Mose V, 6:12 - BAIBLO ALOO NGMAMI KLƆUKLƆU Ɔ

¹² nyɛɛ hyɛ nɛ hi, nɛ nyɛ hɛ ko je Yawɛ nɔ. Ejakaa lɛ nɛ je nyɛ kɛ je Egipt zugba a nɔ, he nɛ a ye nyɛ nyɔguɛ ngɛ ɔ.

Mose V, 6:12 ပူးပေါင်းရင်းမြစ်များ

Matsɛmɛ II, 17:36

Nyɛɛ ye imi Yawɛ mohu gbeye; ejakaa imi nɛ i kɛ he wami kɛ kɔni si wami je nyɛ kɛ je Egipt zugba a nɔ. Nyɛ ja mi, nɛ nyɛɛ sã bɔ kɛ ha mi.

Matsɛmɛ II, 17:38

somi nɛ i kɛ nyɛ so ɔ hu nyɛ hɛ ko je nɔ.

Hiob 8:13

Nimlihi nɛ a hɛ je Mawu nɔ ɔ, a ngɛ kaa ngɔwu nɛ ɔmɛ pɛ. Ke o li Mawu ɔ, o be hɛ nɔ kami ko.

La 103:2

Ma je Yawɛ yi! Ní kpakpahi nɛ e peeɔ ha mi ɔ, ye hɛ be nɔ jee gblegbleegble.

La 44:17

Ní nɛ ɔmɛ tsuo ba wa nɔ, se kɛ̃ ɔ, wa hɛ ji o nɔ, nɛ somi nɛ o kɛ wɔ so ɔ hu wa tɔ̃ we nɔ.

La 59:11

Nyɔmtsɛ, wa yi baalɔ, koo gbe mɛ; ke o pee ja a, e be kɛe nɛ ye ma a hɛ maa je nɔ, a hɛ maa je nɔ́ nɛ o pee nɛ ɔ nɔ. Ngɔɔ o he wami ɔ kɛ ha nɛ a didaa, nɛ o ngɔ mɛ kɛ fiaa si.

La 78:7

Kɛkɛ ɔ, mɛ hu a maa ngɔ a hɛ kɛ fɔ Mawu nɔ. Níhi nɛ e tsu ha mɛ ɔ, a hɛ be nɔ jee, nɛ a maa ye e mlaa amɛ a nɔ daa;

Mose II, 13:14

Hwɔɔ se ke nɔ ko binyumu bi lɛ ke mɛni ji kusumi nɛ ɔ sisi ɔ, e de lɛ ke, ‘Yawɛ kɛ he wami kpetekpleenyɛ je wɔ kɛ je nyɔguɛ yemi sisi ngɛ Egipt.

Mose II, 13:3

Mose de ma a ke, “Nyɛ kai kikɛmɛ a ligbi nɛ ɔ nɛ nyɛ hia kɛ je Egipt, kɛ je nyɔguɛ yemi sisi ɔ. Ligbi nɛ ɔ nɛ Yawɛ kɛ he wami kpetekpleenyɛ je nyɛ kɛ je lejɛ ɔ nɛ. Nyɛ ko ye masa ní ngɛ ligbi nɛ ɔ nɔ.

Mose II, 6:6

Lɔ ɔ he ɔ, yaa nɛ o ya de Israel bi ɔmɛ ke, ‘Imi ji Yawɛ; ma je Egipt bi ɔmɛ a tlomi ɔmɛ kɛ je nyɛ nɔ, nɛ ma kpɔ nyɛ kɛ je a nyɔguɛ yemi ɔ sisi. Ma kpã ye nine mi kɛ he wami, nɛ ma ye dami sane ha nyɛ, nɛ ma kɛ kpɔ nyɛ.

Abɛ Womi 30:9

Ke i na ní kpɔtɔɔ ɔ, ma kua mo, nɛ ma de ke, “Mɛnɔ kulaa ji Yawɛ nɛ ɔ?” Jã kɛ̃, ke i ye ohia a, ma ju, nɛ ma wo ye Mawu ɔ he mu.

Yesaya 17:10

Israel Mawu ɔ nɛ kpɔ mo kɛ je o he nyɛli a dɛ mi, nɛ e pee kaa tɛ sa nguaa ko ha mo ɔ, o hɛ je e nɔ. Lɔ ɔ he ɔ, o ngɛ ngmɔhi nɛ ngɛ fɛu pee, nɛ o ngɛ ma se tsohi due ngɛ a mi.

Yesaya 51:13

Anɛ Yawɛ, nɔ nɛ bɔ mo, nɛ e pee hiɔwe ploplooplo, nɛ e ngɔ zugba a sisi tomi ɔmɛ ngɔ ma si ɔ, o hɛ je e nɔ lo? Nihi nɛ ngɛ mo yi mi wae, nɛ a pee klaalo kaa a ma kpata o hɛ mi ɔ, mɛni he je o ngɛ mɛ mohu gbeye yee ɔ? A be nyɛe maa pee mo nɔ ko hu.

Yeremia 34:13

Israel Mawu ɔ de mi ke ma ya de ma a ke, “Benɛ i ya je nyɛ nɛmɛ ɔmɛ kɛ je Egipt zugba a nɔ, nɛ i ha nɛ a ye a he kɛ je nyɔguɛ si himi mi ɔ, i kɛ mɛ so somi ko. I de mɛ ke

Hosea 2:13

Ma gbla Gomer tue ngɛ níhi nɛ e pee be ko ɔ a he. Ke pee ɔ, Gomer ma dla e he saminyayoo kɛ nguɛ ní, kɛ june kpakpa, nɛ e ma ya sã tsopa kɛ e he via ha Baal. E ma dla e he saminyayoo kikɛ nɛ ɔ, nɛ e ma ya hi e pla amɛ a nɔ kpae; kɛkɛ ɔ, e hɛ maa je ye nɔ pɛsɛpɛsɛ. Ma gbla e tue ngɛ ní nɛ ɔmɛ a he. Yawɛ lɛ de.

Mose IV, 15:39

Deke nɛ ɔmɛ maa pee kaimi nɔ́ kɛ ha nyɛ. Ke nyɛ hyɛ mɛ pɛ nyɛ ma kai Yawɛ mlaa amɛ tsuo, nɛ nyɛ maa ye a nɔ, konɛ nyɛ ko je ye se kɛ ya nyɛɛ basabasa kɛ pee nyɛ suɔmi nya ní.

Mose V, 32:18

A Mawu ɔ nɛ baa a yi, nɛ́ he a yi wami ɔ, a hɛ je a nɔ.

Mose V, 4:23

Nyɛɛ hyɛ nɛ hi, konɛ nyɛ hɛ ko je somi nɛ Yawɛ, nyɛ Mawu ɔ kɛ nyɛ so ɔ nɔ. Mlaa nɛ e wo nyɛ ke nyɛ ko pee amaga ko ɔ, nyɛɛ ye nɔ.

Mose V, 4:9

Nyɛɛ hyɛ saminya! Nyɛ hɛ nɛ hi nyɛ he nɔ ngɛ níhi nɛ nyɛ na kɛ nyɛ nitsɛmɛ nyɛ hɛngmɛ ɔ a he. Nyɛ hɛ ko je nɔ ligbi ko ligbi ko nyɛ wami be tsuo. Nyɛɛ tsɔɔ nyɛ bimɛ, kɛ nyɛ bibimɛ nɛ a le,

Mose V, 8:10

Nyɛ ma na ní maa ye maa tɔ; nɛ nyɛ maa na Yawɛ, nyɛ Mawu ɔ si ngɛ zugba nɛ baa ní saminya nɛ e ha nyɛ ɔ he.

Kolosebi 2:8

Nyɛɛ hyɛ nɛ hi nɛ nɔ ko kó ngɔ je mi nile, loo yaka sisimi kɛ ye nyɛ nyɔguɛ. Blema tsɔɔmihi, kɛ mumihi nɛ yeɔ je ɔ nɔ ɔ, a ngɔ ní nɛ ɔmɛ je, se pi Kristo ngɔ.

Manyadali 2:12

A kua Yawɛ, a nɛmɛ a Mawu ɔ nɛ je mɛ kɛ je Egipt zugba a nɔ ɔ; nɛ a ya nyɛɛ mawu kpahi nɛ ji nihi nɛ bɔle mɛ ɔ a mawu ɔmɛ a se. A ja mɛ, nɛ a kɛ nɔ́ nɛ ɔ wo Yawɛ mi mi la.