Mose V, 4:6 - BAIBLO ALOO NGMAMI KLƆUKLƆU Ɔ

⁶ Nyɛɛ ye a nɔ pɛpɛɛpɛ, konɛ ma amɛ tsuo nɛ maa nu blɔ nya tomi nɛ ɔmɛ tsuo a he ɔ, a de ke, ‘Niinɛ, ma kpetekpleenyɛ nɛ le ní, nɛ ngɛ juɛmi saminya ji nɛ ɔ nɛ!’

Mose V, 4:6 ပူးပေါင်းရင်းမြစ်များ

Matsɛmɛ I, 4:34

Zugba a nɔ matsɛmɛ ɔmɛ tsuo nu e nile ɔ he, nɛ a woɔ nihi blɔ kɛ yaa ya buɔ lɛ tue.

Hiob 28:28

Mawu de nɔmlɔ ke, “Nyɔmtsɛ ɔ gbeye yemi ɔ, lɔ ɔ ji nile; yayami he jemi ɔ, lɔ ɔ ji juɛmi.”

La 111:10

Ke o ngɛ hlae nɛ o na nile ɔ, ye Yawɛ gbeye. Nihi tsuo nɛ peeɔ ja a, a nuɔ nɔ́ sisi saminya. A je Yawɛ yi daa!

La 19:7

Yawɛ mlaa a hi kɛ pi si; e haa nɔ naa he wami he. Yawɛ mlaa a, anɔkuale sɔuu, e haa nɛ kuasia leɔ ní.

La 19:8

Yawɛ mlaa amɛ da pɛpɛɛpɛ; nihi nɛ yeɔ nɔ ɔ, a naa bua jɔmi. Yawɛ mlaa a he tsɔ; e haa nɛ nɔ nuɔ níhi a sisi.

Abɛ Womi 1:4

Nɔ nɛ li nɔ́ ɔ, abɛ ɔmɛ ma ha nɛ e nɔ bɔ ma tsɔ; se niheyo lɛɛ e ma na juɛmi, kɛ hɛ mi si kami.

Abɛ Womi 1:5

Ke ní lelɔ nu abɛ nɛ ɔmɛ ɔ, e nile ɔ maa hiɛ kɛ pue nɔ; juɛmitsɛ hu e juɛmi ɔ mi ma blɛke pe kekle ɔ,

Abɛ Womi 1:7

Loko o ma na nile ɔ, ja o ye Yawɛ gbeye. Kuasiahi bui nile, nɛ slɔmi gbi hu a sume.

Abɛ Womi 14:34

Dami sane yemi haa nɛ ma yaa nɔ; yayami peemi ɔ, ma hɛ mi si e pueɔ.

Abɛ Womi 14:8

Ní lelɔ juɛmi tsɔɔ lɛ blɔ nɛ hi. Kuasiahi lɛɛ a juɛmi sisiɔ mɛ.

Yesaya 42:21

Yawɛ ji Mawu nɛ suɔ kaa e ma he o yi wami; lɔ ɔ he ɔ, e wo mlaa kpakpahi, e to blɔ nya nɛ hi saminya, nɛ e suɔ kaa e ma a nɛ ye a nɔ.

Yeremia 8:9

Zo gbe nyɛ ní leli ɔmɛ; bibi gbe mɛ, nɛ a pa li nɔ́ nɛ nɔ nɛ a ngɛ hu. A kua ye munyu ɔ, lɛɛ mɛni ji ní ɔ nɛ a le ɔ mɔ?

Ezekiel 5:5

Nyɔmtsɛ Yawɛ ke, “Nyɛɛ hyɛ, Yerusalem ji nɛ ɔ nɛ; i ngɔ lɛ kɛ ma je ma amɛ a kpɛti, nɛ ma kpahi bɔle lɛ kɛ kpe.

Daniel 1:20

Be tsuaa be nɛ matsɛ ɔ ma bi a ga womi ngɛ sanehi nɛ hia yi mi susumi wawɛɛ, kɛ nɔ́ he buami nɛ nɔ́ jemi ko be he a he ɔ, e naa kaa nihewi eywiɛ nɛ ɔmɛ a juɛmi mi kuɔ si nyɔngma pe klaali kɛ kunya yeli tsuo nɛ ngɛ e matsɛ yemi he ɔmɛ tsuo.

Daniel 4:9

‘Belteshazar, mo klaali a nɔkɔtɔma, i le kaa Mawu klɔuklɔu ɔ mumi ɔ ngɛ o mi, nɛ laami sane ko be nɛ o li. Nlami nɛ i nla ji nɛ ɔ nɛ. Moo tsɔɔ mi sisi.’

Hosea 8:12

Mlaa amɛ nɛ i wo mɛ ɔ, kaa imi hu i ngma mlaa amɛ tslalaa ja a, jinɛ tse a ko de ke a nɛ́ eko hyɛ.

Malaki 3:12

Jamɛ a be ɔ mi ɔ, je ma amɛ tsuo maa na kaa a gbaa nyɛ niinɛ, ejakaa zugba a tsuo maa pee kɛ bua jɔmi sɔuu.” Yawɛ Tabohiatsɛ ɔ lɛ de.

Mose V, 29:9

Lɔ ɔ he ɔ, nyɛɛ ye somi ɔ mi munyu ɔmɛ tsuo a nɔ pɛpɛɛpɛ, bɔ nɛ pee nɛ nyɛɛ ye manye ngɛ nɔ́ tsuaa nɔ́ nɛ nyɛ maa pee mi.

Mose V, 32:46

e slɔ mɛ ke, “Nyɛɛ hyɛ saminya nɛ nyɛɛ ye mlaa nɛ ɔmɛ tsuo nɛ i ngɛ nyɛ woe mwɔnɛ ɔ a nɔ. Nyɛɛ tsɔɔ nyɛ bimɛ ɔmɛ, konɛ a ye Mawu mlaa amɛ tsuo a nɔ pɛpɛɛpɛ.

Mose V, 32:47

Mlaa nɛ ɔmɛ pi munyu guhi; nyɛ wami daa si ngɛ a nɔ. Nyɛɛ ye a nɔ, konɛ nyɛ se nɛ kɛ ngɛ zugba a nɛ ngɛ Yordan se nɛ nyɛ yaa ngɔ ɔ nɔ.”

2 Timoteo 3:15

O kai kaa kɛ je o jokuɛ mi tɔɔ o le ngmami klɔuklɔu ɔ. Ngmami klɔuklɔu ɔ ma ha nɛ o maa le ní, nɛ Kristo Yesu nɛ o heɔ yeɔ ɔ ma he o yi wami.

Yakobo 3:13

Anɛ ní lelɔ ko ngɛ nyɛ kpɛti lo? Anɛ nɔ ko ngɛ nyɛ kpɛti nɛ nuɔ nɔ́ sisi lo? Jamɛ a nɔ ɔ, e ba e je mi saminya. E ngɔ he si bami kɛ tsu ní kpakpa kɛ ye e nile ɔ he odase.