Mose V, 5:11 - BAIBLO ALOO NGMAMI KLƆUKLƆU Ɔ

¹¹ “ ‘Ko tsɛ Yawɛ, o Mawu ɔ biɛ yaka gu, ejakaa nɔ tsuaa nɔ nɛ peeɔ ja a, Yawɛ kɛ e he be lɛ kee.

Mose V, 5:11 ပူးပေါင်းရင်းမြစ်များ

La 139:20

Nimli nɛ ɔmɛ tuɔ musu bɔmi munyu, nɛ a teɔ si kɛ woɔ mo.

Mose II, 20:7

“Ko tsɛ Yawɛ, o Mawu ɔ biɛ yaka gu; ejakaa nɔ tsuaa nɔ nɛ peeɔ ja a, Yawɛ kɛ e he be lɛ kee.

Yeremia 4:2

nɛ nyɛ ma ka kita ngɛ ye biɛ mi anɔkuale mi, nɛ nyɛ maa ye dami sane, nɛ nyɛ maa pee nɔ́ nɛ da a, lɛɛ je ma amɛ tsuo ma ba je ye yi, nɛ a ma de mi ke ma gbaa mɛ.”

Hosea 4:2

Kita kami, lakpa yemi, muɔ si puemi, ju, kɛ gba puɛmi sɔuu ji a ní tsumi. Nɔ́ ko nɔ́ ko si we mɛ kpu, nɛ muɔ si kɛkɛ a ngɛ puee.

Mose III, 19:12

“Nyɛ ko ngɔ ye biɛ kɛ ka lakpa kita kɛ wo ye biɛ he mu. Imi ji Yawɛ, nyɛ Mawu ɔ nɛ.

Mose V, 10:20

Nyɛɛ bu Yawɛ, nyɛ Mawu ɔ tue, nɛ nyɛ ja lɛ nɔ kake pɛ. Nyɛɛ ye lɛ anɔkuale, nɛ nyɛɛ wo si ngɛ e biɛ mi pɛ.

Mose V, 6:13

Nyɛɛ ye Yawɛ, nyɛ Mawu ɔ gbeye; nyɛ ja lɛ pɛ; nɛ e biɛ nyɛ kɛ ka kita.

Yakobo 5:12

Ye nyɛmimɛ nɛ i suɔ, enɛ ɔ tsuo se ɔ, nyɛ ko ka kita. Nyɛ ko ka hiɔwe; nyɛ ko ka zugba, nɛ nyɛ ko ka nɔ́ kpa ko hulɔ. Ke nɔ́ ɔ ngɛ mi anɔkuale ɔ, nyɛ de ke “Ee”; se ke e be mi ɔ, nyɛ de ke, “Dɛbi.” Kɛkɛ ɔ, Mawu be nyɛ fɔ bue.