Mose V, 6:14 - BAIBLO ALOO NGMAMI KLƆUKLƆU Ɔ

¹⁴ Nyɛ ko ya nyɛɛ je ma amɛ nɛ bɔle nyɛ ɔ a mawu ɔmɛ a se.

Mose V, 6:14 ပူးပေါင်းရင်းမြစ်များ

Matsɛmɛ II, 17:35

Yawɛ kɛ mɛ so, nɛ e de mɛ ke, “Nyɛ ko ja mawu kpahi, nyɛ ko sɔmɔ mɛ, nɛ nyɛ ko sã bɔ ha mɛ!

La 44:20

Kaa pe wa hɛ je mo, wa Mawu ɔ o nɔ, nɛ wa ya ja ma se mawu ko ɔ,

Mose II, 20:3

“Ko ja mawu ko kɛ piɛ ye he.

Yeremia 25:6

A de nyɛ ekohu ke nyɛ ko ya nyɛɛ mawu kpahi a se; nyɛ ko sɔmɔ mɛ, nɛ nyɛ ko ja mɛ. Jehanɛ se hu, nyɛ ko puɛ amagahi nɛ nyɛ kɛ ba wo Yawɛ mi mi la. E ji nyɛ bu Yawɛ tue jinɛ lɛ hu e ko gbla we nyɛ tue.

Yeremia 35:15

Daa nɛ ɔ, i tsɔɔ ye tsɔli gbali ɔmɛ kɛ baa nyɛ ngɔ. A ba deɔ nyɛ ke nyɛɛ kpale kɛ je nyɛ blɔ yayami ɔmɛ a nɔ, nɛ nyɛɛ pee nɔ́ nɛ da. A bɔ nyɛ kɔkɔ ke nyɛ ko ja mawu kpahi, nɛ nyɛ ko sɔmɔ mɛ hulɔ, bɔ nɛ pee nɛ nyɛɛ hi zugba a nɛ i ha nyɛɛ kɛ nyɛ nɛmɛ ɔmɛ ɔ nɔ. Se nyɛ bui mi tue, nɛ ye munyu ɔmɛ hu nyɛ ngɔɛ.

Yeremia 7:6

Nyɛ ko wa nibwɔhi, loo awusahi, loo yalɔyihi yi mi. Nyɛ ko pue nɔ ko muɔ si yaka gu ngɛ zugba nɛ ɔ nɔ. Nyɛ ko ya nyɛɛ mawu kpahi a se; ke nyɛ pee ja a, nyɛ hɛ mi ma kpata.

Mose V, 11:28

se e maa pee gbiɛmi, ke nyɛ yi mlaa nɛ ɔmɛ a nɔ, nɛ nyɛ kpale kɛ ya ja mawu kpahi nɛ nyɛ ja we mɛ hyɛ ɔ.

Mose V, 13:7

A ti nɔ ko ma nyɛ maa mlɔɔ mo nɛ o ma ya ja nihi nɛ ngɛ nyɛ kasa nya, aloo nihi nɛ ngɛ tsitsaa a mawu ɔmɛ ekomɛ.

Mose V, 5:7

“ ‘Ko ja mawu ko kɛ piɛ ye he.

Mose V, 8:19

Nyɛ hɛ ko je Yawɛ, nyɛ Mawu ɔ nɔ kɔkɔɔkɔ; nyɛ ko nyɛɛ mawu kpahi a se; nyɛ ko ya ja mɛ, nɛ nyɛ ko sɔmɔ mɛ. Ke nyɛ pee ja a, lɛɛ i ngɛ nyɛ kɔkɔ bɔe mwɔnɛ ɔ kaa a ma kpata nyɛ hɛ mi.

Yoshua 23:7

bɔ nɛ pee nɛ nyɛɛ kɛ je ma nɛ ɔmɛ nɛ piɛ ngɛ nyɛ kpɛti ɔ ko bɔ. Nyɛ ko wo a mawu ɔmɛ a ta, nɛ nyɛɛ kɛ a biɛhi kó ka kita; nyɛ ko ja mɛ, nɛ nyɛ ko kpla si ha mɛ.

1 Yohane 5:21

Ye bimɛ nɛ i suɔ! Nyɛɛ hyɛ nyɛ he nɛ hi ngɛ amagahi a he!