Mose V, 4:44 - BAIBLO ALOO NGMAMI KLƆUKLƆU Ɔ

⁴⁴ Mawu mlaa amɛ nɛ Mose ngɔ ha Israel bi ɔmɛ ji nɛ ɔmɛ nɛ.

Mose V, 4:44 ပူးပေါင်းရင်းမြစ်များ

Yohane 1:17

Mawu ha wɔ mlaa kɛ gu Mose nɔ, se dloomi kɛ anɔkuale gu Yesu Kristo nɔ kɛ ba.

Malaki 4:4

“Mlaa slɔɔtoslɔɔtohi nɛ i ngɔ kɛ ha nyɛ ngɛ Sinai yo ɔ nɔ kɛ gu ye tsɔlɔ Mose nɔ ɔ, nyɛ kai nɛ nyɛɛ ye a nɔ.

Mose V, 33:4

Wa yeɔ mlaa nɛ Mose wo wɔ ɔ nɔ; ejakaa wa ma a weto ní nitsɛnitsɛ ji Mawu mlaa a nɛ.

Mose V, 27:26

“ ‘Mawu maa gbiɛ nɔ tsuaa nɔ nɛ bui Mawu mlaa nɛ ɔmɛ, nɛ e yi a nɔ hulɔ.’ “Ma a tsuo ma he nɔ ke, ‘Amen!’

Mose V, 27:8

Nyɛɛ ngma mlaa nɛ ɔmɛ tsuo ngɛ tɛ ɔmɛ nɛ a kɛ kalo kpa a he ɔ a nɔ; nɛ nyɛ ha nɛ ningma a nɛ je si paa.”

Mose V, 27:3

Ke nyɛ po pa a pɛ, nyɛɛ ngma mlaa nɛ ɔmɛ tsuo ngɛ tɛ ɔmɛ a nɔ. Zugba nɛ Yawɛ, nyɛ nɛmɛ a Mawu ɔ wo si ke e ma ngɔ ha nyɛ ngɛ pa a se ɔ, zugba a hi, nɛ e baa ní saminya.

Mose V, 1:5

Benɛ ma a ba su Yordan pa a beleku je ngɛ Moab zugba a nɔ ɔ, Mose bɔni mɛ mlaa amɛ a sisi tsɔɔmi. Nɛ e de ke,

Mose III, 27:34

Mlaahi nɛ Yawɛ ngɔ ha Mose ngɛ Sinai yo ɔ nɔ nɛ e kɛ ha Israel ma a ji nɛ ɔmɛ nɛ.

Mose IV, 36:13

Mlaahi nɛ Yawɛ wo Israel bi ɔmɛ, kɛ blɔ nya tomihi nɛ e ha mɛ kɛ gu Mose nɔ, ngɛ Moab nga kplanaa a nɔ, ngɛ Yordan pa a se, ngɛ Yeriko hanɔ ji nɛ ɔmɛ nɛ.

Mose V, 4:43

E hla Bezer nɛ ngɛ nga a nɔ ngɛ zugba kpataa a nɔ ha Ruben wɛtso ɔ, Ramot ngɛ Gilead ha Gad wɛtso ɔ, kɛ Golan nɛ ngɛ Bashan ɔ ha Manase wɛtso ɔ.

Mose V, 4:45

Benɛ Israel bi ɔmɛ je Egipt, nɛ a ba su kɔ̃ ɔ nɛ ngɛ Yordan pa a beleku je ngɛ Betpeor hanɔ ɔ, nɛ e ha mɛ mlaa nɛ ɔmɛ ɔ nɛ. Sa a, Amor bi ɔmɛ a matsɛ, Sihon nɛ je Heshbon ɔ nɛ ye zugba nɛ ɔ nɔ. Se Mose kɛ Israel bi ɔmɛ ba ye e nɔ, benɛ a je Egipt kɛ ma a.

Yoshua 12:1

Israel bi ɔmɛ ye matsɛmɛ enyɔ komɛ a nɔ, nɛ a ngɔ a zugba a ngɛ Yordan pa a beleku je. Zugba a ngɛ kɛ je Arnon kɔ̃ ɔ mi kɛ ya su Hermon yo ɔ he tɔɔ.

Matsɛmɛ II, 17:37

Mlaa slɔɔtohi nɛ i ngma ha nyɛ ɔ, nyɛɛ ye a nɔ daa. Nyɛ ko ja mawu kpahi;