Mose V, 4:5 - BAIBLO ALOO NGMAMI KLƆUKLƆU Ɔ

⁵ “I tsɔɔ nyɛ mlaa amɛ tsuo kaa bɔ nɛ Yawɛ, ye Mawu ɔ fa mi ke ma pee ɔ; nyɛɛ ye a nɔ ngɛ zugba nɛ nyɛ yaa ngɔ ɔ nɔ.

Mose V, 4:5 ပူးပေါင်းရင်းမြစ်များ

La 71:17

Mawu, kɛ je ye nihe mi tɔɔ nɛ o tsɔɔ mi ní, nɛ amlɔ nɛ ɔ hu i ngɛ o nyakpɛ ní tsumi ɔmɛ a he odase yee.

Mose II, 18:20

Moo lɛɛ moo tsɔɔ mɛ Mawu mlaa amɛ, kɛ e suɔmi nya ní ɔmɛ. Moo tsɔɔ mɛ bɔ nɛ sa nɛ a ba a je mi, kɛ níhi nɛ sa nɛ a peeɔ.

Yeremia 11:6

Jehanɛ Yawɛ de mi ke, “Yaa fiɛ ngɛ Yuda ma amɛ a mi, kɛ Yerusalem gbɛjegbɛ ɔmɛ a nɔ, nɛ o de ni ɔmɛ ke a bu somi munyu ɔmɛ tue, nɛ a ye nɔ.

Ezekiel 20:11

I wo mɛ mlaahi, nɛ i tsɔɔ mɛ blɔ nya tomihi nɛ ke a ye nɔ ɔ, a yi ma na wami.

Mose III, 19:19

“Nyɛɛ ye ye mlaa amɛ a nɔ. Nyɛ ko ha nɛ nyɛ we mi lohwehi nɛ kuɔ henɔ kpahi nɛ a kɛ mɛ nɛ fɔ. Nyɛ ko du wu munomuno enyɔ ngɛ ngmɔ kake mi; nɛ nyɛ ko wo tade nɛ a kɛ nɔ́ slɔɔto enyɔ lo bo ɔ.

Mose III, 26:46

Mlaahi, kɛ blɔ nya tomihi nɛ Yawɛ ngɔ ha Mose ngɛ Sinai yo ɔ nɔ nɛ e kɛ ha Israel ma a ji nɛ ɔmɛ nɛ.

Mose III, 27:34

Mlaahi nɛ Yawɛ ngɔ ha Mose ngɛ Sinai yo ɔ nɔ nɛ e kɛ ha Israel ma a ji nɛ ɔmɛ nɛ.

Mose III, 7:38

Yawɛ wo Mose mlaa nɛ ɔmɛ ngɛ Sinai yo ɔ nɔ ngɛ nga a nɔ. Jamɛ a ligbi ɔ nɛ Yawɛ de Israel bi ɔmɛ ke a ngɔ a nike ní kɛ ba ha lɛ ɔ nɛ.

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

Ni Tsumi 20:27

Ejakaa i jaje Mawu yi mi tomi ɔ tsuo pɛpɛɛpɛ ngɔ tsɔɔ nyɛ nɛ i laa we nyɛ ba.

1 Korintobi 11:28

Nɔ tsuaa nɔ nɛ hyɛ e tsui mi kekle loko e ye abolo ɔ, nɛ e nu wai nɛ ngɛ kplu ɔ mi ɔ.

1 Korintobi 15:3

Sɛ gbi nɛ he hia pe kulaa nɛ imi hu i na a, i ngɔ ba ha nyɛ. Lɔ ɔ ji kaa Kristo gbo ngɛ wa he yayami ɔmɛ a he kaa bɔ nɛ ngmami ɔmɛ tsɔɔ ɔ.

Mose V, 11:32

nyɛɛ hyɛ saminya konɛ mlaa amɛ nɛ i ngɛ nyɛ woe mwɔnɛ ɔ, nyɛɛ ye mɛ tsuo a nɔ pɛpɛɛpɛ.

Mose V, 4:1

Jehanɛ Mose de Israel ma a ke, “Nyɛɛ bu mlaa amɛ nɛ ma tsɔɔ nyɛ ɔ tue, nɛ nyɛɛ ye a nɔ, konɛ nyɛ yi nɛ na wami, nɛ́ nyɛ ya ngɔ zugba a nɛ Yawɛ, nyɛ nɛmɛ a Mawu ɔ kɛ ngɛ nyɛ hae ɔ.

Mose V, 4:2

Nyɛ ko ngɔ nɔ́ ko kɛ piɛ mlaa nɛ i ngɛ nyɛ woe nɛ ɔ he; nɛ nyɛ ko je nɔ́ ko kɛ je mi; nyɛɛ ye Yawɛ, nyɛ Mawu ɔ mlaa amɛ nɛ i ngɛ nyɛ woe nɛ ɔ a nɔ pɛpɛɛpɛ.

Mose V, 4:4

Se nyɛ nihi tsuo pɛpɛɛpɛ nɛ nyɛ mɛtɛ Yawɛ, nyɛ Mawu ɔ he ɔ, nyɛ ngɛ wami mi kɛ mwɔɔ.

Mose V, 4:40

Nyɛɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ, konɛ e hi ha nyɛɛ kɛ nyɛ nina. Ke nyɛ ye a nɔ ɔ, nyɛ maa hi zugba nɛ Yawɛ, nyɛ Mawu ɔ kɛ ngɛ nyɛ hae ɔ nɔ daa.”

Mose V, 5:1

Mose bua Israel ma a tsuo nya, nɛ e de mɛ ke, “Israel bi, nyɛɛ bu mlaa nɛ ɔmɛ tsuo nɛ i ngɛ nyɛ woe mwɔnɛ ligbi nɛ ɔ tue. Nyɛɛ kase mɛ nɛ nyɛɛ hyɛ nɛ nyɛɛ ye a nɔ.

Mose V, 6:1

“Mlaahi nɛ Yawɛ, nyɛ Mawu ɔ fa mi ke ma tsɔɔ nyɛ ji nɛ ɔmɛ nɛ. Nyɛɛ ye a nɔ ngɛ zugba a nɛ nyɛ yaa ngɔ nɛ nyɛɛ hi nɔ ɔ nɔ.

Mose V, 7:11

Lɔ ɔ he ɔ, nyɛɛ ye níhi nɛ a tsɔɔ nyɛ ɔ a nɔ; nyɛɛ ye mlaa amɛ tsuo nɛ i wo nyɛ mwɔnɛ ɔ a nɔ pɛpɛɛpɛ.

Mose V, 8:11

“Nyɛɛ hyɛ nɛ hi nɛ nyɛ hɛ ko je Yawɛ, nyɛ Mawu ɔ nɔ. Nyɛ hɛ nɛ hi mlaa amɛ nɛ i ngɛ nyɛ woe mwɔnɛ ɔ a nɔ, nɛ nyɛɛ ye a nɔ.

Hebribi 3:5

Mose ye anɔkuale ngɛ Mawu we ɔ kulaa nɔ kaa sɔmɔlɔ, nɛ e ye odase ngɛ níhi nɛ a ma de hwɔɔ se ɔ a he.