Mose V, 4:49 - BAIBLO ALOO NGMAMI KLƆUKLƆU Ɔ

⁴⁹ Zugba tsuo nɛ ngɛ Yordan pa a beleku je kɛ ya su Ngo wo ɔ nya, kɛ Pisga yo ɔ sisi hu piɛ he.

Mose V, 4:49 ပူးပေါင်းရင်းမြစ်များ

Mose V, 3:17

Jehanɛ, ngɛ beleku je ɔ, a zugba a huzu ya su Yordan pa a nya. E je Galilea wo ɔ nya ngɛ omleyi je kɛ ya na Ngo wo ɔ ngɛ leneyi je, ngɛ Pisga yo ɔ he ngɛ beleku je.

Yoshua 13:20

Betpeor, Pisga yo ɔ kuɛ si, kɛ Bet Yeshimot.

Mose V, 34:1

Kɛkɛ nɛ Mose je Moab nga kplanaa a nɔ, nɛ e ya kuɔ Nebo yo ɔ kɛ ho Pisga yo ɔ yi mi ya, ngɛ Yordan beleku je. Yawɛ kɛ zugba a tsuo pɛpɛɛpɛ tsɔɔ lɛ ngɛ lejɛ ɔ: Gilead zugba muza a tsuo, kɛ ya muɔ Dan ma a ngɛ omleyi je,

Mose V, 4:48

Zugba nɛ ɔ huzu ji kɛ je Aroer ma a mi kɛ ya su Arnon pa a nya, kɛ ya na Sirion yo ɔ ngɛ leneyi je; lɔ ɔ ji Hermon yo ɔ nɛ.

Mose V, 5:1

Mose bua Israel ma a tsuo nya, nɛ e de mɛ ke, “Israel bi, nyɛɛ bu mlaa nɛ ɔmɛ tsuo nɛ i ngɛ nyɛ woe mwɔnɛ ligbi nɛ ɔ tue. Nyɛɛ kase mɛ nɛ nyɛɛ hyɛ nɛ nyɛɛ ye a nɔ.

Ezekiel 47:8

E de mi ke, “Nyu nɛ ɔ bee ngɛ zugba a mi kɛ yaa beleku je, kɛ yaa Yordan kɔ̃ ɔ mi, nɛ e ya sɛɛ Ngo wo ɔ mi. Nyu nɛ ɔ tsakeɔ wo nyu ɔ kɛ peeɔ nyu mua.