Mose V, 4:35 - BAIBLO ALOO NGMAMI KLƆUKLƆU Ɔ

³⁵ Nyɛɛ lɛɛ Yawɛ ha nyɛ na ní nɛ ɔmɛ kɛ tsɔɔ nyɛ kaa Yawɛ ɔ, lɛ nɔ kake pɛ ji Mawu; nɛ nɔ ko nɔ ko be hu, ja lɛ pɛ.

Mose V, 4:35 ပူးပေါင်းရင်းမြစ်များ

Yesaya 45:18

Yawɛ, nɔ nɛ bɔ hiɔwe kɛ zugba a, lɛ nɔ kake too ji Mawu! E bɔ je ɔ, nɛ e kɛ zugba a ma si saminya. E bɔɛ lɛ ngɔ fɔɛ si gu nɛ e pee yaka; se e pee lɛ konɛ nimli nɛ hi nɔ. Bɔ nɛ lɛ nitsɛ e ngɛ dee ji nɛ ɔ nɛ: “Imi ji Yawɛ; mawu kpa ko be hu.

Samuel I, 2:2

Nɔ ko be nɛ ngɛ klɔuklɔu kaa Yawɛ. E se ɔ, nɔ ko be. Ee, Mawu se ɔ, wesa he kpa ko be.

Yesaya 45:5

“Imi ji Yawɛ; ye se ɔ, mawu kpa ko be hu. O li mi lɛɛ, se he wami nɛ hia mo ɔ, i ngɔ ha mo.

Yesaya 44:8

Ye ma, koo nu sawale! Koo ye gbeye! Ye we odase ji mo. Anɛ i de we enɛ ɔ blema lokoo lo? Anɛ ye se ɔ, Mawu ko pa ngɛ lo? Dɛbi, i li he wami kpa ko ngɛ ye se hu?”

Mose V, 4:39

Lɔ ɔ he ɔ, mwɔnɛ ɔ, nyɛ na nyɛɛ le, nɛ nyɛ hɛ ko je nɔ gblegbleegble kaa Yawɛ ji Mawu ngɛ hiɔwe kɛ zugba; e se ɔ, nɔ ko be.

Yesaya 45:22

“Nyɛ nimli tsuo ngɛ je ɔ mi, nyɛɛ kpale kɛ ba ye ngɔ jehanɛ, konɛ a he nyɛ yi wami! Ejakaa imi nɔ kake too ji Mawu; Mawu kpa ko be.

Yesaya 44:6

Bɔ nɛ Yawɛ, Israel matsɛ, kɛ e kpɔlɔ, nɛ lɛ ji Tabohiatsɛ ɔ ngɛ dee ji, “Imi ji kekleekle no, kɛ nyagbe no. Ye se ɔ, Mawu kpa ko be hu.

La 83:18

konɛ a le kaa mo Yawɛ, mo nɔ kake too lɛ o ngɛ he wami pe nɔ tsuaa nɔ ngɛ je ɔ mi tsuo.

Mose V, 32:39

“Nyɛ na nɛ nyɛɛ le kaa, ‘Imi nɔ kake too ji Mawu; ye se ɔ, mawu ko mawu ko be! Imi nɛ i gbee nɔ, imi kɛ̃ nɛ i haa nɔ wami; imi nɛ i plaa nɔ, nɛ imi nɛ i tsaa nɔ. Nɔ ko nɔ ko be nɛ maa tsi ye nya.

Mose II, 15:11

“Yawɛ lee, mɛnɔ ngɛ kaa mo? Mɛnɔ ngɛ kaa mo ngɛ mawu ɔmɛ a kpɛti? O je agbo; o he ngɛ gbeye; mo, mo nyakpɛ ní peelɔ.

Marko 12:32

Mlaa tsɔɔlɔ ɔ de Yesu ke, “Saminya tsɔɔlɔ! O tu anɔkuale, kaa Nyɔmtsɛ ɔ pɛ ji Mawu, nɛ nɔ kpa ko be, ja lɛ kɛkɛ.

Mose V, 32:23

“ ‘Ma ha haomihi maa ba a nɔ nɔtonɔto; ma tsɛ̃ mɛ ye kɛ̃ɛ̃ ɔmɛ tsuo.

Marko 12:29

Yesu he nɔ ke, “Kekleekle nɔ́ ji, ‘Israel, bu tue! Nyɔmtsɛ wa Mawu ɔ, lɛ nɔ kake pɛ ji Nyɔmtsɛ.

La 58:11

Bɔ nɛ nimli adesahi ma de ji, “Niinɛ, ni nɛmɛ nɛ peeɔ nɔ́ nɛ da a, a naa hiɔwo kpakpa. Niinɛ, Mawu ngɛ, nɛ e kojoɔ je ɔ tsuo.”

Matsɛmɛ II, 19:19

Lɔ ɔ he ɔ, Yawɛ, wa Mawu, i kpa mo pɛɛ nɛ o kpɔ wɔ kɛ je Asiria matsɛ ɔ dɛ mi, konɛ je ma amɛ tsuo pɛpɛɛpɛ nɛ a le kaa mo Yawɛ, mo nɔ kake too ji Mawu.”

1 Korintobi 8:4

Lɔ ɔ he ɔ, ma suɔ nɛ ma de nɔ́ ko ngɛ kusumi lo nɛ a kɛ haa amaga a yemi he. Wa le kaa amaga daa si ha nɔ́ ko nɛ be je nɛ ɔ mi. Wa le hu kaa mawu kpa ko be ngɛ anɔkuale Mawu kake ɔ se.

1 Korintobi 8:6

kɛ̃ ɔ, wɔɔ lɛɛ Mawu kake too nɛ ji Tsɛ ɔ, lɛ pɛ wa ngɛ. Lɛ nɛ bɔ níhi tsuo, nɛ lɛ nɛ ha nɛ wa ngɛ wami mi. Wa ngɛ Nyɔmtsɛ kake hulɔ; lɛ ji Yesu Kristo. E nɔ Mawu gu kɛ bɔ nɔ́ tsuaa nɔ́, nɛ lɛ nɛ ha nɛ wa ngɛ wami mi.

Mose II, 8:10

Farao ɔ de lɛ ke, “Hwɔɔ nɛ o sɔle ha mi.” Mose de lɛ ke, “Ma pee kaa bɔ nɛ o bi ɔ, konɛ o na nɛ o le kaa nɔ ko nɔ ko be nɛ ngɛ kaa Yawɛ, wa Mawu ɔ.

Mose II, 9:14

Jehanɛ ɔ lɛɛ i be o tsɔli ɔmɛ, kɛ o ma a kɛkɛ tue gblae; se mohu ma ha nɛ nɔ́ nami ɔ maa sa mo nitsɛ hu o he, konɛ o le kaa nɔ ko nɔ ko be nɛ e kɛ mi sɔ ngɛ je ɔ mi tsuo.

Mose V, 6:4

“Israel ma, nyɛ hɛ nɛ hi nɔ kaa Yawɛ, wa Mawu ɔ, lɛ pɛ ji Mawu.

Mose V, 7:9

Nyɛ na nɛ nyɛɛ le kaa Yawɛ, nyɛ Mawu ɔ, lɛ pɛ ji Mawu, nɛ e yeɔ anɔkuale. E maa ye e somi nɔ, nɛ e ma je e suɔmi nɛ ngɛ daa a kpo kɛ tsɔɔ yi nɔhi akpe abɔ nɛ suɔ lɛ, nɛ a yeɔ e mlaa amɛ a nɔ ɔ,

Mose V, 32:12

Yawɛ, lɛ nɔ kake lɛ e kpaka e ma a; ma se mawu ko piɛ we e he.

Mose V, 33:26

Nyagbe ɔ, bɔ nɛ Mose gbaa Israel ma a tsuo ji nɛ ɔ nɛ: “Israel ma, mawu ko mawu ko be kaa nyɛ Mawu ɔ nɛ nyɛɛɔ kɔɔhiɔ mi kɛ agboje kɛ jee hiɔwe kɛ ba jee ngmlaa ha nyɛ ɔ.

Matsɛmɛ I, 8:60

bɔ nɛ pee nɛ je ma amɛ tsuo nɛ a le kaa Yawɛ pɛ ji Mawu; e se ɔ, mawu kpa ko be hu.

La 100:3

Nyɛ na nyɛɛ le kaa Yawɛ ji Mawu. Lɛ nɛ e bɔ wɔ; e níhi ji wɔ. E ma ji wɔ; wa ngɛ kaa tohi nɛ e ngɛ lɛe.

Yesaya 43:10

“Israel ma, mo ji ye we odase. Imi ji nɔ nɛ hla mo, konɛ o pee ye tsɔlɔ, bɔ nɛ pee nɛ o le mi, o he ye nɔ nɛ o ye, nɛ o na nɛ o le kaa imi pɛ ji Mawu. Ye se ɔ, mawu kpa ko be hu, mawu kpa ko hi si hyɛ, nɛ eko be bae gblegbleegble.

Mose II, 8:6

Aaron wo e nine nɔ ngɛ Egipt pa amɛ a nɔ, nɛ e ha ovɔnɔhi ba nɛ a ba ha Egipt zugba a nɔ.

Samuel II, 7:22

Yawɛ Mawu lee, o kle agbo! Nɔ ko nɔ ko be nɛ ngɛ kaa mo; níhi nɛ wa nu ɔ tsɔɔ kaa mo pɛ ji Mawu.

Samuel II, 22:32

Yawɛ pɛ ji wa Mawu; lɛ pɛ ji wa he bulɔ.

Kronika I, 17:20

Yawɛ, nɔ ko be nɛ kɛ mo sɔ; wa le kɛ je blema, kaa mo pɛ ji Mawu.