ pee e suɔmi nya ní pɛpɛɛpɛ. Ke nyɛ pee ja a, zugba a nɛ e wo nyɛ nɛmɛ Abraham, Isak, kɛ Yakob si ke e kɛ ma ha mɛ ɔ, nyɛɛ kɛ nyɛ nina maa hi nɔ.”

Yoshua 4:24

Enɛ ɔ ma ha je ɔ tsuo maa na Yawɛ he wami ɔ, nɛ nyɛ maa ye Yawɛ, nyɛ Mawu ɔ gbeye daa.”

Matsɛmɛ I, 8:40

bɔ nɛ pee nɛ o ma mi bi ɔmɛ nɛ a bu mo ligbi abɔ nɛ a ngɛ zugba a nɛ o ngɔ ha wa nɛmɛ ɔmɛ ɔ nɔ ɔ.

Abɛ Womi 9:11

Ejakaa nile ma ha nɛ a fɔ o ligbi ɔmɛ a nɔ, nɛ o wami se maa kɛ.

Yeremia 32:39

Ma ha nɛ mɛ tsuo a maa pee a yi mi kake, nɛ a maa wo ye hɛ mi nyami daa. Ke a pee ja a, e maa hi ha mɛ nitsɛmɛ kɛ a nina.