Mose V, 6:18 - BAIBLO ALOO NGMAMI KLƆUKLƆU Ɔ

¹⁸ Nɔ́ tsuaa nɔ́ nɛ Yawɛ de ke e da, loo e hi ɔ, nyɛɛ pee. Ke nyɛ pee ja a, e maa hi ha nyɛ, nɛ nyɛ ma nyɛ ya ngɔ zugba kpakpa a nɛ Yawɛ wo nyɛ nɛmɛ ɔmɛ si ke e ma ha mɛ ɔ;

Mose V, 6:18 ပူးပေါင်းရင်းမြစ်များ

Mose V, 4:40

Nyɛɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ, konɛ e hi ha nyɛɛ kɛ nyɛ nina. Ke nyɛ ye a nɔ ɔ, nyɛ maa hi zugba nɛ Yawɛ, nyɛ Mawu ɔ kɛ ngɛ nyɛ hae ɔ nɔ daa.”

Mose V, 12:25

Ke nyɛ ye mlaa nɛ ɔ nɔ ɔ, Yawɛ bua maa jɔ, nɛ nɔ́ tsuaa nɔ́ maa hi ha nyɛɛ kɛ nyɛ nina tsuo.

Romabi 12:2

Nyɛ ko ba nyɛ je mi kaa je mi bi ɔmɛ hu; se mohu nyɛ ha Mawu nɛ tsake nyɛ juɛmi, konɛ nyɛ yɔse níhi nɛ ji Mawu suɔmi nya ní kpakpahi nɛ sa e hɛ mi saminya, nɛ hi kɛ pi si ɔ.

Mose V, 5:29

I ná nɛ ma a na juɛmi daa kikɛ nɛ ɔ, nɛ a wo ye hɛ mi nyami be tsuaa be, nɛ a ye ye mlaa amɛ tsuo a nɔ, konɛ nɔ́ tsuaa nɔ́ nɛ hi ha mɛ kɛ a nina kɛ ya neneene!’

Yohane 8:29

Tsɛ ɔ nɛ tsɔ mi ɔ kɛ mi ngɛ; e si we imi nɔ kake too, ejakaa i peeɔ e suɔmi nya ní.”

Ezekiel 33:19

Ke yayami peelɔ kpa yayami peemi, nɛ e pee nɔ́ nɛ da, nɛ e ye dami sane ɔ, e he e yi wami.

Hosea 14:9

Mɛnɔ ji ní lelɔ? Ha nɛ e nu ní nɛ ɔmɛ a sisi. Mɛnɔ lɛ nuɔ nɔ́ sisi? Ha nɛ e yɔse. Ejakaa Yawɛ blɔ ɔmɛ da tlɔmɔɔ, nɛ nihi nɛ peeɔ nɔ́ nɛ da a nyɛɛɔ nɔ tɛɛ. Se yayami peeli lɛɛ a tɛɔ nɔ́, nɛ a nɔɔ si.

Ezekiel 33:16

Yayami nɛ e pee ɔ, ma ngɔ kɛ pa lɛ, nɛ e yi ma na wami; ejakaa e pee nɔ́ nɛ da, nɛ e ye dami sane.

Ezekiel 33:14

Ke i bɔ yayami peelɔ kɔkɔ kaa e ma gbo, kɛkɛ nɛ e kpa yayami peemi, nɛ e bɔni nɔ́ nɛ da peemi kɛ dami sane yemi ɔ, e be gboe; e yi ma na wami.

Ezekiel 18:27

Jehanɛ hu, ke nɔ nɛ peeɔ yayami kpa yayami peemi, nɛ e ye dami sane, nɛ e pee nɔ́ nɛ da a, e ma he e yi wami.

Ezekiel 18:21

“Ke yayami peelɔ kpa yayami peemi, nɛ e yeɔ ye mlaa a nɔ, nɛ e peeɔ nɔ́ nɛ da a, e be gboe; niinɛ, e yi ma na wami.

Ezekiel 18:5

“Ke nɔ ko ji dalɔ ɔ, e yeɔ dami sane, nɛ e peeɔ nɔ́ nɛ da.

Yesaya 3:10

Nihi nɛ peeɔ nɔ́ nɛ da a, a bua maa jɔ, nɛ a nɔ́ tsuaa nɔ́ maa ya nɔ saminya. A maa ye a dengme gbomi mi ngɔɔmi.

La 19:11

Ke i ye mlaa amɛ a nɔ ɔ, imi o tsɔlɔ ɔ, i naa nile, kɛ se nami kpahi babauu.

Mose V, 13:18

Ke nyɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ, nɛ nyɛ pee nɔ́ nɛ e ngɛ hlae ɔ, Yawɛ maa pee ní nɛ ɔmɛ ha nyɛ.

Mose V, 12:28

Nɔ́ tsuaa nɔ́ nɛ i fa nyɛ ke nyɛɛ pee, nɛ i wo nyɛ mlaa ngɛ he ɔ, nyɛɛ ye nɔ fitsofitso; kɛkɛ ɔ, níhi a mi maa hi ha nyɛ kɛ nyɛ nia tsuo kɛ maa ya neneene; ejakaa ke nyɛ pee ja a, nyɛ ngɛ nɔ́ nɛ da, kɛ nɔ́ nɛ saa Yawɛ, nyɛ Mawu ɔ hɛ mi pee.

Mose V, 8:11

“Nyɛɛ hyɛ nɛ hi nɛ nyɛ hɛ ko je Yawɛ, nyɛ Mawu ɔ nɔ. Nyɛ hɛ nɛ hi mlaa amɛ nɛ i ngɛ nyɛ woe mwɔnɛ ɔ a nɔ, nɛ nyɛɛ ye a nɔ.

Mose V, 5:33

Nyɛɛ ye nɔ́ nɛ Yawɛ fa nyɛ ɔ tsuo nɔ pɛpɛɛpɛ, konɛ nyɛɛ hi je mi, nɛ níhi a mi nɛ hi ha nyɛ; lɔ ɔ loko nyɛ se maa kɛ ngɛ zugba a nɛ nyɛ yaa ngɔ ɔ nɔ.

Mose II, 15:26

E de mɛ ke, “Ke nyɛ maa bu Yawɛ, nyɛ Mawu ɔ tue, nɛ nyɛ maa pee nɔ́ nɛ da ngɛ e hɛ mi, nɛ nyɛ maa ye e kita amɛ, kɛ e mlaa amɛ tsuo a nɔ ɔ, lɛɛ hiɔ ɔmɛ nɛ i kɛ gbla Egipt bi ɔmɛ a tue ɔ, ekoeko be nyɛ nɔ bae. Imi ji Yawɛ; imi ji nyɛ tsalɔ.”

Ezekiel 18:19

“Se nyɛ biɔ ke, Mɛni he je bi nɛ́ nɔ́ ngɛ e tsɛ yayamihi nɛ e pee ɔ a he ɔ? Ke bi ko yeɔ dami sane, nɛ e peeɔ nɔ́ nɛ da, nɛ e yeɔ mlaa amɛ a nɔ ɔ, niinɛ, e yi ma na wami.

Mose V, 6:19

e maa fie nyɛ he nyɛli ɔmɛ tsuo kɛ je nyɛ blɔ nɔ kaa bɔ nɛ e wo si ɔ.

Yesaya 38:3

“Yawɛ, i kpa mo pɛɛ nɛ o kai bɔ nɛ i ba ye je mi ngɛ o hɛ mi, bɔ nɛ i ye mo anɔkuale, bɔ nɛ i sɔmɔ mo kɛ ye tsui tsuo, kɛ bɔ nɛ i pee o suɔmi nya ní.” Nɛ Hezekia fo ya kɛ he hiami.

Mose V, 6:10

“Kaa bɔ nɛ Yawɛ wo nyɛ nɛmɛ Abraham, Isak, kɛ Yakob si ke e ma ha nyɛ zugba ko kɛ e nɔ mahi nɛ pi nyɛ nɛ nyɛ po,