Mose V, 5:3 - BAIBLO ALOO NGMAMI KLƆUKLƆU Ɔ

³ Pi e kɛ wa nɛmɛ ɔmɛ kɛkɛ, se wɔ tsuo pɛpɛɛpɛ nɛ wa ngɛ je mi mwɔnɛ ɔ.

Mose V, 5:3 ပူးပေါင်းရင်းမြစ်များ

Mateo 13:17

Niinɛ, i ngɛ nyɛ dee ke gbali, kɛ Mawu bimɛ babauu hla kaa a maa na níhi nɛ nyɛ ngɛ hyɛe nɛ ɔ, se a nɛ́; a hla kaa a maa nu níhi nɛ nyɛ ngɛ nue nɛ ɔ, se a nui.

Mose I, 17:21

Se o binyumu Isak nɛ Sara ma fɔ ha mo hiɛmɛ nɛ ɔ jeha a, ma ma ye somi ɔ nɔ mi ha lɛ.”

Mose I, 17:7

“Si nɛ i wo mo nɛ ɔ maa pee neneene somi; ma ye nɔ ha mo kɛ yaa si yi nɔhi nɛ maa ba ngɛ o se ɔ a nɔ. Ma pee o Mawu kɛ o nina hu a Mawu.

Mose V, 29:1

Somi nɛ Yawɛ fa Mose ke e kɛ Israel bi ɔmɛ nɛ a so ngɛ Moab zugba a nɔ ɔ mi munyu komɛ ji nɛ ɔmɛ nɛ. E slo somi nɛ Yawɛ nitsɛ kɛ Israel ma a so ngɛ Sinai yo ɔ he ɔ.

Yeremia 31:32

Somi nɛ ɔ maa je kpa ngɛ somi nɛ i kɛ a nɛmɛ ɔmɛ so ɔ he. Benɛ i kɛ a nɛmɛ ɔmɛ so ɔ, jamɛ a be ɔ nɛ i nu a kɔni si nɛ i kpaka mɛ kɛ je Egipt zugba a nɔ. I kɛ mɛ hi si kaa a huno, se somi nɛ i kɛ mɛ so ɔ lɛɛ a yi nɔ fɛɛ.

Yeremia 34:13

Israel Mawu ɔ de mi ke ma ya de ma a ke, “Benɛ i ya je nyɛ nɛmɛ ɔmɛ kɛ je Egipt zugba a nɔ, nɛ i ha nɛ a ye a he kɛ je nyɔguɛ si himi mi ɔ, i kɛ mɛ so somi ko. I de mɛ ke

Mose V, 29:9

Lɔ ɔ he ɔ, nyɛɛ ye somi ɔ mi munyu ɔmɛ tsuo a nɔ pɛpɛɛpɛ, bɔ nɛ pee nɛ nyɛɛ ye manye ngɛ nɔ́ tsuaa nɔ́ nɛ nyɛ maa pee mi.