Mose V, 5:10 - BAIBLO ALOO NGMAMI KLƆUKLƆU Ɔ

¹⁰ se nihi akpe abɔ nɛ suɔ mi, nɛ a yeɔ ye mlaa amɛ a nɔ ɔ, mɛɛ lɛɛ i naa mɛ mɔbɔ.

Mose V, 5:10 ပူးပေါင်းရင်းမြစ်များ

La 103:17

Se Yawɛ suɔmi nɛ be nyagbe ɔ ngɛ kɛ ha nihi nɛ yeɔ lɛ gbeye. A weku kɛ nina hu Yawɛ maa pee mɛ kpakpa daa,

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Mose II, 34:7

I yeɔ ye si womi nɔ kɛ haa nimli akpeakpe, nɛ i ngɔɔ a he yayami kɛ tɔmi ngɔ paa mɛ. Se kɛ̃ i gblaa bimɛ kɛ bibimɛ a tue hluu kɛ ya siɔ yi nɔ etɛne kɛ eywiɛne bimɛ ngɛ a tsɛmɛ kɛ a nɛmɛ a yayamihi a he.”

Yeremia 32:18

O jeɔ o suɔmi nɛ se pui gblegbleegble ɔ ngɔ tsɔɔ ni akpeakpe. Se kɛ̃ ɔ, o kɛ tsɛmɛ a tɔmi gblaa bimɛ a tue. Mawu nɛ kle, nɛ ngɛ he wami ji mo; o biɛ ji Yawɛ Tabohiatsɛ.

Daniel 9:4

I fa kue ha Yawɛ, ye Mawu ɔ, nɛ i jaje ye ma a he yayami. I de ke, “Nyɔmtsɛ Mawu, o kle agbo, nɛ o he ngɛ gbeye. O yeɔ o siwo nɔ, nɛ o naa nihi nɛ suɔ mo, nɛ yeɔ o mlaa amɛ a nɔ ɔ mɔbɔ.

Mose IV, 14:18

‘Imi, Yawɛ, ye mi mi fu we mla, nɛ ye mɔbɔ nami hiɛ babauu; i ngɔɔ tɔmi kɛ yayami ngɔ paa. Se kɛ̃, i ha we nɛ yayami peeli yeɔ a he; mohu i kɛ tsɛmɛ a tɔmihi a he hiɔwo ɔ gblaa bimɛ kɛ bibimɛ a tue hluu kɛ ya siɔ yi nɔ etɛne, kɛ eywiɛne bi a nɔ.’

Yohane 14:15

“Ke nyɛ suɔ mi ɔ, nyɛ maa ye ye mlaa amɛ a nɔ.

Yohane 15:14

Ke nyɛ pee nɔ́ nɛ i de nyɛ ke nyɛɛ pee ɔ, lɔ ɔ lɛɛ ye huɛmɛ ji nyɛ.

Romabi 8:28

Wa le kaa nɔ́ tsuaa nɔ́ mi ɔ, Mawu piɛɔ nihi nɛ suɔ lɛ ɔ a he, konɛ e hi ha mɛ. Nimli nɛ ɔmɛ ɔ, Mawu nitsɛ nɛ to e yi mi, nɛ e tsɛ mɛ.

Galatabi 5:6

Ke nɔ ko ngɛ Kristo mi ɔ, a po lɛ jio, a pui lɛ jio, lɔ ɔ tsu we nɔ́ ko. Nɔ́ nɛ he hia wawɛɛ mohu ji hemi kɛ yemi nɛ jeɔ kpo ngɛ suɔmi nɛ wa ngɛ kɛ ha wa nyɛmimɛ ɔ mi ɔ.

Mose V, 4:40

Nyɛɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ, konɛ e hi ha nyɛɛ kɛ nyɛ nina. Ke nyɛ ye a nɔ ɔ, nyɛ maa hi zugba nɛ Yawɛ, nyɛ Mawu ɔ kɛ ngɛ nyɛ hae ɔ nɔ daa.”

Mose V, 7:12

“Ke nyɛ bu mlaa nɛ ɔmɛ tue, nɛ nyɛ ye a nɔ pɛpɛɛpɛ ɔ, lɛɛ Yawɛ, nyɛ Mawu ɔ maa ye somi nɛ e kɛ nyɛ so ɔ nɔ, nɛ e ma je e suɔmi nɛ ngɛ daa a kpo kɛ tsɔɔ nyɛ kaa bɔ nɛ e wo nyɛ nɛmɛ ɔmɛ si ɔ;

Mose V, 7:9

Nyɛ na nɛ nyɛɛ le kaa Yawɛ, nyɛ Mawu ɔ, lɛ pɛ ji Mawu, nɛ e yeɔ anɔkuale. E maa ye e somi nɔ, nɛ e ma je e suɔmi nɛ ngɛ daa a kpo kɛ tsɔɔ yi nɔhi akpe abɔ nɛ suɔ lɛ, nɛ a yeɔ e mlaa amɛ a nɔ ɔ,

Yakobo 1:25

Sane kpakpa a ji Mawu mlaa nɛ hi kɛ pi si, nɛ haa nɔ yeɔ e he. Ke nɔ ko kase sane kpakpa a mi tsɔɔmi ɔmɛ saminya, nɛ e mia e hɛ mi nɛ e hɛ ji nɔ́ nɛ e kase ɔ nɔ, se mohu e ye nɔ ɔ, a maa gbaa lɛ saminya ngɛ nɔ́ tsuaa nɔ́ nɛ e ngɛ tsue ɔ mi.

Yoshua 22:5

Nyɛɛ hyɛ saminya, nɛ nyɛɛ ye mlaa amɛ nɛ Yawɛ tsɔlɔ Mose wo nyɛ ɔ a nɔ. Nyɛɛ suɔ Yawɛ, nyɛ Mawu ɔ; nyɛɛ pee e suɔmi nya ní; nyɛɛ ye e mlaa amɛ a nɔ, nyɛɛ ye lɛ anɔkuale, nɛ nyɛ sɔmɔ lɛ kɛ nyɛ tsui tsuo, kɛ nyɛ klaa tsuo.”

1 Yohane 1:7

Se ke wa ba wa je mi saminya ngɛ Mawu hɛ mi kaa bɔ nɛ lɛ Mawu ɔ e su ngɛ ɔ, lɔ ɔ lɛɛ waa kɛ wa sibi ngɛ huɛ bɔe. Kɛkɛ ɔ, e Bi Yesu Kristo muɔ ɔ maa tsukɔ wa he, nɛ e ma je wa he yayami ɔmɛ tsuo.