Mose V, 5:12 - BAIBLO ALOO NGMAMI KLƆUKLƆU Ɔ

¹² “ ‘Mo kai Hejɔɔmi ligbi ɔ, nɛ o ye lɛ ngɛ mumi mi he tsɔmi mi, kaa bɔ nɛ imi Yawɛ, o Mawu ɔ fa mo ɔ.

Mose V, 5:12 ပူးပေါင်းရင်းမြစ်များ

Nehemia 13:15

Jamɛ a be ɔ, i na ni komɛ ngɛ Yuda nɛ a ngɛ wai yiblii ngae ngɛ Hejɔɔmi ligbi ɔ nɔ. Ni komɛ hu ngɛ tlomi fie kɛ ngɛ a tejihi a nɔ woe kɛ yaa Yerusalem. Tlomi ɔmɛ ji nɛ ɔmɛ nɛ: blɛfo, wai, wai yiblii, ngmɔkɔ, kɛ ní kpa komɛ. I bɔ mɛ kɔkɔ ke Hejɔɔmi ligbi ɔ, a ko jua ní.

Mose II, 16:23

Mose de mɛ ke, “Bɔ nɛ Yawɛ de ji nɛ ɔ nɛ: ‘Hwɔɔ ji he jɔɔmi ligbi, Yawɛ Hejɔɔmi ligbi klɔuklɔu. Nyɛɛ sã nɔ́ tsuaa nɔ́ nɛ nyɛ ngɛ sami, nɛ nyɛɛ hoo nɔ́ tsuaa nɔ́ nɛ nyɛ ngɛ hoomi, nɛ nɔ́ nɛ maa piɛ ngɛ se ɔ, nyɛ ngɔ to si kɛ yaa si mɔtu.’ ”

Mose II, 16:30

Lɔ ɔ he ɔ, ma a jɔɔ a he ngɛ ligbi nɛ ji kpaago ɔ nɔ.

Mose II, 31:13

nɛ e fa lɛ nɛ e de Israel bi ɔmɛ ke, “Nyɛɛ ye ye Hejɔɔmi ligbi ɔ; ejakaa Hejɔɔmi ligbi ɔ ji neneene somi nɛ ngɛ i kɛ nyɛ wa kpɛti ɔ he okadi, konɛ nyɛ na nɛ nyɛɛ le kaa imi Yawɛ, lɛ i hla nyɛ kɛ pee ye ma.

Mose II, 31:15

Ligbi ekpa a kɛ tsu ní; se ligbi nɛ ji kpaago ɔ lɛɛ e ji imi Yawɛ, ye Hejɔɔmi ligbi nɛ ngɛ klɔuklɔu. Nɔ tsuaa nɔ nɛ ma tsu ní ngɛ Hejɔɔmi ligbi ɔ nɔ ɔ, a gbe lɛ.

Yesaya 56:6

Jehanɛ, nibwɔhi nɛ kɛ a he ba mɛtɛ ma a he, nɛ a suɔ Mawu sane, nɛ a jaa lɛ, nɛ a yeɔ Hejɔɔmi ligbi ɔ kɛ e somi ɔ nɔ pɛpɛɛpɛ ɔ, bɔ nɛ Yawɛ ngɛ mɛ dee ji,

Yesaya 58:13

Bɔ nɛ Yawɛ ngɛ dee ji nɛ ɔ nɛ: “Ke nyɛ maa ye Hejɔɔmi ligbi ɔ kaa ligbi klɔuklɔu, nɛ nyɛ be nyɛ nitsɛmɛ nyɛ suɔmi nya ní pee jamɛ a ligbi ɔ, ke nyɛ maa bu ye ligbi klɔuklɔu ɔ, nɛ nyɛ be blɔ hiae, nyɛ be ní tsue, nɛ nyɛ be yakayaka munyu tue ligbi nɛ ɔ,

Yeremia 17:22

Jehanɛ se hu, a ko tloo nɔ́ ko kɛ je a we ɔmɛ a mi kɛ je kpo Hejɔɔmi ligbi ɔ, nɛ a ko tsu nɔ́ ko hulɔ. Se mohu ɔ, a ye Hejɔɔmi ligbi ɔ kaa ligbi klɔuklɔu kaa bɔ nɛ i wo a nɛmɛ ɔmɛ mlaa ke a pee ɔ.

Marko 2:27

Yesu gbe e munyu ɔ nya ke, “Nɔmlɔ he nɛ a pee Hejɔɔmi ligbi ɔ, se pi Hejɔɔmi ligbi ɔ he nɛ a bɔ nɔmlɔ.

Mose V, 5:13

Ngɔɔ ligbi ekpa kɛ tsu nɔ́ tsuaa nɔ́ nɛ o ngɛ tsumi.