Mose V, 4:40 - BAIBLO ALOO NGMAMI KLƆUKLƆU Ɔ

⁴⁰ Nyɛɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ, konɛ e hi ha nyɛɛ kɛ nyɛ nina. Ke nyɛ ye a nɔ ɔ, nyɛ maa hi zugba nɛ Yawɛ, nyɛ Mawu ɔ kɛ ngɛ nyɛ hae ɔ nɔ daa.”

Mose V, 4:40 ပူးပေါင်းရင်းမြစ်များ

La 105:45

E pee enɛ ɔ, konɛ a kai e mlaa amɛ, nɛ a ye nɔ. A je Yawɛ yi!

Mose II, 20:12

“Moo bu o tsɛ kɛ o nyɛ, konɛ o se nɛ kɛ ngɛ zugba nɛ Yawɛ, o Mawu ɔ ngɔ ha mo ɔ nɔ.

Mose II, 23:26

Yo ko mi be sanee, nɛ yo ko hu be yosa pee ngɛ zugba a nɔ. Ma ha o wami se maa kɛ.

Fiɛlɔ 8:12

Yayami peelɔ peeɔ yayami si lafa, nɛ e gbo we. Se kɛ̃ ɔ, i le kaa nihi nɛ yeɔ Mawu gbeye anɔkuale mi ɔ, e hii ha mɛ.

Yesaya 65:20

Ma he nɛ ɔ mi ɔ, bimwɔyo be gboe hu; nɔmoyo hu be gboe loko e be maa su. Ke a fɔ nɔ ko ɔ, ja e ye jeha lafa loko e ma gbo. Yayami peelɔ pɛ nɛ lɛɛ e be nae ja.

Yeremia 11:4

Benɛ i jé a nɛmɛ ɔmɛ kɛ je Egipt ɔ, somi nɛ i kɛ mɛ so ji nɛ ɔ nɛ. Egipt zugba a ngɛ kaa flɔɔnɔɔ kɛ e mi la nɛ ngɛ tsoe gegeege. I wo mɛ mlaa ke a bu mi tue, nɛ nɔ́ tsuaa nɔ́ nɛ i de mɛ ke a pee ɔ, a pee. I de mɛ ke, ke a bu mi tue ɔ, a maa pee ye ma, nɛ imi hu ma pee a Mawu.

Yeremia 35:18

Se Rekab we ɔ lɛɛ i de mɛ ke, “Bɔ nɛ Yawɛ Tabohiatsɛ, Israel Mawu ɔ de ji nɛ ɔ nɛ: ‘Mlaa nɛ nyɛ nɛ̃, Yonadab wo nyɛ ɔ, nyɛ ye nɔ; blɔ nyahi tsuo nɛ e to, kɛ níhi tsuo nɛ e fa nyɛ ke nyɛɛ pee ɔ, nyɛ pee pɛpɛɛpɛ.

Yeremia 7:23

Mlaa nɛ i wo mɛ ji a bu mi, konɛ ma pee a Mawu, nɛ a pee ye ma. I de mɛ ke mlaa nɛ i wo mɛ ɔ, a ye nɔ, konɛ e hi ha mɛ.

Yeremia 7:7

Ke nyɛ tsake ɔ, zugba nɛ ɔ nɛ i ngɔ kɛ ha nyɛ nɛmɛ blema ko ɔ, ma ha nɛ nyɛ maa hi nɔ, nɛ e maa pee nyɛ weto ní.

Mose III, 22:31

“Nyɛ hɛ nɛ hi ye mlaa amɛ a nɔ, nɛ nyɛɛ ye a nɔ. Imi ji Yawɛ.

Mose IV, 10:29

Kɛkɛ nɛ Mose de e ngatsɛ Yetro, Midian no ɔ bi Hobab ke, “Wa ngɛ hiae kɛ yaa he nɛ Yawɛ de to ke e ma ha wɔ ɔ. Yawɛ nitsɛ wo Israel ní kpakpahi a he si. Lɔ ɔ he ɔ, ha waa ho nɛ waa kɛ mo ya ye wa kplɔkɔtɔ ɔ.”

Yohane 14:15

“Ke nyɛ suɔ mi ɔ, nyɛ maa ye ye mlaa amɛ a nɔ.

Efesobi 6:3

konɛ e hi ha mo, nɛ o se nɛ kɛ ngɛ je mi.”

Mose V, 11:9

Ke nyɛ pee ja a, nyɛ se maa kɛ ngɛ zugba kpakpa nɛ baa ní saminya nɛ Yawɛ wo si ke e ma ngɔ ha nyɛ nɛmɛ ɔmɛ kɛ a nina a nɔ.

Mose V, 12:25

Ke nyɛ ye mlaa nɛ ɔ nɔ ɔ, Yawɛ bua maa jɔ, nɛ nɔ́ tsuaa nɔ́ maa hi ha nyɛɛ kɛ nyɛ nina tsuo.

Mose V, 12:28

Nɔ́ tsuaa nɔ́ nɛ i fa nyɛ ke nyɛɛ pee, nɛ i wo nyɛ mlaa ngɛ he ɔ, nyɛɛ ye nɔ fitsofitso; kɛkɛ ɔ, níhi a mi maa hi ha nyɛ kɛ nyɛ nia tsuo kɛ maa ya neneene; ejakaa ke nyɛ pee ja a, nyɛ ngɛ nɔ́ nɛ da, kɛ nɔ́ nɛ saa Yawɛ, nyɛ Mawu ɔ hɛ mi pee.

Mose V, 22:7

Moo nu bi ɔmɛ, nɛ o ngmɛɛ a nyɛ ɔ he, konɛ níhi a mi nɛ hi ha mo, nɛ o wami se nɛ kɛ, nɛ o plɔke.

Mose V, 25:15

O sɛni tɛhi, kɛ susumi kpa tsuo nɛ su pɛpɛɛpɛ, konɛ o se nɛ kɛ ngɛ zugba a nɛ Yawɛ, o Mawu ɔ ngɛ mo hae ɔ nɔ.

Mose V, 32:47

Mlaa nɛ ɔmɛ pi munyu guhi; nyɛ wami daa si ngɛ a nɔ. Nyɛɛ ye a nɔ, konɛ nyɛ se nɛ kɛ ngɛ zugba a nɛ ngɛ Yordan se nɛ nyɛ yaa ngɔ ɔ nɔ.”

Mose V, 33:25

Á ma a ma amɛ a nya dade agbohi, konɛ a na he wami daa.”

Mose V, 4:1

Jehanɛ Mose de Israel ma a ke, “Nyɛɛ bu mlaa amɛ nɛ ma tsɔɔ nyɛ ɔ tue, nɛ nyɛɛ ye a nɔ, konɛ nyɛ yi nɛ na wami, nɛ́ nyɛ ya ngɔ zugba a nɛ Yawɛ, nyɛ nɛmɛ a Mawu ɔ kɛ ngɛ nyɛ hae ɔ.

Mose V, 4:2

Nyɛ ko ngɔ nɔ́ ko kɛ piɛ mlaa nɛ i ngɛ nyɛ woe nɛ ɔ he; nɛ nyɛ ko je nɔ́ ko kɛ je mi; nyɛɛ ye Yawɛ, nyɛ Mawu ɔ mlaa amɛ nɛ i ngɛ nyɛ woe nɛ ɔ a nɔ pɛpɛɛpɛ.

Mose V, 4:5

“I tsɔɔ nyɛ mlaa amɛ tsuo kaa bɔ nɛ Yawɛ, ye Mawu ɔ fa mi ke ma pee ɔ; nyɛɛ ye a nɔ ngɛ zugba nɛ nyɛ yaa ngɔ ɔ nɔ.

Mose V, 4:6

Nyɛɛ ye a nɔ pɛpɛɛpɛ, konɛ ma amɛ tsuo nɛ maa nu blɔ nya tomi nɛ ɔmɛ tsuo a he ɔ, a de ke, ‘Niinɛ, ma kpetekpleenyɛ nɛ le ní, nɛ ngɛ juɛmi saminya ji nɛ ɔ nɛ!’

Mose V, 5:10

se nihi akpe abɔ nɛ suɔ mi, nɛ a yeɔ ye mlaa amɛ a nɔ ɔ, mɛɛ lɛɛ i naa mɛ mɔbɔ.

Mose V, 5:16

“ ‘Moo bu o tsɛ kɛ o nyɛ, kaa bɔ nɛ imi Yawɛ, o Mawu ɔ fa mo ɔ, konɛ e hi ha mo, nɛ o se nɛ kɛ ngɛ zugba nɛ Yawɛ, o Mawu ɔ ngɛ mo hae ɔ nɔ.

Mose V, 5:29

I ná nɛ ma a na juɛmi daa kikɛ nɛ ɔ, nɛ a wo ye hɛ mi nyami be tsuaa be, nɛ a ye ye mlaa amɛ tsuo a nɔ, konɛ nɔ́ tsuaa nɔ́ nɛ hi ha mɛ kɛ a nina kɛ ya neneene!’

Mose V, 5:33

Nyɛɛ ye nɔ́ nɛ Yawɛ fa nyɛ ɔ tsuo nɔ pɛpɛɛpɛ, konɛ nyɛɛ hi je mi, nɛ níhi a mi nɛ hi ha nyɛ; lɔ ɔ loko nyɛ se maa kɛ ngɛ zugba a nɛ nyɛ yaa ngɔ ɔ nɔ.

Mose V, 6:18

Nɔ́ tsuaa nɔ́ nɛ Yawɛ de ke e da, loo e hi ɔ, nyɛɛ pee. Ke nyɛ pee ja a, e maa hi ha nyɛ, nɛ nyɛ ma nyɛ ya ngɔ zugba kpakpa a nɛ Yawɛ wo nyɛ nɛmɛ ɔmɛ si ke e ma ha mɛ ɔ;

Mose V, 6:3

Israel ma, nyɛɛ bu tue, nɛ nyɛɛ ye mlaa amɛ a nɔ. Lɔ ɔ loko níhi a mi maa hi ha nyɛ, nɛ nyɛ maa pee ma ngua, nɛ nyɛ maa hi zugba kpakpa nɛ baa ní ɔ nɔ, kaa bɔ nɛ Yawɛ, wa nɛmɛ a Mawu ɔ wo si ɔ.

1 Timoteo 4:8

Nɔmlɔ tso ɔ he mi kami ɔ, se nami bɔɔ kɛkɛ lɛ ngɛ he, se mumi mi nɔ́ ɔ lɛɛ kaa bɔ nɛ a wo si ɔ, e he ngɛ se nami babauu ngɛ je nɛ ɔ mi, kɛ nɔ́ nɛ maa ba a mi tete.