Mose V, 5:1 - BAIBLO ALOO NGMAMI KLƆUKLƆU Ɔ

¹ Mose bua Israel ma a tsuo nya, nɛ e de mɛ ke, “Israel bi, nyɛɛ bu mlaa nɛ ɔmɛ tsuo nɛ i ngɛ nyɛ woe mwɔnɛ ligbi nɛ ɔ tue. Nyɛɛ kase mɛ nɛ nyɛɛ hyɛ nɛ nyɛɛ ye a nɔ.

Mose V, 5:1 ပူးပေါင်းရင်းမြစ်များ

La 78:7

Kɛkɛ ɔ, mɛ hu a maa ngɔ a hɛ kɛ fɔ Mawu nɔ. Níhi nɛ e tsu ha mɛ ɔ, a hɛ be nɔ jee, nɛ a maa ye e mlaa amɛ a nɔ daa;

Mose II, 15:26

E de mɛ ke, “Ke nyɛ maa bu Yawɛ, nyɛ Mawu ɔ tue, nɛ nyɛ maa pee nɔ́ nɛ da ngɛ e hɛ mi, nɛ nyɛ maa ye e kita amɛ, kɛ e mlaa amɛ tsuo a nɔ ɔ, lɛɛ hiɔ ɔmɛ nɛ i kɛ gbla Egipt bi ɔmɛ a tue ɔ, ekoeko be nyɛ nɔ bae. Imi ji Yawɛ; imi ji nyɛ tsalɔ.”

Mose II, 18:20

Moo lɛɛ moo tsɔɔ mɛ Mawu mlaa amɛ, kɛ e suɔmi nya ní ɔmɛ. Moo tsɔɔ mɛ bɔ nɛ sa nɛ a ba a je mi, kɛ níhi nɛ sa nɛ a peeɔ.

Mateo 23:3

Lɔ ɔ he ɔ, nɔ́ tsuaa nɔ́ nɛ a de nyɛ ke nyɛɛ pee ɔ, nyɛɛ bu mɛ tue nɛ nyɛɛ pee. Se a ní peemi níhi lɛɛ nyɛ ko pee; ejakaa slo nɔ́ nɛ a peeɔ ngɛ nɔ́ nɛ a deɔ he.

Mose V, 1:1

Munyuhi nɛ Mose tu kɛ tsɔɔ Israel ma a ngɛ nga kplanaa a nɔ ngɛ Yordan pa a beleku je ji nɛ ɔmɛ nɛ. Jamɛ a be ɔ mi ɔ, Israel ma a ngɛ Yordan kɔ̃ ɔ mi, ngɛ Suf hanɔ ngɛ Paran, kɛ ma nɛ ɔmɛ, Tafel, Laban, Hazerat, kɛ Dizahab a kpɛti.

Mose V, 11:1

“Nyɛɛ suɔ Yawɛ, nyɛ Mawu ɔ, nɛ nyɛɛ ye e mlaa amɛ tsuo a nɔ daa.

Mose V, 12:1

“Mlaahi nɛ Yawɛ, nyɛ nɛmɛ a Mawu ɔ ngɛ nyɛ hae nɛ nyɛɛ ye a nɔ nyɛ wami be tsuo nɛ nyɛ maa hi zugba nɛ nyɛ yaa ngɔ ɔ nɔ ji nɛ ɔmɛ nɛ.

Mose V, 17:19

Womi nɛ ɔ nɛ hi matsɛ ɔ kasa nya. E kane be tsuaa be e wami be tsuo, konɛ e ye Yawɛ gbeye, nɛ e ye mlaa amɛ tsuo pɛpɛɛpɛ nɛ a ngma ngɛ womi ɔ mi ɔ a nɔ.

Mose V, 28:15

“Se ke nyɛ bui Yawɛ, nyɛ Mawu ɔ gbi tue, nɛ nyɛ yi e fami ɔmɛ, kɛ e mlaa amɛ tsuo nɛ i ngɛ nyɛ woe mwɔnɛ ɔ a nɔ pɛpɛɛpɛ ɔ, gbiɛmi nɛ ɔmɛ tsuo maa ba nyɛ nɔ.

Mose V, 29:10

“Mwɔnɛ ɔ, nyɛ tsuo nyɛ daa si ngɛ Yawɛ nyɛ Mawu ɔ hɛ mi. Nyɛ, nyɛ ma nimeli, tsɔli, nyumuhi,

Mose V, 29:2

Mose tsɛ Israel ma a tsuo kɛ kpe, nɛ e de mɛ ke, “Nyɛ nitsɛmɛ nyɛ na nɔ́ nɛ Yawɛ pee Egipt matsɛ ɔ, e tsɔli ɔmɛ, kɛ e zugba a tsuo.

Mose V, 4:1

Jehanɛ Mose de Israel ma a ke, “Nyɛɛ bu mlaa amɛ nɛ ma tsɔɔ nyɛ ɔ tue, nɛ nyɛɛ ye a nɔ, konɛ nyɛ yi nɛ na wami, nɛ́ nyɛ ya ngɔ zugba a nɛ Yawɛ, nyɛ nɛmɛ a Mawu ɔ kɛ ngɛ nyɛ hae ɔ.

Mose V, 4:49

Zugba tsuo nɛ ngɛ Yordan pa a beleku je kɛ ya su Ngo wo ɔ nya, kɛ Pisga yo ɔ sisi hu piɛ he.

Mose V, 4:5

“I tsɔɔ nyɛ mlaa amɛ tsuo kaa bɔ nɛ Yawɛ, ye Mawu ɔ fa mi ke ma pee ɔ; nyɛɛ ye a nɔ ngɛ zugba nɛ nyɛ yaa ngɔ ɔ nɔ.

Mose V, 5:2

Yawɛ, wa Mawu ɔ kɛ wɔ so ngɛ Sinai yo ɔ he.

Mose V, 6:17

Mlaa amɛ tsuo nɛ a ha nyɛ ɔ, nyɛɛ hyɛ nɛ nyɛɛ ye a nɔ pɛpɛɛpɛ.

Yoshua 1:8

Moo kane mlaa womi nɛ ɔ daa. Mo susu he nyɔ kɛ pia; nɛ o ye nɔ́ tsuaa nɔ́ nɛ a ngma ngɛ mi ɔ nɔ; ja jã loko níhi a mi maa hi ha mo, nɛ o maa ye manye.