Mose V, 5:26 - BAIBLO ALOO NGMAMI KLƆUKLƆU Ɔ

²⁶ Anɛ nɔmlɔ adesa ko kɛ Mawu tu munyu kɛ je la mi nɛ e hi je mi hɛ ngmengmle hyɛ kaa bɔ nɛ wa na nɛ ɔ lo?

Mose V, 5:26 ပူးပေါင်းရင်းမြစ်များ

Mose I, 32:31

Benɛ Yakob je Peniel ɔ, pu gba; nɛ e gbongu ɔ nɛ huã he je ɔ, e nyɛ we nɛ e nyɛɛ tutuutu.

Mose I, 6:12

Kɛkɛ nɛ Mawu na kaa je ɔ puɛ, ejakaa nimli ɔmɛ tsuo ngɛ yayami pee.

La 42:2

Mawu hɛngmengmletsɛ, o he kuma ngɛ mi yee. Mɛni be po ma ba su o ngɔ nɛ ma ja mo?

La 42:3

Ya sɔuu i ngɛ foe nyɔ kɛ pia. Ye vo nyu ba pee ye niye ní; ejakaa nihi ngɛ mi bie kpamisa ke, “Jije o Mawu ɔ ngɛ?”

La 84:2

I na nɛ i ba lejɛ ɔ! Ye hɛ ngɛ jae ngɛ mo Yawɛ o we ɔ he. Imi nɔmlɔ ɔ tsuo i ngɛ lae kɛ bua jɔmi kɛ ngɛ Yawɛ yi jee.

Mose II, 20:22

Yawɛ fa Mose ke e ya de Israel bi ɔmɛ ke, “Nyɛ nitsɛmɛ nyɛ na kaa hiɔwe nɛ i kɛ nyɛ tu munyu kɛ je ɔ nɛ.

Yesaya 40:6

Gbi ko ngɛ pɛe ke, “Moo fiɛ!” I bi ke, “Kɛ ma fiɛ kɛɛ?” Moo fiɛ ke, “Nimli adesahi tsuo ngɛ kaa nga, nɛ a he fɛu tsuo ngɛ kaa mɔmɔ ngɛ nga nɔ.

Yeremia 10:10

Se mo Yawɛ, Mawu nitsɛnitsɛ ji mo; mo ji Mawu hɛ kalɔ ɔ nɛ; neneene matsɛ ji mo. Ke o mi mi fu ɔ, zugba mimiɛɔ, nɛ je ma amɛ nyɛ we nya dami.

Daniel 6:26

I ngɛ mlaa woe ke nɔ tsuaa nɔ nɛ ye Daniel Mawu ɔ gbeye, nɛ e bu lɛ ngɛ ye matsɛ yemi he ɔ tsuo. “Mawu hɛ kalɔ ji lɛ, nɛ e ngɛ kɛ yaa neneene. E matsɛ yemi ɔ hɛ mi be kpatae kɔkɔɔkɔ, nɛ e he wami ɔ se be poe gblegbleegble.

Mateo 26:63

Se Yesu pɛ̃ e nya mi. Osɔfo nɔkɔtɔma pe kulaa a kɛ lɛ tu munyu ekohu ke, “I ngɛ mo kita kae ngɛ Mawu hɛ kalɔ ɔ biɛ mi kaa ke mo ji Kristo, Mawu Bi ɔ, de wɔ!”

Ni Tsumi 14:15

“Tsaatsɛmɛ, mɛni nyɛ ngɛ pee nɛ ɔ? Wɔ hu nimli adesahi kɛkɛ ji wɔ kaa nyɛ nɔuu. Wa ngɛ sane kpakpa a fiɛe kɛ ngɛ nyɛ tsɔɔe, konɛ nyɛɛ kpale nyɛ se kɛ je kikɛmɛ a ní nɛ ɔmɛ nɛ a he be se nami ɔ a he kɛ ba Mawu hɛ kalɔ ɔ ngɔ. Lɛ nɛ e bɔ hiɔwe, kɛ zugba, kɛ wo, kɛ níhi tsuo nɛ ngɛ a mi ɔ.

Romabi 3:20

Ejakaa ke nɔ ko ye mlaa a nɔ ɔ, lɔ ɔ tsɔɔ we kaa Mawu buu lɛ nɔ nɛ da; nɔ́ nɛ mlaa a tsuɔ ji kaa e haa nɔ leɔ kaa e pee yayami.

2 Korintobi 6:16

Mɛni kake peemi ngɛ Mawu sɔlemi we ɔ kɛ amagahi a kpɛti? Ejakaa wɔɔ lɛɛ Mawu hɛ kalɔ ɔ sɔlemi we ji wɔ! Mawu de ke, “I kɛ ye ma a maa hi si; ma pee a Mawu, nɛ mɛ hu a maa pee ye ma.”

Mose V, 4:33

Anɛ ma ko nu mawu ko gbi hyɛ nɛ e kɛ mɛ tu munyu kɛ je la mi nɛ a gbo we, se a ngɛ hɛ ngmengmle kaa bɔ nɛ nyɛ ngɛ nɛ ɔ lo?

Mose V, 5:27

Mose, moo kpale kɛ ho nɛ o ya bu nɔ́ tsuaa nɔ́ nɛ Yawɛ ma de mo ɔ tue, konɛ o ba de wɔ nɔ́ nɛ e de mo ɔ. Wa maa bu mo tue, nɛ wa maa ye nɔ.’

1 Tesalonikabi 1:9

Ni ɔmɛ tsuo yeɔ nyɛ he odase kpakpa kaa benɛ wa ba slaa nyɛ ɔ, nyɛ he wɔ atuu. Jehanɛ ɔ hu, nyɛ kpale kɛ je amagahi a se kɛ ba Mawu ngɔ, konɛ nyɛ ba sɔmɔ anɔkuale Mawu hɛ kalɔ ɔ.

Yoshua 3:10

Enɛ ɔ nyɛɛ kɛ maa le kaa Mawu hɛngmengmletsɛ ɔ ngɛ nyɛ kpɛti. Yawɛ maa fie Kanaan bi ɔmɛ, Hit bi ɔmɛ, Hiv bi ɔmɛ, Periz bi ɔmɛ, Girgash bi ɔmɛ, Amor bi ɔmɛ, kɛ Yebus bi ɔmɛ tsuo pɛpɛɛpɛ kɛ maa je nyɛ blɔ mi.

Manyadali 13:22

Manoa de e yo ɔ ke, “Pe wa gbo ɔ nɛ; ejakaa wa na Mawu.”

Samuel I, 17:26

David bi nyumu ɔmɛ nɛ daa si ngɛ e kasa nya a ke, “Nɔ nɛ maa gbe Filisti no nɛ ɔ, nɛ́ e ma je Israel kɛ je ahlua bɔmi nɛ ɔ mi ɔ, mɛni a maa pee ha lɛ? Mɛnɔ ji kikɛmɛ a Filisti no mɔmlɔtɔtsɛ nɛ ɔ, nɛ e ngɛ Mawu hɛ kalɔ ɔ tabo ɔmɛ ahlua bɔe kikɛ nɛ ɔ?”