Mose V, 5:14 - BAIBLO ALOO NGMAMI KLƆUKLƆU Ɔ

¹⁴ Ligbi nɛ ji kpaago ɔ ji Yawɛ, o Mawu ɔ Hejɔɔmi ligbi. Jamɛ a ligbi ɔ, ko tsu nɔ́ ko nɔ́ ko kulaa, mo nitsɛ jio, o binyumu jio, o biyo jio, o tsɔlɔ nyumu jio, o mawayo jio, o lohwe jio, nubwɔ nɛ ngɛ o ma a mi jio. Ha o tsɔlɔ nyumu, kɛ o mawayo hu nɛ a jɔɔ a he kaa bɔ nɛ mo hu o maa jɔɔ o he ɔ.

Mose V, 5:14 ပူးပေါင်းရင်းမြစ်များ

Mose I, 2:2

Mawu tsu ní ligbi ekpa, nɛ ligbi nɛ ji kpaago ɔ, e jɔɔ e he.

Nehemia 13:15

Jamɛ a be ɔ, i na ni komɛ ngɛ Yuda nɛ a ngɛ wai yiblii ngae ngɛ Hejɔɔmi ligbi ɔ nɔ. Ni komɛ hu ngɛ tlomi fie kɛ ngɛ a tejihi a nɔ woe kɛ yaa Yerusalem. Tlomi ɔmɛ ji nɛ ɔmɛ nɛ: blɛfo, wai, wai yiblii, ngmɔkɔ, kɛ ní kpa komɛ. I bɔ mɛ kɔkɔ ke Hejɔɔmi ligbi ɔ, a ko jua ní.

Nehemia 13:16

Tiro bi komɛ nɛ ngɛ Yerusalem ɔ, mɛ hu a ngɔɔ pa mi lo, kɛ nijua ní slɔɔtoslɔɔtohi babauu kɛ baa ma a mi, nɛ a ba juaa kɛ haa wa nyɛmimɛ Yuda bi ɔmɛ ngɛ Hejɔɔmi ligbi ɔ nɔ.

Nehemia 13:21

I bɔ mɛ kɔkɔ, nɛ i de mɛ ke, “Nyɛ ko ba hwɔ gbogbo ɔ se kɛ mlɛ kɛ yaa si je maa na hu. Ke nyɛ pee ja ekohu ɔ, ma ha a maa nuu nyɛ!” Kɛ je lɔ ɔ se ɔ, a bɛ lejɛ ɔ Hejɔɔmi ligbi ɔ hu.

Nehemia 5:5

Waa kɛ Yuda bi ɔmɛ tsuo ɔ, ni kake ji wɔ. Anɛ wa bimɛ tsɔwi ɔmɛ kɛ mɛ hu a bimɛ tsɔwi ɔmɛ sɔɛ lo? Se fimi nya a, e hia kaa waa jua wa bimɛ ɔmɛ kaa nyɔguɛhi. Wa jua wa biyi ɔmɛ ekomɛ momo kaa nyɔguɛhi, nɛ wa be nɔ́ ko nɔ́ ko hu; ejakaa a kpɔ wa zugba amɛ, kɛ wai ngmɔ ɔmɛ ngɛ wa dɛ.”

Mose II, 23:12

“Ligbi ekpa o kɛ tsu ní ngɛ otsi mi, se ligbi nɛ ji kpaago ɔ lɛɛ mo ko tsu nɔ́ ko, bɔ nɛ pee nɛ o na amɛ, o teji ɔmɛ, o nyɔguɛ ɔmɛ, kɛ o nibwɔ ɔmɛ nɛ tsuɔ ní ha mo ɔ nɛ a jɔɔ a he.

Mose III, 23:3

Nyɛ tsu ní ligbi ekpa, se ligbi kpaagone ɔ ji Hejɔɔmi ligbi. Jamɛ a ligbi ɔ, nyɛ maa jɔɔ nyɛ he. Nyɛ ma bua nyɛ he nya, nɛ nyɛ ma ja Mawu. Nɔ ko nɛ ko tsu ní jamɛ a ligbi ɔ; ejakaa e ji he jɔɔmi ligbi ha Yawɛ ngɛ nyɛ sihi he ɔmɛ tsuo kulaa.

Marko 2:27

Yesu gbe e munyu ɔ nya ke, “Nɔmlɔ he nɛ a pee Hejɔɔmi ligbi ɔ, se pi Hejɔɔmi ligbi ɔ he nɛ a bɔ nɔmlɔ.

Luka 23:56

A kpale a se kɛ ho we mi ya ya hla tsopa kɛ e he via, kɛ nu via ngɔ to. Hejɔɔmi ligbi ɔ, a jɔɔ a he kaa bɔ nɛ mlaa a tsɔɔ kaa a pee ɔ.

Mose V, 5:13

Ngɔɔ ligbi ekpa kɛ tsu nɔ́ tsuaa nɔ́ nɛ o ngɛ tsumi.

Hebribi 4:4

Ejakaa nɔ́ nɛ ngmami ɔ he ko deɔ ngɛ ligbi kpaagone ɔ he ji, “Ligbi kpaagone ɔ, Mawu jɔɔ e he, nɛ e tsu we nɔ́ ko.”