Mose V, 6:15 - BAIBLO ALOO NGMAMI KLƆUKLƆU Ɔ

¹⁵ Yawɛ, nyɛ Mawu ɔ nɛ kɛ nyɛ nyɛɛ ɔ, a kɛ lɛ plee we nɔ́ he. Lɔ ɔ he ɔ, ke nyɛ ya nyɛɛ mawu kpahi a se ɔ, e mi mi ma fu nyɛ, nɛ e ma kpata nyɛ hɛ mi pɛsɛpɛsɛ kaa bɔ nɛ la sãã nɔ́ ɔ.

Mose V, 6:15 ပူးပေါင်းရင်းမြစ်များ

Mose V, 4:24

Ejakaa Yawɛ, nyɛ Mawu ɔ ngɛ kaa la nɛ ngɛ tsoe plamplam; a kɛ lɛ plee we nɔ́ he.

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Mose V, 11:17

Ke nyɛ pee ja a, Yawɛ mi mi ma fu nyɛ. E be hae nɛ hiɔmi maa nɛ hu, nɛ zugba a ma gbli, nɛ e be ní bae hu. Kɛkɛ ɔ, e be kɛe nɛ hwɔ ma kpata nyɛ hɛ mi ngɛ zugba kpakpa nɛ Yawɛ kɛ ngɛ nyɛ hae nɛ ɔ nɔ.

Mose V, 7:4

Ejakaa a ma kpaka nyɛ bimɛ ɔmɛ kɛ je Yawɛ he kɛ ya ja mawu kpahi. Ke e ba mi ja a, Yawɛ mi mi ma fu, nɛ e ma kpata nyɛ hɛ mi amlɔ.

Amos 9:8

Imi Nyɔmtsɛ Yawɛ, ye hɛngmɛ ngɛ Israel, ma nɛ peeɔ yayami nɛ ɔ hyɛe. Ma kpata nyɛ hɛ mi pɛsɛpɛsɛ, nɛ ma bɛɛ nyɛ kɛ maa je je ɔ mi. Se kɛ̃ ɔ, i be Yakob nina a tsuo a hɛ mi kpatae. Imi, Yawɛ lɛ i de.

Amos 3:2

Yawɛ ke, “Ngɛ je ma amɛ tsuo a kpɛti ɔ, nyɛ pɛ ji ma nɛ i je blɔ hla, nɛ i ngɛ nɔ hyɛe. Enɛ ɔ ha nɛ nyɛ he yayami ɔ kle agbo, nɛ e hia kaa ma gbla nyɛ tue wawɛɛ nitsɛ.”

La 90:11

Mɛnɔ lɛ le bɔ nɛ o mi mi fumi ɔ nya wa ha? Bɔ nɛ o he ngɛ gbeye ɔ, ja lɛ o mi mi fumi ɔ ngɛ.

La 90:7

O mi mi la a kpataa wa hɛ mi; o mi mi la a woɔ wa he gbeye.

Kronika II, 36:16

Se mɛɛ lɛɛ, Mawu tsɔli ɔmɛ a he fɛu mohu a yeɔ; a bui Mawu munyu ɔ tue, nɛ e gbali ɔmɛ hu muɔ sɔuu a hii mɛ muɔe hluu kɛ ya si be nɛ Yawɛ mi mi ba fu e ma a wawɛɛ nitsɛ nɛ nɔ́ ko hi peemi ngɛ he hu.

Matsɛmɛ I, 13:34

Yayami nɛ ɔ nɛ Yeroboam pee ɔ, ha e matsɛ yemi ɔ, kɛ e we ɔ tsuo a hɛ mi kpata.

Mose V, 5:9

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛɔ mi ɔ, kɛ a bimɛ, kɛ a bibimɛ a tue hluu kɛ ya siɔ yi nɔ etɛne kɛ eywiɛne bimɛ a nɔ;

Mose II, 32:12

Mɛni he je nɛ o ma ha nɛ Egipt bi ɔmɛ ma de ke, ‘E to yi mi yaya kaa e ma kpata e ma a hɛ mi ngɛ yo ɔmɛ a nɔ; lɔ ɔ he je nɛ e ya je mɛ kɛ je Egipt ɔ nɛ.’ Ha nɛ o mi mi fumi ɔ nya nɛ ba si, nɛ o kpale o nya se ngɛ yayami nɛ jinɛ o to kaa o maa pee o ma a he.

Mose I, 7:4

Hiɛmɛ nɛ ɔ otsi ɔ, ma ha nɛ hiɔmi maa nɛ ngɛ je ɔ mi nyɔ kɛ pia ligbi nyingmi eywiɛ, nɛ ma kpata níhi tsuo nɛ i bɔ nɛ wami ngɛ a mi ɔ a hɛ mi.”

1 Korintobi 10:22

Pe wa ngɛ hlae nɛ waa wo Nyɔmtsɛ ɔ mi mi la nɛ e je hunga lo? Anɛ wa he wa pe lɛ lo?

Yeremia 7:6

Nyɛ ko wa nibwɔhi, loo awusahi, loo yalɔyihi yi mi. Nyɛ ko pue nɔ ko muɔ si yaka gu ngɛ zugba nɛ ɔ nɔ. Nyɛ ko ya nyɛɛ mawu kpahi a se; ke nyɛ pee ja a, nyɛ hɛ mi ma kpata.

Yeremia 28:16

Lɔ ɔ he ɔ, Yawɛ nitsɛ ke e ma je mo kɛ je je ɔ mi. O ma gbo jeha nɛ ɔ mi nɔuu, ejakaa o de ma a ke a tsɔ atuã kɛ wo Yawɛ.”

Mose IV, 35:34

Nyɛ ko ble zugba nɛ nyɛ ngɛ nɔ ɔ, he nɛ imi hu i hii ɔ; ejakaa imi ji Yawɛ, nɛ Israel bi ɔmɛ a kpɛti lɛ i hii.”

Yoshua 23:12

Ke nyɛ kpale ngɛ e se, nɛ nyɛɛ kɛ je ma amɛ nɛ piɛ ngɛ nyɛ kpɛti ɔ ya bɔ, nɛ nyɛ ha nyɛ yi ɔmɛ gba mɛ, nɛ nyɛ hu nyɛ ngɔ a yi ɔmɛ ɔ,

Yoshua 23:16

Ke nyɛ yi somi nɛ Yawɛ, nyɛ Mawu ɔ kɛ nyɛ so ɔ nɔ, nɛ nyɛ ya sɔmɔ mawu kpahi, nɛ nyɛ ja mɛ ɔ, lɔ ɔ lɛɛ e kɛ abofu maa gbla nyɛ tue, nɛ e be kɛe kulaa nɛ nyɛ ti nɔ ko nɔ ko be piɛe ngɛ zugba kpakpa nɛ ɔ nɛ e ngɔ ha nyɛ ɔ nɔ.”