Mose V, 5:25 - BAIBLO ALOO NGMAMI KLƆUKLƆU Ɔ

²⁵ Mɛni he je e sa nɛ wa wo wa he kɛ wo gbenɔ mi ekohu? La gegeege ɔ ma ngla wɔ pɛsɛpɛsɛ. Ke wa nu Yawɛ, wa Mawu ɔ gbi ekohu ɔ, wa ma gbo.

Mose V, 5:25 ပူးပေါင်းရင်းမြစ်များ

Mose I, 3:10

E he nɔ ke, “I nu o he ngɛ ngmɔ ɔ mi; ye tsui po, nɛ i ya laa ye he, ejakaa i hɛɛ ye he gu.”

Mose II, 20:18

Benɛ ma a tsuo nu hiɔwe simi ɔ, kɛ titimati pɛmi ɔ, nɛ a na oslabai la a, kɛ la su ku nɛ je ngɛ yo ɔ mi ɔ, a ye gbeye, nɛ a je ya da si ngɛ se banee.

Mose II, 20:19

Nɛ a de Mose ke, “Mo nitsɛ o kɛ wɔ nɛ tu munyu nɛ waa nu; ko ha nɛ Mawu kɛ wɔ nɛ tu munyu nɛ wa ba gbo.”

Galatabi 3:10

Nihi nɛ susuu kaa ja a ye Yuda bi a mlaa a nɔ doo loko a ma he a yi wami ɔ, a gbiɛ mɛ. Ejakaa ngmami ɔ deɔ ke, “Mlaahi tsuo nɛ a ngma ngɛ Mawu mlaa womi ɔ mi ɔ, nɔ nɛ ma tɔ kake ngmelu nɔ ɔ, a gbiɛ lɛ.”

Mose V, 18:16

“Ligbi ɔ nɛ nyɛ tsuo pɛpɛɛpɛ nyɛ bua nyɛ he nya ngɛ Sinai yo ɔ he ɔ, nyɛ kpa pɛɛ ke ma ko ha nɛ nyɛɛ nu Yawɛ munyu nɛ e ngɛ tue ɔ hu, loo nɛ nyɛɛ na bɔ nɛ e je e he kpo ngɛ la hleei ɔ mi ɔ; ejakaa nyɛ ye gbeye kaa nyɛ ma gbo.

Mose V, 18:17

Lejɛ ɔ nɛ Yawɛ de mi ke, ‘Nɔ́ nɛ a bi ɔ da saminya.

Mose V, 33:2

Yawɛ kple si kɛ je Sinai yo ɔ nɔ kaa pu nɛ gba ngɛ Edom yo ɔ nɔ, nɛ e tso ha e ma a kɛ je Paran yo ɔ he. Mawu bɔfohi akpe nyɔngma piɛ e he; a ngɛ kaa la nɛ ngɛ tsoe plamplam ngɛ e hiɔ nɔ.

Mose V, 5:24

‘Hyɛ kaa Yawɛ, wa Mawu ɔ ha nɛ wa na e we agboje, kɛ e hɛ mi nyami ɔ, benɛ wa nu e gbi nɛ e tu munyu kɛ je la a mi ɔ! Mwɔnɛ ɔ, wa na kaa ke Mawu kɛ nɔmlɔ adesa tu munyu po nɔmlɔ adesa ma nyɛ maa hi je mi hɛ ngmengmle.

Hebribi 12:19

Titimati ngɛ pɛe, nɛ nɔ ko ngɛ munyu tue. Benɛ a nu gbi ɔ, a kpa pɛɛ ke a ko de nɔ́ ko kɛ piɛ he hu.

Hebribi 12:29

ejakaa wa Mawu ɔ, la nɛ kpataa nɔ́ hɛ mi pɛsɛpɛsɛ ji lɛ.